როგორ დავიცვათ თავი ე.წ. მზის ალერგიისგან
რეალურ მიზეზს წარმოადგენენ. ალერგიის საუკეთესო მკურნალობაა ალერგენთან კონტაქტისგან თავის არიდება, ამიტომ მსუბუქად გამოხატული ფორმისას უმჯობესია დროებით თავი არიდოთ მცხუნვარე მზეს. (მზის სხივების ნეგატიურ გავლენას რომ გადაურჩეთ, უნდა გამოიყენოთ მზისგან დამცავი კრემები, დაიხუროთ ფართოფარფლიანი ქუდი, სხეული მაქსიმალურად დაიფაროთ ტანსაცმლით, მოერიდოთ მცხუნვარე მზეს, იაროთ ჩრდილში).
თუ გამონაყარი განვითარდა, შეგიძლიათ კომბოსტოს ფურცელი, კიტრის თხელი ნაჭრი ან კარტოფილი დაიდოთ ამ ადგილებზე, რაც შეგიმცირებთ ჩივილს.
თუ გამონაყარი გაძლიერდა, აუცილებელი ხდება მალამოების, არასტეროიდული ანთების საწინააღმდეგო პრეპარატების გამოყენება. ჰორმონული პრეპარატები მხოლოდ გართულებული ფორმის დროს ინიშნება, როდესაც კანი სერიოზულად არის დაზიანებული. სასურველია მიიღოთ C, E და B ჯგუფის პრეპარატები ან მათი შემცველი საკვები პროდუქტები.
გამწვავების პერიოდში თავი შეიკავეთ კოსმეტიკისა და ძლიერ არომატული საშუალებების გამოყენებისგან. უსაფრთხოების წესების დაცვის პირობებში მზის აბაზანების მიღებაც კი შეგიძლიათ.
ფოტოდერმატოზის დროს ხშირ შემთხვევაში ფსიქოლოგიური ფაქტორი ჭარბობს ხოლმე. ასეთებმა უმჯობესია სპეციალისტს მიმართონ, გამოკვლევები ჩაიტარონ და დარწმუნდებიან, რომ საგანგაშო არაფერია.
ამასთან ერთად გაითვალისწინეთ, ზოგჯერ ფოტოდერმატიტს კოსმეტოლოგიური საშუალებები აძლევს საფუძველს (მისი რომელიმე კომპონენტი), ასევე ზოგიერთი მედიკამენტი, ანტიბიოტიკი ან ანტიმიკოზური საშუალება.
ამიტომ თუ მზეზე გასვლისთანავე კანზე გამონაყარი აღგენიშნებათ, უნდა მიმართოთ ექიმს და გაარკვიოთ ფოტოდერმატიტის უშუალო მიზეზი.