რუბრიკები
ოჯახის მკურნალი
წნევის მარეგულებელი არამედიკამენტური საშუალებები
წნევის მარეგულებელი არამედიკამენტური საშუალებები

ხალხური მედიცინა ჰიპერტონიისა და ჰიპოტონიის სამკურნალო უამრავ საშუალებას გვთავაზობს. გაგაცნობთ ყველაზე მარტივ და ხელმისაწვდომ რეცეპტებს.


წნევის ამწევი საშუალებები

შტოში და ასკილი
არტერიული წნევის ნორმალიზებისთვის საკმარისია დილით, უზმოზე, დალიოთ შტოშის ვაჟინი: 2 ჭიქა შტოშის წვენს დაამატეთ ნახევარი ჭიქა შაქარი, შემოდგით ცეცხლზე და წამოადუღეთ. გაცივდება და მიირთვით. დღის განმავლობაში ასევე შეგიძლიათ დალიოთ 1 ჭიქა ასკილის ნაყენი.


კუნელი
კუნელის ყვავილების ნაყენი უნდა მიიღოთ დღეში 3-ჯერ 200 მლ. იგი სასარგებლოა როგორც მომატებული არტერიული წნევის დასაქვეითებლად, ისე გაძლიერებული გულისცემის ნორმაში მოსაყვანად. 60 გრამ ყვავილს დაასხით 0,5 ლიტრი მდუღარე წყალი, შემოდგით ძალიან ნელ ცეცხლზე, მიიყვანეთ დუღილამდე და კიდევ უფრო დაბალ ცეცხლზე ადუღეთ კიდევ 30 წუთი. გაწურეთ და ისე მიირთვით. საკმაოდ ეფექტიანად ებრძვის ჰიპერტონიას კუნელის ნაყოფის ნაყენიც. 25 გრამ კუნელს დაასხით 200 გრამი მდუღარე წყალი და დააყენეთ თერმოსში 4-6 საათით, მერე გაწურეთ და მიირთვით. სვით 50 მლ დღეში 3-ჯერ, ჭამის წინ.


ვაშლი და ქიშმიში
წნევა მუდამ ნორმაში რომ გქონდეთ, უნდა მიირთვათ რაც შეიძლება მეტი ვაშლი და ქიშმიში, განსაკუთრებით - საღამოს.


ჭარხალი და თაფლი
წნევის დასარეგულირებლად აიღეთ ერთნაირი რაოდენობის ჭარხლის წვენი და თაფლი, ერთმანეთში აურიეთ და მიიღეთ თითო სადილის კოვზი დღეში სამჯერ, ჭამის წინ. ანდა აიღეთ 0,5-1 ჭიქა ჭარხლის ახალგამოწურული წვენი, კარგად გახსენით შიგ 1 სადილის კოვზი თაფლი და მიიღეთ.


ფორთოხალი
აიღეთ ფორთოხლის ახალგამოწურული წვენი - 150-200 მლ, გახსენით შიგ 1 სადილის კოვზი თაფლი და დღეში 3-ჯერ მიიღეთ.


ბოსტნეულის წვენი
დღეში 3-ჯერ, ჭამამდე ნახევარი საათით ადრე ან ჭამიდან 2 საათის შემდეგ, მიიღეთ 3 სადილის კოვზი ერთმანეთში არეული თალგამის, სტაფილოს, ჭარხლის, პირშუშხასა და ერთი ლიმონის წვენი. მომზადებამდე წვრილად გახეხილ პირშუშხას დაასხით 50 მლ არაყი და გააჩერეთ 24 საათი თავდახურულ ქილაში. ნარევი ეკრძალებათ ჰეპატიტით, გასტრიტით, კუჭისა და თორმეტგოჯა ნაწლავის წყლულით დაავადებულებს. ხალხური

მედიცინა გვირჩევს, წნევის ნორმალური მაჩვენებლის შესანარჩუნებლად წყალი ვსვათ ნელ-ნელა, ყლუპებით, და არა ერთბაშად.


ჟენ-შენი და ევკალიპტი
წელიწადში 3-4-ჯერ 21 დღის განმავლობაში მიიღეთ ჟენ-შენის ან ევკალიპტის ნაყენი. თუ ძლიერ გამოხატული ჰიპოტონია გაქვთ, შეგიძლიათ ლიმონურას წვეთებიც სვათ: 10-20 წვეთი გააზავეთ 1/4 ჭიქა წყალში და მიიღეთ საუზმისა და სადილის წინ.


წნევის დამწევი საშუალებები

უსუპი
2 ჩაის კოვზ ნედლ დაქუცმაცებულ უსუპს დაასხით 1 ჭიქა მდუღარე წყალი, ნახევარი საათი გააჩერეთ და გაფილტრეთ. მიიღეთ დღეში 3-4-ჯერ, ჭამამდე ნახევარი საათით ადრე. ჩაიტარეთ ორკვირიანი კურსი, შემდეგ 1-2 თვე დაისვენეთ.


მაგარი ჩაის ნაყენი
დილით და დღის განმავლობაში კიდევ 1-2-ჯერ დალიეთ მაგარი მწვანე ან შავი ჩაი.


სუფთა ჰაერზე სეირნობა
კარგია დილა-საღამოს სუფთა ჰაერზე სეირნობა.


კონტრასტული შხაპი
კვირაში ორჯერ მიიღეთ კონტრასტული შხაპი: 5-7 წუთის განმავლობაში დადექით წყლის თბილი ნაკადის ქვეშ, მერე წყალი ნელ-ნელა გააცივეთ, მერე ისე გაათბეთ.


დანაწევრებული კვება
ზოგჯერ ჰიპოტონიას კვებაც აპროვოცირებს. თუ ჭამის შემდეგ თავს კარგად გრძნობთ, ეცადეთ მიირთვათ ხშირად, მაგრამ მცირე ულუფებით. გირჩევთ, ყველა ჩამოთვლილი მეთოდი 5-5 დღის განმავლობაში გამოსცადოთ. თან რეგულარულად იზომეთ წნევა, რათა დაადგინოთ მეთოდის ეფექტიანობა და შემდეგ თქვენთვის ყველაზე ოპტიმალური და ეფექტიანი შეარჩიოთ.

 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ალკოჰოლის ხშირი მოხმარება ჯანმრთლობისთვის მავნებელია, თუმცა დღესასწაულებზე სასმელზე უარის თქმა ზოგჯერ შეუძლებელია. დღესასწაულებისთვის მომზადებაა საჭირო. რამდენიმე დღით ადრე, იოდშემცველი პროდუქტების მიღებაა რეკომენდებული (ზღვის კომბოსტო, ზღვის თევზი, ზღვის პროდუქტები, ფეიხოა).
ექიმი გრეგორი ჰაუსი ყველაზე პოპულარული ექიმია მსოფლიოში მიუხედავად იმისა, რომ ის სატელევიზიო სერიალის გმირია. ყველაზე პოპულარულ გამოგონილ პერსონაჟებს შორის ის ერთ-ერთ მოწინავე პოზიციას იკავებს.
ექსპერიმენტი ჩატარდა მღრღნელებზე. მეცნიერები საცდელ ცხოველებს წონის დასაკლებად ფიზიკურ ვარჯიშს აიძულებდნენ. აღმოჩნდა, რომ მამრები, მდედრებთან შედარებით, ფიზიკური ვარჯიშის დახმარებით, უფრო ადვილად იკლებდნენ წონაში. აღსანიშნავია, რომ დატვირთვის დონე და კვება იდენტური იყო.
09 თებერვალი 2017
ბევრი ფიქრობს, რომ ადამიანები, რომლებიც ხშირად იღებენ სელფს, ნარცისიზმით არიან შეპყრობილები. თუმცა, ტეხასის უნივერსიტეტის მეცნიერების მიერ ჩატარებულმა კვლევებმა აჩვენა, რომ ეს ყოველთვის ასე არ არის. ამ ადამიანებს სხვა მოტივიც შეიძლება ამოძრავებდეთ.
28 დეკემბერი 2016
სტენფორდის უნივერსიტეტის გენეტიკოსები აცხადებენ, რომ უახლოეს პერიოდში ბავშვის ჩასახვისათვის კაცობრიობას სექსი აღარ დასჭირდება. მეტიც, პოტენციურ მშობლებს ბავშვების შერჩევა არა მხოლოდ სქესის, არამედ სხვა ნიშნების მიხედვითაც შეეძლებათ.
ადამიანის ტვინი მიდრეკილია სწრაფი დასკვნების გაკეთებისკენ, მაშინაც კი, თუ ეს უსაფუძვლო ნეგატიურ შეფასებას ნიშნავს. სპეციალისტებმა გაარკვიეს, რომ როდესაც ადამიანს აძლევენ ადამიანების მითიურ ჯგუფზე ნეგატიურ ინფორმაციას
საშინაო საქმეები სპორტდარბაზში ვარჯიშის შემცვლელია. სპეციალისტებმა დათვალეს რამდენი კალორიის დაწვაა შესაძლებელი ჩვეული საშინაო საქმიანობის დროს. ასე მაგალითად, საწოლის გასწორებისას ადამიანი წვავს 70 კალორიას, რაც ერთი ორცხობილას ეკვივალენტია.
ეჭვიანობა აქვეითებს ყურადღებას, ხელს უშლის მნიშვნელოვან საკითხებზე ყურადღების კონცენტრირებას. გარდა ამისა, ეჭვიანობის გრძნობა იწვევს სტრესის, შფოთისა და დეპრესიის სიმპტომების გამოვლენას