უცხო სხეული ყურში
: პიპეტით ყურში ჩააწვეთეთ რამდენიმე წვეთი მცენარეული ზეთი. დაახლოებით ორი საათის შემდეგ ყური გამოირეცხეთ თბილი წყლით, სანამ მწერი არ გამოვა. თუ უცხო სხეული ღრმად არის ჩასული, სჯობს პაციენტი ექიმთან წაიყვანოთ, რადგან უცხო სხეულის დამოუკიდებლად გამოღების მცდელობას შესაძლოა დაფის აპკის გახეთქვა და ადამიანის დაყრუება მოჰყვეს. ავიაგადაფრენის დროს აღმოცენებული ყურის ტკივილი ასე შეიძლება მოიხსნას:
1) ხშირად ამთქნარეთ;
2) ხშირ-ხშირად ყლაპეთ ნერწყვი, ღეჭეთ საღეჭი რეზინი ან ყლუპყლუპობით დალიეთ წყალი;
3) თუ ჯანმრთელი ბრძანდებით, მოკუმეთ პირი, თითებით დაიხშეთ ნესტოები და ეცადეთ, ცხვირ-ხახიდან ამოისუნთქოთ.
როდის უნდა მიმართოთ ექიმს?
1) ყურის ძლიერი ტკივილის დროს ან მაშინ, როცა ტკივილი რამდენიმე დღეა გრძელდება;
2) ყურში ჩირქგროვა ან უცხო სხეულია;
3) ძლიერი ცხელების დროს.
სასწრაფოდ მიაკითხეთ ექიმს, თუ ყურიდან სისხლი ან გამჭვირვალე სითხე დის.