ძუძუთი კვება დიაბეტისგან იცავს
როგორც კვლევამ აჩვენა, ძუძუთი კვება აქვეითებს ქალის სტრესის დონეს, მშობიარობის შემდგომი დეპრესიისა და ტიპი 2 შაქრიანი დიაბეტის განვითარების რისკს. აღმოჩნდა, რომ იმ დედების მეტაბოლიზმი, რომლებიც 3 თვეზე მეტხანს ძუძუთი კვებავენ ბავშვებს, მნიშვნელოვნად განსხვავდება მათგან, ვინც ბავშვებს ძუძუს არ აძლევენ.
ძუძუთი კვების ხანგრძლივობა დაკავშირებულია ფოსფოლიპიდების გამომუშავების ცვლილებასთან და ამინომჟავების დონის დაქვეითებასთან. 3 თვეზე მეტი ხანგრძლივობით ძუძუთი კვება ქალს იცავს ტიპი 2 დიაბეტის განვითარებისაგან.
ლალი ჩხიკვაძე