ოთახის განიავება ადამიანებს დიაბეტისა და სიმსუქნისაგან იცავს - ოქსფორდის უნივერსიტეტში მოღვაწე ენდოკრინოლოგის დასკვნა
ოქსფორდის უნივერსიტეტში მოღვაწე ენდოკრინოლოგი გროსმანი ამ დასკვნამდე მივიდა იმ კვლევების ანალიზის შედეგად, რომლებიც ეძღვნება ადამიანის ჯანმრთელობაზე გლობალური დათბობის გავლენას. აღნიშნულ პრობლემაზე ჰოლანდიელი მეცნიერები აქტიურად მუშაობენ. სწორედ ჰოლანდიელი კოლეგების მიერ ჩატარებულ საინტერესო კვლევებს აანალიზებს და შეისწავლის პროფესორი ეშლი გროსმანი.
როგორც ბრიტანელმა ექსპერტმა გაარკვია, გარემოს ტემპერატურის ერთი გრადუსით მომატებასაც კი შეუძლია შაქრიანი დიაბეტის პროვოცირება მოახდინოს. ამის მიზეზი გახლავთ ის, რომ სიცხეში ადამიანის ორგანიზმი არ წვავს კალორიებს სხეულის მუდმივი ტემპერატურის შესანარჩუნებლად, რაც ინსულინისადმი მგრძნობელობისა და სხეულის მასის მატებას იწვევს. ამ და სხვა არგუმენტებზე დაყრდნობით პროფესორი გროსმანი გვირჩევს რეგულარულად გავანიავოთ ოთახები, განსაკუთრებით არ დავიზაროთ ფანჯრის გაღება და ოთახის განიავება ძილის წინ, არ დავიძინოთ და არ ვიმუშაოთ თბილ ოთახში. ამით ბევრი დაავადების განვითარებას ავიცილებთ თავიდან.
თინათინ გოცაძე