რუსთავში მენინგიტის ოთხი შემთხვევა დაფიქსირდა
როგორც რუსთავის საზოგადოებრივი ჯანდაცვის ცენტრის უფროსი დავით ბეგაშვილი აცხადებს, მენინგიტით დაავადებული სამი პირი მკურნალობის კურსს საავადმყოფოში გადის, ერთი კი უკვე სახლში გაიწერა.
დღეს დილიდან რუსთავის ყველა საბავშვო ბაღსა და სკოლაში სასწავლო პროცესი 26 მაისის ჩათვლით შეწყდა. სკოლებსა და ბაღებში სველი დეზინფექცია ტარდება. ბეგაშვილი აცხადებს, რომ რუსთავში მენინგიტით დაავადების მსუბუქი ფორმები ფიქსირდება და მდგომარეობა საგანგაშო არაა.