შეაჩერებს თუ არა ებოლას ვირუსს გულის დაავადების სამკურნალო პრეპარატი
, რომლებიც შეიძლება ებოლას ვირუსის წინააღმდეგ გამოიყენონ.
მათ მიზნად დაისახეს გაერკვიათ, თუ რომელია ის უჯრედშიდა პროტეინები, რომლებიც ამ ვირუსს ესაჭიროება ფუნქციონირებისათვის.
ერთ-ერთი პროტეინი, რომელმაც მათი ყურადღება მიიქცია, ცნობილია, როგორც VP24. იგი ანადგურებს დაავადებული ადამიანის ორგანიზმში სიგნალის გადაცემის პროცესს და, შესაბამისად, იმუნურ სისტემასა და ორგანიზმის უნარს, იბრძოლოს დაავადების წინააღმდეგ.
მას შემდეგ, რაც მეცნიერთა გუნდმა აღმოაჩინა ასეთი ეფექტის მქონე პროტეინები, გადაწყვიტა გაეგო, უკვე არსებული მედიკამენტებიდან, რომელიმე თუ დაბლოკავდა ამ გამანადგურებელ მოქმედებას. ერთ-ერთი ასეთი წამალი აღმოჩნდა ოუაბაინი, რომელიც გულის დაავადებების სამკურნალოდ გამოიყენება. მისი მოხმარება ამცირებდა ვირუსული ორგანიზმების გამრავლებას უკვე ნამკურნალებ უჯრედებში.
კვლევას უძღვებოდნენ ლივერპულის უნივერსიტეტის პროფესორი ჟულიან ჰისკოქსი და პროფესორი როჯერ ჰიუსონი.
ჰისკოქსის განცხადებით, კვლევამ ნათელყო, თუ როგორ შეიძლება უკვე არსებული მკურნალობის მეთოდები გამოვიყენოთ ებოლას ვირუსის წინააღმდეგ, ეს კი, თავის მხრივ, დაზოგავს დროსაც და ადამიანების სიცოცხელსაც.
ვირუსისთვის საჭირო პროტეინებს ასევე აქვს უნარი, რომ მკურნალობისადმი რეზისტენტობის პრობლემა წარმოქმნას.
აღსანიშნავია, რომ კვლევის დასკვნები ეხება არა მხოლოდ ებოლას, არამედ ზოგადად ვირუსებს.
მასალა მოამზადა თათია მუკბანიანმა