ებოლას ცხელება დამარცხებულია
იგი აღნიშნული დაავადებით სიერა-ლეონეში სამუშაოდ ყოფნის დროს დასნებოვნდა. მედდას საბოლოო დიაგნოზი გასული წლის 29 დეკემბერს, ბრიტანეთში დაბრუნების შემდეგ დაუსვეს.
მედდა პოლინ კაფერკის მკურნალობა ექსპერიმენტს წარმოადგენდა. მისი მიმდინარეობისას პაციენტს მუდმივად უსხამდნენ იმ ადამიანების სისხლის პლაზმას, ვინც ებოლას ვირუსი გადაიტანა. ამგვარი მკურნალობა ვაქცინაციის პრინციპით მოქმედებდა. გარდა პლაზმისა, პოლინს მუდმივად აძლევდნენ ანტივირუსულ პრეპარატებს, რომელიც აქამდე ექსპერიმენტულად ითვლებოდა და მხოლოდ კაფერკის გამოჯანმრთელების შემდეგ დამტკიცდა მათი ეფექტურობა. მედდა უკვე გამოეწერა საავადმყოფოდან და რეაბილიტაციას სახლში გადის. მისი თქმით, კვლავ აწუხებს ძლიერი სისუსტე, თუმცა ექიმები დიაგნოზში დარწმუნებულები არიან.
პოლინი სრულიად ჯანმრთელია. ცნობილი არაა, რამდენ ხანს გასტანს რეაბილიტაცია, მაგრამ სიცოცხლისათვის საშიშიროება აქტუალური აღარ არის.
ჯანდაცვის მსოფლიო ორგანიზაციის მონაცემებით, ებოლას ვირუსისგან დაიღუპა 8 ათასი ადამიანი, ხოლო 20 ათასი ამ დროისთვის დასნებოვნებულია.
ავტორი ლალი ჩხიკვაძე