ლაბორატორიულად დადასტურდა, რომ აჭარაში ახალგაზრდა ქალის გარდაცვალების მიზეზი H1N1 ვირუსი გახდა
როგორც დაავადებათა კონტროლის ეროვნული ცენტრის ეპიდემიოლოგმა გიორგი ჩახუნაშვილმა განაცხადა, პაციენტი რისკ ჯგუფში შედიოდა და მისი გარდაცვალების მიზეზი დაგვიანებული მკურნალობა გახდა.
ამ დროისთვის გრიპის ვირუსით გარდაცვლილთა რაოდენობა 9 ადამიანს შეადგენს, მათგან 8 სწორედ ე.წ. ღორის გრიპით დაიღუპა.
აღნიშნულის მიუხედავად, დაავადებათა კონტროლის ეროვნულ ცენტრში აცხადებენ, რომ გრიპით დაავადების მაჩვენებელი ნორმის ფარგლებშია და ეპიდემიის საშიშროება არ არსებობს.