განიცდის თუ არა მომაკვდინებელი ვირუსი მუტაციას
ექიმები შიშობენ, რომ ამით დაავადება კიდევ უფრო საშიში გახდება.
სპეციალისტები ცდილობენ გაარკვიონ, შეიცავს თუ არა ავადმყოფების ორგანიზმიდან ცოტა ხნის წინ გამოყოფილი ძირითადი გენები რაიმე ცვლილებას. საქმე ის გახლავთ, რომ სახეშეცვლილი სიმპტომები ემსგავსება შეცვლილი კორონავირუსით დაავადებული ცხოველების სიმპტომებს. მსგავსი ცვლილებები შეიძლება წარმოიქმნას მაშინ, როდესაც იცვლება კორონავირუსის გარეთა გარსის შექმნისა და ქსოვილში შეღწევის განმსაზღვრელი (პასუხისმგებელი) ცილის მაკოდირებელი გენი. ღორების კორონავირუსზე ჩატარებულმა ცდებმა აჩვენა, რომ იმ გენის სახეშეცვლას, რომელიც ცილის კოდირებას ახდენს, შეუძლია გაზარდოს ვირუსის აგრესიულობა და დააჩქაროს მისი გამრავლება. ამიტომ გენეტიკოსები უპირველესად ამ ცვლილებებს ეძებენ.
თინათინ გოცაძე