რატომ უნდა აიფაროთ ხელი ცემინებისა და ხველების დროს
ბაქტერიებს 4 მეტრამდე შეუძლია გადაადგილება, ამიტომ ცემინებისა და ხველებისას ყოველთვის უნდა ავიფაროთ პირზე. ბაქტერიების სიცოცხლისუნარიანობა ლურჯ-მწვანე ბაქტერიის - Pseudomonas aeruginosa მაგალითზე შეამოწმეს.
ცნობილია, რომ ბაქტერიას დასნებოვნება შეუძლია ორგანიზმის გარეთ ხანგრძლივად არსებობის შემდეგაც. სხვა ბაქტერიებისგან განსხვავებით, Pseudomonas aeruginosa თავის თვისებებს ინარჩუნებს და მისი ბიოლოგიური დაშლა სწრაფად არ ხდება. დაქვეითებული იმუნიტეტის მქონე პირებისთვის ის ძალიან საშიშია. დასნებოვნების შედეგი შეიძლება იყოს მენინგიტი, პნევმონია, ცხელება, სუნთქვასთან დაკავშირებული პრობლემები, ადვილად დაღლა.
როგორც კი ბაქტერიების შემცველი წვეთები ჰაერში ხვდება (ხველების დროს), ისინი სწრაფად შრება, გრილდება და ხდება მაქსიმალურად მსუბუქი, რაც მათ ჰაერში დიდხანს დარჩენის საშუალებას აძლევს. Pseudomonas aeruginosa-ს ნახევრადდაშლის პერიოდი ჰაერში 10 წუთზე მეტია, ამიტომ დასნებოვნებული ადამიანის ოთახში ყოფნის შემთხვევაში, დიდი ხნის განმავლობაში (დაახლოებით ერთი საათი) არაა რეკომენდებული იქ შესვლა. ამიტომ, ექიმები ხველებისა და ცემინების დროს, პირზე ხელის აფარებისკენ მოგვიწოდებენ.
ლალი ჩხიკვაძე