სპეციალისტი - საქართველოში გრიპის სეზონმა მშვიდად ჩაიარა
საზოგადოებრივი ჯანმრთელობის ეროვნული ცენტრის გადამდებ დაავადებათა დეპარტამენტის მთავარი სპეციალისტმა, ირინე კალანდაძემ განუცხადა. მისივე თქმით, მარტი და აპრილი რჩება გრიპის სეზონად, თუმცა რაიმე განსაკუთრებული შემთხვევების მატება მოსალოდნელი არ არის.
“გვაქვს ეპიდაფეთქება წითელას მიმართულებით, ეს მდგომარეობა გრძელდება. შემთხვევები არის მომატებული მთელი საქართველოს მასშტაბით და განსაკუთრებით აჭარის რეგიონში. მოვუწოდებთ მთელი საქართველოს მოსახლეობას, გაიკეთონ აცრები, მათ შორის გეგმური და არაგეგმური. 1-ელი იანვრიდან დღემდე დაახლოებით 400 შემთხვევა გვაქვს. ყველა შემთხვევა სტაბილურად მშვიდად მიმდინარეობს, გამწვავება და მითუმეტეს ლეტალური არც ერთი შემთხვევა არ გვაქვს. რაც შეეება სხვა ვირუსებს, გრიპის სეზონმა მშვიდად ჩაიარა საქართველოში. მარტი და აპრილი რჩება ისევ გრიპის სეზონად, თუმცა რაიმე განსაკუთრებულ მატებას არ ველოდებით“, - განაცხადა ირინა კალანდაძემ.