კარდიოლოგები რაციონიდან მარილის სრულად ამოღებას არ გვირჩევენ
თუმცა, როგორც დადგინდა, მარილის ნაკლებობაც საშიშია. მაკმასტერის უნივერსიტეტისა და Hamilton Health Sciences ორგანიზაციის სპეციალისტებმა გააანალიზეს 49 ქვეყნის 130 000-ზე მეტი ადამიანის მონაცემები. მათ აინტერესებდათ როგორია კავშირი, მაღალი და ნორმალური წნევის მქონე ადამიანებში, მარილის მოხმარებას, სიკვდილიანობას, გულის დაავადებებსა და ინსულტს შორის.
აღმოჩნდა, რომ მარილის მცირე რაოდენობით მოხმარებისას გულის შეტევების, ინსულტებისა და სიკვდილიანობის მაჩვენებელი უფრო მაღალი იყო, ვიდრე მარილის საშუალო რაოდენობით მიღების პირობებში. ამგვარად, დღის განმავლობაში მოხმარებული მარილის რაოდენობა არ უნდა იყოს 3 გრამზე ნაკლები, იმის მიუხედავად, თუ როგორია არტერიული წნევის ციფრები. ანუ, უნდა ვიცოდეთ, რომ ზომიერება ყველაფერში მნიშვნელოვანია.
ლალი ჩხიკვაძე