რუბრიკები
ოჯახის მკურნალი
კითხვა-პასუხი
თირკმლის გამოკვლევის მეთოდები

- განსხვავდება თუ არა ერთმანეთისგან ქალისა და მამაკაცის შარდის ლაბორატორიული მაჩვენებლები?
- განსხვავდება. ნორმის ზედა ზღვარი მამაკაცებს უფრო მაღალი აქვთ, რაც კუნთოვანი ქსოვილის მეტი მოცულობით აიხსნება.


- იქნებ თირკმლის ფუნქციურ სინჯებზეც გვესაუბროთ. რისი განსაზღვრისათვის არის მოწოდებული ეს სინჯები და როგორ უნდა იქნეს აღებული შარდი ამ გამოკვლევისთვის?
- გორგლოვანი ფილტრაციის სიჩქარის განსაზღვრა ყველაზე უკეთ ახასიათებს თირკმლის მოფუნქციე ქსოვილის მოცულობას. ეს მეთოდი გამოიყენება თირკმლის დაავადების სიმძიმისა და მიმდინარეობის შესაფასებლად. გარდა ამისა, მას დიდი მნიშვნელობა აქვს იმ მედიკამენტების ადეკვატური დოზის შესარჩევად, რომლებიც თირკმელების საშუალებით გამოიყოფა. გორგლოვანი ფილტრაციის შესუსტება ან ძირითადი დაავადების პროგრესირებაზე მიუთითებს, ან იმ მდგომარეობის ნიშანია, რომელიც თირკმელების პერფუზიის დაქვეითებასთან არის დაკავშირებული. გორგლოვანი ფილტრაციის სიჩქარის ინდექსად სისხლის შრატში კრეატინინის კონცენტრაციას იყენებენ. გორგლოვანი ფილტრაციის სიჩქარესა და კრეატინინს შორის უკუკავშირი არსებობს. გორგლების მიერ ფილტრირებული კრეატინინის რაოდენობა დაახლოებით შეესაბამება თირკმელებით გამოყოფილი კრეატინინისას. გორგლოვანი ფილტრაციის დასადგენად საჭიროა, 24 საათის განმავლობაში (დილიდან დილამდე) მიღებულ შარდში განისაზღვროს ენდოგენური კრეატინინის საშუალო კლირენსი, ხოლო ვენიდან უზმოზე აღებულ სისხლში - კრეატინინის კონცენტრაცია.


- რომელი ინსტრუმენტული მეთოდებია მოწოდებული თირკმელების გამოსაკვლევად?
- ულტრაბგერითი გამოკვლევა, ასევე - რენტგენოლოგიური მეთოდები: მიმოხილვითი რენტგენოგრაფია, უროგრაფია, პიელოგრაფია, ცისტოგრაფია, კომპიუტერული ტომოგრაფია, მაგნიტურ-რეზონანსული გამოკვლევა, თირკმელების ანგიოგრაფია, რადიოიზოტოპური გამოკვლევა.


- როდის მიმართავენ თირკმლის ულტრაბგერით გამოკვლევას? რა არის მისი ჩვენება? რისი დადგენა შეიძლება ამ გზით?
- თირკმლის ულტრაბგერითი გამოკვლევა იმისთვის ტარდება, რომ განისაზღვროს თირკმლის ზომა, მდებარეობა, თირკმლის ქსოვილის ექოგენურობა (ამ უკანასკნელის მატება თირკმლის ქრონიკული დაავადების მაჩვენებელია), მენჯფიალათა სისტემის დილატაცია, თირკმელების პოლიკისტოზი, სითხის პერინეფრული დაგროვება; შესაძლებელია, გამოვლინდეს ობსტრუქცია, ჰიდრონეფროზი, კენჭი, კისტა, ესა თუ ის მოცულობითი წარმონაქმნი, შარდსასქესო ორგანოების განვითარების ესა თუ ის მანკი. ექოსკოპიის კონტროლით ხორციელდება თირკმლის ბიოფსია, ხდება თირკმლის სისხლძარღვების შესწავლა და ასე შემდეგ.


- რას გვაძლევს შარდის ბუშტის ულტრაბგერითი კვლევა?
- შარდის ბუშტის ულტრაბგერითი კვლევის ჩვენებაა შარდის ბუშტის განვითარების ანომალია, შარდის გამოყოფის დარღვევა, ცისტიტი, შარდის ბუშტის ტრავმა. ამ გზით შეიძლება შარდის ბუშტის კიბოსა და სხვა სიმსივნეების დიაგნოსტიკა.


- რა ინფორმაციას გვაწვდის დოპლეროგრაფია?
- შარდსასქესო ორგანოების დოპლეროგრაფია საშუალებას იძლევა შეფასდეს თირკმლის სისხლძარღვებში სისხლის ნაკადის სიჩქარე, გამოვლინდეს სტენოზი და ობლიტერაცია, აგრეთვე - შარდსასქესო სისტემის მსხვილი სისხლძარღვების ანევრიზმები. ეს მეთოდი უმტკივნეულოა, უკუჩვენება პრაქტიკულად არ აქვს.


- რენტგენოლოგიური კვლევის რომელ მეთოდებს მიმართავენ თირკმელების პათოლოგიის დროს, რას გვაძლევს ეს მეთოდები, როგორია მათი ჩატარების ჩვენება და უკუჩვენება? როგორ უნდა მომზადდეს პაციენტი გამოკვლევისთვის?
- უროგრაფია თირკმლის დაავადებების სადიაგნოზო საკმაოდ გავრცელებული ვიზუალური მეთოდია. უროგრაფიული მეთოდებია მიმოხილვითი რენტგენოგრაფია, ექსკრეტორული უროგრაფია, პიელოგრაფია, თირკმელების ანგიოგრაფია, კომპიუტერული ტომოგრაფია, მაგნიტურ-რეზონანსული გამოკვლევა. მიმოხილვითი რენტგენოგრაფია ტარდება, როდესაც ეჭვობენ შარდკენჭოვან დაავადებას ან სიმსივნეს. ექსკრეტორული უროგრაფია საშუალებას იძლევა, კონტრასტის ინტრავენური შეყვანით გამოვიკვლიოთ თირკმელების, შარდსაწვეთის, შარდის ბუშტის სტრუქტურა, გამოვავლინოთ თირკმლის პარენქიმის დაზიანება - ავთვისებიანი სიმსივნე, პაპილარული ნეკროზი, საშარდე სისტემის სიმსივნე, კენჭები, საშარდე სისტემის განვითარების ანომალიები, არტერიულ-ვენური მანკები. უროგრაფიის უკუჩვენებაა საკონტრასტო ნივთიერებაზე ალერგიული რეაქცია, თირკმლის უკმარისობა, დიაბეტური ნეფროპათია, ორსულობა. პიელოგრაფია საშუალებას გვაძლევს, ზუსტად განვსაზღვროთ ობსტრუქციის ადგილი და კონტურები, მოვახდინოთ ობსტრუქციული და არაობსტრუქციული ჰიდრონეფროზის დიფერენცირება. თირკმელების ანგიოგრაფია მეთოდია, რომლის საშუალებითაც შეიძლება შეფასდეს თირკმლის არტერიების მდგომარეობა. ამ მანიპულაციის დროს თეძოს არტერიაში შეჰყავთ კათეტერი და საკონტრასტო ნივთიერება, რის შემდეგაც იღებენ რენტგენული სურათების სერიას. ეს მეთოდი ნაჩვენებია თირკმლის სისხლძარღვოვანი არქიტექტონიკის, თირკმლის სისხლძარღვების შევიწროების ხარისხის დასადგენად, ეს უკანასკნელი კი ხშირად არის არტერიული ჰიპერტენზიის მიზეზი. კომპიუტერული ტომოგრაფია მიზანშეწონილია ჩატარდეს ობსტრუქციის დროს, რომლის მიზეზი სიმსივნეა, ჰიდრონეფროზის დროს, როდესაც სხვა გამოკვლევები უეფექტოა, მოცულობით წარმონაქმნებზე, განსაკუთრებით კი ავთვისებიან სიმსივნეზე ეჭვის დროს, თირკმლის ტრავმის დროს. ამასთანავე, ის რეტროპერიტონეული სივრცის უფრო ეფექტური ვიზუალიზაციის საშუალებას იძლევა.


- როდის მიმართავენ ენდოსკოპიურ გამოკვლევას?
- ენდოსკოპიური მეთოდი ფართოდ გამოიყენება შარდსასქესო ორგანოების დაავადებათა სადიაგნოზოდ და სამკურნალოდ. მისი მეშვეობით შესაძლებელია, ვიზუალურად ზედმიწევნით იქნეს გამოკვლეული ორგანოს ლორწოვანი გარსები და ღრუები.



კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
შვებულება მხოლოდ მოდუნების შესაძლებლობა არაა. ექსპერტების აზრით, შვებულება სასარგებლო და აუცილებელია ჯანმრთელობისთვის.
ფსიქოლოგები დიდი ხანია საუბრობენ ადამიანის მარტოობის საკითხებზე. ბევრი დარწმუნებულია, რომ მარტოობა ფსიქიკური და ფიზიკური ჯანმრთელობისთვის სახიფათოა. მარტო დარჩენილი ადამიანი ჩაკეტილ წრეში ექცევა.
1. სწორედ ძილის დროს მიმდინარეობს ცხიმისა და ზედმეტი კალორიების დაწვის პროცესი. მიღებული ენერგია კი სითბოდ ტრანსფორმირდება.
ამ კატეგორიის სხვა სტატიები
ყველასათვის კარგად ნაცნობი ტერმინი - “გლომერულონეფრიტი” - თირკმლის იმ დაავადებების აღსანიშნავად გამოიყენება, რომელთაც ახასიათებს თირკმლის ძალიან პატარა სისხლძარღვების - კაპილარებისაგან წარმოქმნილი გორგლების ანთება. თავის მხრივ, თირკმლის გორგალი არის მისი ძალიან პატარა ზომის ფილტრი. თითოეული თირკმელი მილიონობით გორგალს შეიცავს.

ორგანიზმს სჭირდება ფოსფორი, ძლიერი ძვლების შესანარჩუნებლად და აღსადგენად. ეს ელემენტი ასევე მნიშვნელოვანია ნერვებისა და ორგანიზმის სხვა სისტემებისთვის. აღნიშნული მინერალური ელემენტი, გავრცელების მიხედვით მეორეა, კალციუმის შემდეგ.
ჯანმრთელი თირკმელი, სხვა ბევრ მნიშვნელოვან ფუნქციასთან ერთად, ორგანიზმის ნარჩენებისაგან გაწმენდისა და ჭარბი წყლის მოცილების ფუნქციასაც ასრულებს. ამის გათვალისწინებით, თავადაც მიხვდებით, რომ სისხლისა და შარდის ლაბორატორიული გამოკვლევით შეიძლება დადგინდეს, რამდენად უმკლავდება ორგანიზმისათვის ასეთი აუცილებელი ორგანო თავის ფუნქციას. გარკვეულ წარმოდგენას გვაძლევენ გამომსახველობითი კვლევები და თირკმლის ქსოვილის მიკროსკოპული შესწავლა. ქვემოთ შევეცდებით მოკლედ გავნიხილოთ ეს კვლევები.

ჰოლანდიელმა მეცნიერებმა შეიმუშავეს მეთოდიკა, რომელიც შეიძლება გახდეს დიალიზის ან ტრანსპლანტაციის ალტერნატივა. საუბარია ბიოხელოვნურ თირკმელზე, რომელიც განკუთვნილი იქნება თირკმლის უკმარისობიანი პაციენტებისთვის.მეცნიერების აზრით, ანალოგიურად შესაძლებელი იქნება ღვიძლის, კუჭქვეშა ჯირკვლის და სხვა ორგანოების შეცვლა.
თურმე ყავისა და სხვა კოფეინიანი სასმელების ხშირი სმა შარდკენჭოვანი დაავადების პროგრესს აჩქარებს.
მეცნიერებმა მსოფლიოში პირველი მიკროჩიპიანი ხელოვნური თირკმელი შექმნეს. ამ ბიოჰიბრიდულ მოწყობილობას შეეძლება
23 სექტემბერი 2015
გულწრფელად გაინტერესებთ, უყვარხართ თუ არა მამაკაცს, რომლის მიმართაც გულგრილი არ ხართ? გაეცანით შეყვარებული მამაკაცის დახასიათებას და ნუ მოიტყუებთ თავს, თუ მასში ამ ნიშნებს ვერ ხედავთ:
13 აგვისტო 2015
მარტივი ვარჯიშით ხვრინვისგან გათავისუფლება შესაძლებელია. სან-პაულოს უნივერსიტეტის სპეციალისტების კვლევაში, რომელიც სამი თვე გრძელდებოდა, მონაწილეობდა 39 პაციენტი.
კოსმეტიკამ და ხელოვნურმა რუჯმა თვალებს ზიანი რომ არ მიაყენოს, ამისათვის რამდენიმე რეკომენდაცია უნდა გაითვალისწინოთ:
კანადელი მეცნიერების განცხადებით, რძის მოყვარული ბავშვები თანატოლებთან შედარებით ბევრად მაღლები არიან. გარდა ამისა, მათ უფრო მეტად ჯანსაღი თმა და ფრჩხილები აქვთ.
ადამიანის დაცემინებიდან ან დახველებიდან საშიში ბაქტერიები ჰაერში 45 წუთამდე აქტიური რჩება. უფრო მეტიც, ამ ბაქტერიებს 4 მეტრამდე შეუძლია გადაადგილება, ამიტომ ცემინებისა და ხველებისას ყოველთვის უნდა ავიფაროთ პირზე.