D ვიტამინი ადამიანის სიცოცხლის ხანგრძლივობას 33 %-ით ზრდის
ამ ვიტამინის საკმარისი რაოდენობა ორგანიზმში ადამიანის სიცოცხლის ხანგრძლივობას 33 %-ით ზრდის. მისი დეფიციტი კი, გარდა იმისა, რომ საგრძნობლად აჩქარებს დაბერების პროცესს, ალცჰაიმერის დაავადების განვითარებაშიც თამაშობს გარკვეულ როლს.
ამ საინტერესო კვლევის ავტორები, მიღებულ მონაცემებზე დაყრდნობით აცხადებენ, რომ D ვიტამინი შესაძლოა სიბერესთან ბრძოლის მსოფლიო პროგრამაში გარდამტეხი აღმოჩნდეს.
ცხოველური წარმოშობის პროდუქტებიდან D ვიტამინი გვხვდება თევზის ქონში, კვერცხის გულში, ხიზილალაში, რძის ნაწარმში, ყველსა და კარაქში, D ვიტამინით მდიდარი მცენარეული წარმოშობის პროდუქტებიდან კი აღსანიშნავია სოკო, ჭინჭარი, ოხრახუში, იონჯა, შვიტა. თუმცა D ვიტამინის უდიდესი ნაწილი ორგანიზმში ხვდება არა საკვებით, არამედ გამომუშავდება მზის სხივების ზემოქმედების შედეგად.
გასათვალისწინებელია, რომ ორგანიზმს უნარი შესწევს, D ჯგუფის ვიტამინები დააგროვოს, მათი ჭარბი რაოდენობა ორგანიზმიდან არ გამოიდევნება, ამიტომ ამ ნივთიერებებით მოწამვლა შესაძლებელია. ექიმის დანიშნულების გარეშე D ვიტამინის პრეპარატების მიღება რეკომენდებული არ არის. უმჯობესია რაციონის კორექტირება და D ვიტამინის ყოველდღიური ნორმის ამ გზით მიღება. წინააღმდეგ შემთხვევაში შეიძლება ჰიპერვიტამინოზს შევეჯახოთ.
თინათინ გოცაძე