რა იწვევს ქალის სექსუალურ სიცივეს - ფრიგიდულობას
. მას შეიძლება იწვევდეს აგრეთვე ქრონიკული ინტოქსიკაცია, ვიტამინების ნაკლებობა, გადაღლა. პირველ რიგში უნდა გამოირიცხოს ეს ფაქტორები. მათი არსებობის შემთხვევაში კი სათანადო მკურნალობა უნდა ჩატარდეს.
სექსოლოგთა მონაცემებით, მათთან მისული ქალების 40% უჩივის ორგაზმის არარსებობას. ამ დროს მკვეთრადაა დაქვეითებული ქალის სექსუალური ლტოლვა. ანორგაზმია შემთხვევათა მხოლოდ ერთ მესამედშია განპირობებული ქალის ორგანიზმის თავისებურებებით, დანარჩენ ორ მესამედში კი მიზეზი მეუღლეთა ურთიერთობის დისჰარმონიაა. ასეთი დისჰარმონია სავსებით ჯანმრთელ ისეთ მეუღლეთა ურთიერთობის დროსაც წარმოიქმნება ხოლმე, რომლებიც სიყვარულით დაქორწინდნენ და ერთმანეთის მიმართ კეთილგანწყობილნი არიან. ამის მიზეზი კი უხშირესად მამაკაცის არასწორი ქცევა ან მის მიერ ქალის ფსიქოლოგიისა და ფიზიოლოგიის უცოდინრობა, საჭირო ინტუიციის უქონლობა და ინტიმურ სფეროში ურთიერთგაგების დეფიციტია. ასეთ შემთხვევაში მეუღლესთან ერთად უნდა ეწვიოთ სექსოპათოლოგს, რომელიც თქვენს პრობლემას აუცილებლად მოაგვარებს. და საერთოდ, ნებისმიერ შემთხვევაში ამ პრობლემის მოგვარება შესაძლებელია მედიკამენტებით, ფიზიოთერაპიით, ფსიქოთერაპიით.
მსგავსი პრობლემის არსებობის შემთხვევაში მეუღლეებს შორის ამ თემზე გულახდილი საუბარი უნდა შედგეს. ოჯახის სიმყარისთვის ძალიან მნიშვნელოვანია ჰარმონიული სექსუალური ურთიერთობა, საჭიროების შემთხვევაში არ მოგერიდოთ სექსოპათოლოგთან ვიზიტის.