ძალიან აქტიურმა სექსუალურმა ცხოვრებამ შესაძლოა ოჯახურ ურთიერთობებს წერტილი დაუსვას
ინსტიტუტის კვლევაში მონაწილეობა მიიღო 35-65 წლის ასაკის 64 ოჯახურმა წყვილმა. წყვილები დაყვეს ორ ჯგუფად - ისინი, ვისაც სქესობრივი კონტაქტი ყოველდღე ჰქონდათ და მეორე ჯგუფი, რომელთაც სქესობრივი კონტაქტი კვირაში 1-ჯერ ან უფრო იშვიათად ჰქონდათ. მეორე ჯგუფის წყვილების ოჯახური კავშირი უფრო ძლიერი იყო. როგორც აღმოჩნდა ხშირი სქესობრივი კონტაქტისას პარტნიორები ერთმანეთს უფრო სწრაფად ეჩვევიან, ურთიერთობები მათთვის საინტერესო აღარ არის და თავს იჩენს უთანხმოება.
თავის მხრივ, ბელფასტის უნივერსიტეტის თანამშრომლებმა გამოარკვიეს: დილის საათები იდეალურია სექსისთვის. სქესობრივი აქტის დროს მოქმედებაშია გულმკერდის, ხელის, თეძოს, ფეხის კუნთები. ეს უდრის 30 წუთიან სრულფასოვან ფიზიკურ აქტივობას. ამასთან სექსი ტვირთვას გულ-სისხლძარღვთა სისტემას, რაც არარეკომენდებულია გვიან ღამით.
ზოგიერთი სპეცილისტი სქესობრივი აქტივობის დაქვეითების კონსტატაციას ახდენს. კემბრიჯის უნივერსიტეტის პროფესორმა დევიდ შპიგელჰალტერმა დაამტკიცა, რომ ინტერნეტი ნეგატიურად მოქმედებს ადამიანების ინტიმურ ცხოვრებაზე. დღეისათვის საშუალოსტატისტიკურ წყვილს სქესობრივი კონტაქტი თვეში 3-ჯერ აქვს. 2000 წელს ეს მაჩვენებელი 4 იყო, ხოლო 1990 წელს 5-ს უდრიდა. მობილური ხელსაწყოები და სოციალურ ქსელებზე დამოკიდებულება პარტნიორთან ურთიერთობის დროს უბრალოდ აღარ ტოვებს.
ლალი ჩხიკვაძე