ეკრანისა და კომპიუტერის კლავიატურის ფერის ფონი ერთმანეთს უნდა ემთხვეოდეს
. მართლაც, კომპიუტერი არც კატარაქტას, არც გლაუკომას არ იწვევს. ერთადერთი მოსალოდნელი ცვლილება ახლომხედველობის განვითარება ან გაძლიერებაა. კომპიუტერთან მუშაობის დროს პაციენტი უჩივის მხედველობის სიმახვილის დაქვეითებას; აკომოდაციის დარღვევას - შენელებულია ახლოს არსებული საგნებიდან შო¬რეულზე ფოკუსირება და პირიქით; მხედველობის გაორებას; კითხვის დროს თვალების სწრაფ დაღლას; თვალებში წვის შეგრძნებას; თვალებში სიმშრალისა და უცხო სხეულის შეგრძნებას; ქუთუთოებქვეშ ქვიშის შეგრძნებას; ტკივილს თვალბუდისა და შუბლის არეში; თვალის ლორწოვანი გარსის (კონიუნქტივის) სიწითლეს.
ამ პრობლემების თავიდან ასაცილებლად სასურვლია მონიტორის პარამეტრები იყოს შემდეგი: დიაგონალი - 17 ინჩი; გარჩევადობა - 1280X1024 პიქსელი, სამუშაო სიხშირე - 100 ჰც. აქვე უნდა ითქვას, რომ დამცავი სათვალე და ეკრანი თანამედროვე მონიტორებთან სამუშაოდ საჭირო აღარ არის. ასევე, სასურველია, ეკრანისა და კლავიატურის ფერის ფონი ერთმანეთს ემთხვეოდეს. მონიტორი არ უნდა ირეკლავდეს სხვა სინათლის წყაროს (ფანჯარას, ნათურას და სხვ.). თვალზე უარყოფითად მოქმედებს მონიტორიდან არეკლილი სინათლე. კომპიუტერიდან წამოსული სინათლის სხივები, როდესაც პირდაპირ ხვდება თვალზე, აზიანებს ტვინს, რადგან მხედველობის დაღლა - ეს ტვინის დაღლაა. მონიტორთან მუშაობისას 20-30 წუთში ერთხელ აუცილებელია შესვენება 2-3 წუთით. სასურველია მოკლე ხნით მხედველობის კონცენტრირება შორეულ საგნებზე და თვალების გავარჯიშება. მაგალითად, ასე: მოვაცილოთ მზერა მონიტორს და თვალის კაკლები აქეთ-იქით ვამოძრაოთ. იხილეთ ვრცლად