ახალი მოწყობილობა უსინათლოებს ჩვეულებრივი წიგნის წაკითხვის საშუალებას მისცემს
კითხვისას ადამიანმა კამერამიმაგრებული თითი უნდა გააყოლოს წიგნის სტრიქონებს. ამის შემდეგ გამოსახულება იგზავნება კომპიუტერში, ის კი თავის მხრივ აღიქვამს ტექსტს. თუ ტექსტის ნაწილი თითითაა დაფარული, კამერას მიეწოდება სიგნალი და ის იწყებს ვიბრაციას.
სპეციალისტებმა ახალი მოწყობილობა უსინათლო მოხალისეების მონაწილეობით მიმდინარე კვლევისას გამოსცადეს. HandSight-ის საშუალებით მონაწილეებმა ჩვეულებრივი წიგნებისა და ჟურნალების წაკითხვა შეძლეს. ტექსტის გახმოვანებისა და აღქმის სიჩქარე საკმაოდ მაღალი აღმოჩნდა (წუთში 65-დან 80 სიტყვამდე). ჩვეულებრივ, ადამიანი წუთში დაახლოებით 200 სიტყვას კითხულობს.
ლალი ჩხიკვაძე