თვალის ფერის შეცვლა ლაზერული ტექნოლოგიით
ამერიკულმა კომპანიამ Stroma Medical სამეცნიერო საზოგადოებას თვალის ფერის ლაზერული ტექნოლოგიით შეცვლა შესთავაზა. აღსანიშნავია, რომ ეს მეთოდი 37 ადამიანმა საკუთარ თავზე გამოსცადა. თავად ზემოქმედება ხორციელდება 20 წამის განმავლობაში.
ამ დროის მანძილზე ხდება ყავისფერი მელანინის (პიგმენტი, რომელიც თვალებსა და თმას შესაბამის ფერს სძენს) განადგურება და ცისფერი პიგმენტის თანდათანობით გამოჩენა. კომპანიის წარმომადგენლების თქმით, ლაზერს მცირე სიმძლავრე აქვს, ამიტომ თვალის დაზიანების რისკი მინიმუმამდეა დაყვანილი.
თუმცა, დამოუკიდებელი ექსპერტები ამ პროცედურას ეჭვის თვალით უყურებენ. უფრო მეტიც, ცნობილია, რომ სადღეისოდ თვალის ფერის ლაზერული ცვლილების მეთოდმა მარეგულირებელი ორგანოების მხრიდან ოფიციალური თანხმობა ვერ მიიღო.
ლალი ჩხიკვაძე