ალკოჰოლი ნაადრევ დაბერებას უწყობს ხელს
მედიკოსების განცხადებით, ეს განსაკუთრებით ქალებმა უნდა გაითვალისწინონ. ბევრი თანამედროვე ქალი მიირთმევს ვახშამზე ბოკალ ღვინოს. მათი აზრით, ღვინო მოდუნებასა და სტრესის დონის დაქვეითებას უწყობს ხელს. თუმცა, ხშირად ერთი ბოკალით აღარ იფარგლებიან. სასმელის ტიპს, მოცემულ მომენტში, მნიშვნელობა არ აქვს.
პირველ რიგში ეს საყურადღებოა მათთვის, ვისაც წონაში დაკლება სურს. სპირტიანი სასმელები შეიცავს დიდი რაოდენობით შაქარს. მაგალითისთვის, ერთ ბოთლ ნახევრადტკბილ ღვინოში არსებული კალორიების დასაწვავად, მინიმუმ, 40-წუთიანი კარდიოვარჯიშია საჭირო.
სპირტიანი სასმელები უარყოფითად მოქმედებს ადამიანის კანის მდგომარეობაზე. სასმელის ხარისხსაც არ აქვს ამ შემთხვევაში მნიშვნელობა. ალკოჰოლი იწვევს კანის გამოშრობასა და ნაადრევ დაბერებას. თუ სასმელის სრულად ამოღება შეუძლებელია, ექსპერტები მაინც ღვინოს გვირჩევენ. თუმცა, უნდა გავითვალისწინოთ, რომ შუშხუნა ღვინოები ორგანიზმზე ძლიერად და სწრაფად მოქმედებს.
ლალი ჩხიკვაძე