კვირაში ორჯერ თევზის მიღება ინსულტისა და ინფარქტის განვითარების რისკს თითქმის 50%-ით აქვეითებს
მკვლევარების აზრით, კვირაში თევზის მხოლოდ ორი პორცია საკმარისია, გულსისხლძარღვთა სისტემის დაავადებებითა და ინფარქტით გამოწვეული სიკვდილიანობის რისკის შესამცირებლად.
ამის მიზეზია ცხიმოვანი მჟავები ომეგა-3. მეცნიერების თქმით, ცხიმიანი ხორცის თევზით სრულად ჩანაცვლებით ადამიანი მაშინვე შეიგრძნობს დადებით ეფექტს. თუ ეს შეუძლებელია, თევზი კვირაში ერთხელ მაინც უნდა მივიღოთ.
ცნობილია, რომ ცხიმოვანი მჟავები არბილებს სისხლძარღვების კედლებს და ანიჭებს ელასტიურობას, ასევე აქვეითებს წნევასა და ქოლესტერინის დონეს. სწორედ ამიტომ თევზის მოყვარულები უფრო ჯანმრთელები არიან, ვიდრე ხორცის მომხმარებლები. კერძოდ, კვირაში ორჯერ, თევზის მიღება თითქმის 50%-ით აქვეითებს გულის იშემიური დაავადების, ინსულტის და ინფარქტის განვითარების რისკს.
ლალი ჩხიკვაძე