წონაში კლების კიდევ ერთი საშუალება
ჭარბწონიან პირებს გახდომაში დაეხმარება. ექსპერიმენტში მონაწილეობა მიიღო 10 მოხალისემ სხეულის მასის 30-37 ინდექსით. მათ გაუყინეს ცდომილი ნერვის უკანა ღერო, რომელიც დანაყრების შეგრძნებაზეცაა პასუხისმგებელი. კომპიუტერული ტომოგრაფიის კონტროლით პაციენტების სხეულში შეჰყავდათ სპეციალური ნემსი, რომლითაც აირს აწვდიდნენ ნერვის გასაყინად.
მანიპულაციის განხორციელების შემდეგ მეცნიერები საკვლევ პირებს სამი თვის განმავლობაში აკვირდებოდნენ. მოხალისეების წონის საშუალო დანაკარგი სხეულის თავდაპირველი მასის 3,6 %-ს შეადგენდა, სხეულის მასის ინდექსი კი საშუალოდ 14 %-ით იკლებდა. ექსპერიმენტის ყველა მონაწილე მიუთითებდა მადის დაქვეითებაზე, თავს კარგად გრძნობდა. გვერდითი ეფექტები არც ერთს აღენიშნებოდა.
კვლევის ავტორის დევიდ პროლოს თქმით, "სხეულის მასის დასაქვეითებლად განკუთვნილი ბევრი მეთოდი არაეფექტურია. "შესაბამისად, ექსპერიმენტის მიზანია, ვიპოვოთ ჭარბ კილოგრამებთან ბრძოლის ეფექტური და უსაფრთხო საშუალება. მიუხედავად იმისა, რომ შედეგი სახეზეა, საბოლოო დასკვნების გაკეთებამდე უფრო მასშტაბური კვლევების ჩატარებაა საჭირო!",- აღნიშნა მან.
თინათინ გოცაძე