ექიმების მოსაზრებით, ჯანსაღ საკვებზე დამოკიდებულება ისევე საშიშია, როგორც ანორექსია
სპეციალისტები უკვე ჯანსაღ საკვებზე დამოკიდებულების შესახებ საუბრობენ.
როგორც წესი, ასეთი რეჟიმის მსხვერპლნი 30 წელს გადაცილებული ქალები არიან. აღნიშნულმა დარღვევამ "ორთორექსიის" სახელწოდება მიიღო. ორთორექსია საკვებისმიერი მოშლილობაა, რომელიც ფოკუსირებულია მკაცრი გრაფიკით, მხოლოდ ჯანსაღი საკვების მოხმარებაზე. ადამიანები რაციონიდან იღებენ ყველა, მათი აზრით, მავნე პროდუქტს, რაც უმკაცრეს დიეტამდე მიდის.
წესისამებრ, ყველა იწყებს შაქრიდან, შემდეგ რაციონიდან ითიშება მარილი, ხორბალი, რძის პროდუქტები და ა.შ. მაგრამ საკვები სოციალური გამოცდილების ნაწილია. ორთორექსიით შეპყრობილები იძულებულები არიან დიდი დრო დახარჯონ რაციონის დაგეგმვასა და მავნე საკვებთან გამკლავებაზე.
ადამიანის თვითშეფასება დაკავშირებული ხდება დიეტაზე ყოფნის უნართან. დარღვევის შემთხვევაში იგი დანაშაულის ძლიერ გრძნობას განიცდის, რეჟიმის დაცვისას კი, სხვებთან შედარებით უპირატესობას.
მძიმე შემთხვევებში ორთორექსია იწვევს სხეულის მასის მკვეთრ დაქვეითებას, კვების ნაკლებობას, რაც ჯანმრთელობისთვის სერიოზული პრობლემების მომტანი შეიძლება აღმოჩნდეს.
ლალი ჩხიკვაძე