რუბრიკები
მარილი მიკრობების აგრესიას ზრდის
მარილი მიკრობების აგრესიას ზრდის
ზედმეტად მარილიანი საკვების ხანგრძლივი გამოყენება ადამიანის კუჭში მცხოვრები Helicobacter pylori-ს აქტიურობაზე მოქმედებს. ამერიკელი მეცნიერების მონაცემებით, მარილიან გარემოში მიკრობები უფრო უარესად მრავლდებიან, მაგრამ გაცილებით აგრესიულები არიან და აქტიურად ავლენენ თავიანთ პათოგენურ თვისებებს.

Helicobacter pylori ერთადერთი ცნობილი მიკროორგანიზმია, რომელსაც შეუძლია, კუჭის მჟავე გარემოში იცხოვროს. მიიჩნევა, რომ კუჭისა და თორმეტგოჯა ნაწლავის წყლულოვანი დაავადების შემთხვევათა 80% უშუალოდ ჰელიკობაქტერიის მოქმედებით არის გამოწვეული. Helicobacter pylori-თ ინფიცირებისას იზრდება კუჭის კიბოს რისკი. ადამიანთა 20-50 პროცენტი მიკრობის მატარებელია, მაგრამ დაავადება ყველას არ უვითარდება. ამასთანავე, ხშირად პათოლოგია პრაქტიკულად უსიმპტომოდ მიმდინარეობს.

მერილენდის შტატის სამედიცინო
You must have Flash Player installed in order to see this player.
უნივერსიტეტის მეცნიერებმა გადაწყვიტეს დაედგინათ, იცვლებოდა თუ არა ჰელიკობაქტერიის თვისებები მასპინძლის კვების თავისებურებათა შესაბამისად. ლაბორატორიული ექსპერიმენტების შედეგად გაირკვა, რომ მლაშე საკვები მკვეთრად ცვლის ბაქტერიის თვისებებს: მარილიან გარემოში ბაქტერია უარესად მრავლდება, ამასთანავე, იცვლის ფორმას და კუჭისა და თორმეტგოჯა ნაწლავის ლორწოვანი გარსის მიმართ გაცილებით აგრესიული ხდება. მკვლევართა თქმით, ეს მონაცემები იმაზე მიუთითებს, რომ მარილის გადაჭარბებულმა მიღებამ შესაძლოა გაზარდოს ჰელიკობაქტერის პათოგენურობა და, შესაბამისად, კუჭისა და თორმეტგოჯა ნაწლავის საშიში დაავადებების განვითარების რისკი.
კომენტარი არ გაკეთებულა
ამ კატეგორიის სხვა სტატიები