წონის სწრაფი კლება ნაღვლის ბუშტში კენჭების გაჩენას იწვევს
წონის მეტისმეტად სწრაფმა კლებამ შესაძლოა ნაღვლის ბუშტში კენჭების წარმოქმნას შეუწყოს ხელი. როგორც ექიმები ამბობენ, დიეტის დროს ირღვევა ნაღვლის მჟავებისა და ქოლესტერინის ბალანსი, ნაღველში ქოლესტერინის სიჭარბისას კი წარმოიქმნება კრისტალები, რომლებისგანაც შემდეგ კენჭები ყალიბდება.
ნაღვლის ბუშტში კენჭების წარმოქმნის ალბათობის შესამცირებლად უნდა გავითვალისწინოთ ორიოდე რეკომენდაცია: კვირაში 1,5 კილოგრამზე მეტის დაკლება არ არის რეკომენდებული; გასახდომად საკმარისია დღეში ჩვეულზე მხოლოდ 500 კალორიით ნაკლები საკვები მივიღოთ და ასეთი დიეტასთან ერთად რეგულარულად ვივარჯიშოთ.