შეცვალეთ კვებისადმი დამოკიდებულება - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

შეცვალეთ კვებისადმი დამოკიდებულება

ვისაც წონის დაკლება ან არსებულის შენარჩუნება უნდა, გაითვალისწინეთ ზოგიერთი რჩევა:

  • დაძაბეთ ნებისყოფა და თავი შეიკავეთ “სახიფათო” საკვებისაგან (რომელიც წონის მატებას განაპირობებს), ნუ შეიძენთ მრავალგვარ ნუგბარს ან ისეთ ადგილას შეინახეთ, რომ თვალში არ მოგხვდეთ;
  • შეეცადეთ, თქვენს მაცივარში მუდმივად იყოს რამდენიმე სახის დაბალკალორიული საკვები, რომ არჩევანის საშუალება გქონდეთ;
  • ერთი კვებიდან მეორემდე დიდ შუალედს (4-5 საათი) ნუ გააკეთებთ. რაც უფრო მოგშივდებათ, მით მეტს შეჭამთ;
  • გადაანაცვლეთ ყურადღება, მოიფიქრეთ რაიმე საქმე, რათა ნაკლები დრო დაგრჩეთ ჭამაზე ფიქრისთვის;
  • წონის კლების დინამიკა ინდივიდუალურია. ზოგი 2 კვირაში 2კგ-ს იკლებს, ზოგი კი, დიდი ძალისხმევის მიუხედავად, 2 კვირისა და მეტი ხნის განმავლობაში 1კგ-საც ვერა. ზოგს საკუთარი რეალური წონის დადგენა უჭირს, რადგან სითხის სწრაფი კარგვა-აღდგენა სწორი მაჩვენებლის გაკონტროლებას ხელს უშლის.

თუ ექიმის მიერ დანიშნულ კვებისა და ფიზიკური აქტივობის რეჟიმს დაიცავთ, უსათუოდ დაიკლებთ. რეჟიმი არც მაშინ უნდა დაარღვიოთ, თუ შედეგს ვერ ამჩნევთ.

აიწონეთ კვირაში ერთხელ, დღის ერთსა და იმავე დროს.

ხანდახან ჭამის მოთხოვნილება ისე ძლიერდება, რომ თავის შეკავება ჭირს. თუ ეს შეგრძნება მძაფრდება, დააკვირდით:

  • ხომ არ მიიღეთ აკრძალული საკვები;
  • როდის იჩენს თავს ჭამის განსაკუთრებული მოთხოვნილება - საღამოს, დასვენების დღეებსა თუ შუა კვირაში;
  • როგორი ინტენსივობისა და ხანგრძლივობისაა შიმშილის შემოტევა;
  • ხომ არ არის გამოწვეული ტრავმით, სტრესით ან ძლიერი ემოციით.

ამგვარი უსიამოვნო შეგრძნებები აღარ წარმოიშობა, თუ ზედმიწევნით დაიცავთ ზოგიერთ წესს:

  • მიირთვით ყოველდღე 5-ჯერ;
  • ყოველ 3-4 საათში ერთხელ;
  • ჭამეთ ნელა, დააგემოვნეთ თითოეული ლუკმა.

შეიგრძენით საკვების სუნი, გემო, დატკბით საკვების გაფორმებით. ამას ადვილად მოახერხებთ, თუ ჭამის დროს სხვა რამით არ ხართ გატაცებული: უყურებთ ტელევიზორს, კითხულობთ ან დადიხართ.

  • დააკვირდით თქვენს ემოციებს;
  • შეადგინეთ იმგვარი საქმიანობის გრაფიკი, რომელიც ჭამას დაგავიწყებთ (ვარჯიში, მეგობრებთან ვიზიტი, რაიმე გასართობი, ჰობი და ა.შ.).

წონის დაკლებისა და სწორად კვების მოსურნეთ ხშირად უჭირთ დადგენილი რეჟიმის დაცვა. ეს ნორმალური, კვების ცვლილების თანმდევი პროცესია. ერთი-ორი დარღვევა არ არის სახიფათო, მაგრამ თუ ის ინტენსიური გახდა, კვების ძველ რეჟიმში დაგაბრუნათ და დაკარგული კილოგრამებიც აღდგა, მაშინ ექიმის დახმარება დაგჭირდებათ.

ერთ-ერთი საკმაოდ ეფექტური დიეტა: (1635კკალ)

  • I საუზმე (8-9სთ): 100გ ხაჭო, 200გ ჩაშუშული სტაფილო, 200გ უშაქრო რძიანი ყავა;
  • II საუზმე (11სთ): 170გ უმი კომბოსტოს უმარილო სალათა არაჟნით;
  • სადილი (13სთ): 200გ ვეგეტარიანული “ბორშჩი”, 90გ მოხარშული ხორცი, 50გ მწვანე მუხუდო, 100გ ვაშლი;
  • სამხარი (15სთ): 100გ ხაჭო, 180გ ასკილის ნახარში;
  • ვახშამი (17სთ): 100გ მოხარშული თევზი, 150გ ბოსტნეულის რაგუ;
  • ძილის წინ: 180გ მაწონი;
  • დღის განმავლობაში: 150გ შავი პური.

კვირაში ერთხელ მოიწყვეთ განტვირთვის დღე:

  • ნახშირწყლოვანი: 1,5კგ ვაშლი მიირთვით ხუთ ჯერზე 3-3 საათის ინტერვალით.
  • 2კგ კიტრი;
  • 150-200გ ჩირისგან მომზადებული 1-1,5 ლიტრი კომპოტი.
  • ცხიმოვანი: 75-100გ არაჟანი ხუთ ჯერზე, 2 ჭიქა უშაქრო რძიანი ყავა.

ცილოვანი:

  • 250-350გ უმარილო ხორცი (50-60გ 5-ჯერ დღეში) კომბოსტოს გარნირით;
  • 100-150გ ხაჭო დღეში 4-ჯერ.
  • კომბინირებული საუზმე - 100გ უმარილო ყველი;
  • 1 ჭიქა უშაქრო ყავა.
  • სადილი - 2 თოხლო კვერცხი, 1 ჭიქა უშაქრო ყავა;
  • ვახშამი - 200გ ხაჭო, 1 ჭიქა უშაქრო ჩაი.

პროდუქტების ეკვივალენტობა:

50კკალ=250მლ რძე=300მლ მაწონი=25გ ჭვავის პური=20გ ხორბლის პური=17გ ორცხობილა=20გ შვრიის ბურღული=15გ წიწიბურა=18გ ლობიო=60გ კარტოფილი=175გ სტაფილო=135გ ვაშლი=175გ ფორთოხალი=105გ ნიგოზი=1000მლ ფორთოხლის წვენი=120გ ალუბალი=190გ საზამთრო=200გ მოცვი=1ს/კ შაქარი=140-160გ მარწყვი=0,5 ტარო სიმინდი=7ს/კ ბარდა=90გ ანანასი=0,5 დიდი ბანანი=1 მსხალი=200გ ბროწეული=300გ ნესვი=75გ ნაყინი=250მლ ლუდი=4 ცალი პელმენი=100გ შავი ქლიავი=170გ (3 ცალი) მანდარინი=70გ ყურძენი=300გ პომიდვრის წვენი=80გ მანგო=1200გ (1 ცალი) ატამი=300გ კომოსტო=350გ პომიდორი.