ზეთისხილი აქვეითებს გულის დაავადებების რისკს, წნევას და ქოლესტერინის დონეს
ზეთისხილი აქვეითებს გულის დაავადებების რისკს წნევის ციფრებისა და სისხლში ქოლესტერინის დონის შემცირების ხარჯზე. ეფექტის მისაღებად 1 ფინჯანი ზეთისხილის მოხმარებაა საკმარისი. საიდუმლო დიდი რაოდენობით Е ვიტამინისა და მონოუჯერი ცხიმოვანი მჟავების შემცველობაშია.
ანთებისსაწინააღმდეგო თვისების ხარჯზე ზეთისხილი ტკივილთან გამკლავებაშიც გვეხმარება.
ზეთისხილი თმისა და კანისთვის იდეალურ პროდუქტად ითვლება მასში ბევრი ცხიმოვანი მჟავისა და ანტიოქსიდანტის არსებობის გამო. იგი რკინის წყაროცაა, რაც იმას ნიშნავს, რომ მას ჰემოგლობინის მაჩვენებლის გაზრდაც შეუძლია.
გარდა ზეთისხილისა, ზეითუნის ზეთიც სასარგებლოა ფრჩხილების, თმისა და კანისთვის. იგი აუმჯობესებს სისხლის მიმოქცევას და კანს უნარჩუნებს ტენს.
ზეთისხილში არის ფენოლური ნაერთები - ოლეუროპეინი და ოლეოკანტალი - ერთ-ერთი უძლიერესი ანტიოქსიდანტები. ოლეოკანტალი, იბუპროფენის მსგავსად, შესანიშნავად უმკლავდება ანთებით პროცესებს.
ლალი ჩხიკვაძე