ვახშამი 19:00 საათის შემდეგ გულის შეტევის რისკს ზრდის
აღმოჩნდა, რომ კვებითი ჩვევები, სწორედ გვიანი ვახშამი, განსაკუთრებით, დაძინებამდე 2 საათის განმავლობაში, მნიშვნელოვან გავლენას ახდენდა არტერიულ წნევაზე. კარდიოლოგების რეკომენდაციით, ადამიანმა მსუყედ უნდა ისაუზმოს და ისადილოს, ხოლო ვახშამზე სჯობს მსუბუქი წახემსებით შემოიფარგლოს, არა უგვიანეს 19:00 საათისა. შემთხვევათა 40%-ში გვიანი ვახშამი ღამით, წნევის ციფრების აწევას უწყობს ხელს, რაც გულის შეტევის რისკს ზრდის.
საკვების მიღებით სხეული გადადის „მომატებული მზადყოფნის“ პირობებში და სტიმულირდება სტრესის ჰორმონის - ადრენალინის გამომუშავება, რამაც შეიძლება გამოიწვიოს ცირკადული რითმის დარღვევა. მეცნიერები ღამით საკვების მიღებას, ხელოვნურ განათებას ადარებენ.
ლალი ჩხიკვაძე