ჭარხლის სასარგებლო თვისებების საიდუმლო ნიტრატებში აღმოჩნდა
ამისათვის გახარჯეს რამდენიმე კუბური მეტრი მოცულობის წვენი, გააანალიზეს ტონობით ჭარხალი.
ლონდონის მედიცინისა და სტომატოლოგიის თანამშრომლების განცხადებით, სასარგებლო თვისებათა საიდუმლო ჭარხალში შემავალ ნიტრატებს უკავშირდება. სწორედ იმ ნიტრატებს, რომელთაც ბოლქვები ნიადაგიდან იწოვს და რომლებიც, როგორც ჩვენთვის ცნობილია, ძალიან მავნებელია.
აღმოჩნდა, რომ საქმე სხვაგვარადაა. სწორედ ეს ნიტრატებია ჰიპერტონული დაავადების შესანიშნავი პროფილაქტიკური საშუალება. არ გეგონოთ, რომ ამ ინფორმაციის გამო ნიტრატები უნდა შეიძინოთ და უხვად ჩაყაროთ ჩაიში. ესეც გამოსცადეს ბრიტანელმა მეცნიერებმა და კარგი ვერაფერი მიიღეს. ჭარხალმა თურმე უკეთ იცის, რომელი ნიტრატებია ადამიანის ორგანიზმისთვის სასარგებლო, ნიადაგიდან იწოვს საჭირო ნაერთებს, შხამიან შენაერთებს კი ფილტრავს. ერთი სიტყვით ჭარხალში შემავალი ნიტრატები გარკვეულწილად დაბალანსებულია და არც ისე მავნებელია თურმე ორგანიზმისათვის, როგორც ეს ჩვენ გვგონია.
ასე რომ ჭარხლის წვენი და საზოგადოდ, ჭარხლის ბოლქვების სისტემატურად გამოყენება ყველა შემთხვევაში აუმჯობესებს გულ-სისხლძარღვთა სისტემის მდგომარეობას.
თინათინ გოცაძე