დავეხმაროთ ერთმანეთს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

დავეხმაროთ ერთმანეთს

  • 50 გრამი პროპოლისი წვრილად დავჭრათ დანით, ჩავყაროთ ნახევარლიტრიან მინის ქილაში, ბოლომდე შევავსოთ არყით და 2 კვირა დავტოვოთ სიბნელეში. ქილა ყოველდღე შევანჯღრიოთ. ამის შემდეგ გადავწუროთ და მივიღოთ 1 სუფრის კოვზი დღეში 3-ჯერ, ჭამამდე ნახევარი საათით ადრე, და დავაყოლოთ 1 ჩაის ჭიქა წყალი. მკურნალობის ხანგრძლივობა 1 თვეა.

ნინა ტაბიძე, ქუთაისი

წნევა აღარ მაწუხებს

მინდა, გიამბოთ, როგორ მოვიწესრიგე წნევა. გრიპის შემდეგ საკმაოდ დიდხანს ვიწექი საავადმყოფოში. წნევა ვერა და ვერ დამიქვეითეს. იქ ერთი კარდიოლოგი გავიცანი, რომელსაც კურორტის კლინიკაში მუშაობის დიდი გამოცდილება ჰქონდა. წნევით შეწუხებულს, სწორედ მან მასწავლა ეს წამალი არტერიული წნევის მოსაწესრიგებლად:

  • შეიძინეთ აფთიაქში ქრისტესისხლა. აიღეთ მომინანქრებული ჭურჭელი (ბზარი არ უნდა ჰქონდეს, არც მინანქარი იყოს ამოცვენილი), ჩაასხით 1 ლიტრი ცივი წყალი და შემოდგით ცეცხლზე. როცა ადუღდება, ჩაყარეთ შიგ 1 სადილის კოვზი ქრისტესისხლა და ადუღეთ 5 წუთი. გადმოდგით, გააცივეთ და გაწურეთ. ნახარში გადაასხით მინის ჭურჭელში და შედგით მაცივარში,  მიიღეთ თითო სადილის კოვზი დღეში 3-ჯერ, ჭამამდე 30 წუთით ადრე. მკურნალობის კურსი 30 დღეა. პერიოდულად იზომეთ წნევა. როდესაც დასტაბილურდება, შეგიძლიათ, 3 დღის განმავლობაში მცენარის ნახარში აღარ მიიღოთ.

მკურნალობის ეფექტი 2-2,5 წელიწადს გასტანს, ოღონდ ამ ხნის განმავლობაში არ უნდა გაეკაროთ სასმელს. უკვე 87 წლის ვარ და წნევა ჯერჯერობით კვლავ ნორმის ფარგლებში მაქვს.

დავით ცანავა

კატარაქტის შეჩერება შესაძლებელია

გასწავლით, როგორ გაიუმჯობესოთ მხედველობა კატარაქტის დროს.

  • აიღეთ 1 ცალი მოზრდილი ქათმის კვერცხი და კარგად მოხარშეთ. გაფცქვენით, თავი მოაჭერით, გული გამოუღეთ, ცილა კი პატარა ჭიქაში ჩადეთ და თაფლით ამოავსეთ. დატოვეთ ერთი ღამით. დილით თაფლის ნაცვლად იქ თხელი სითხე დაგხვდებათ, რომელიც კარგად უნდა გაწუროთ და ჩაიწვეთოთ თვალში დღეში 2-3-ჯერ. ჩაწვეთების შემდეგ თვალები კარგად აამოძრავეთ, რათა წამალი თანაბრად განაწილდეს. თავი 2 წუთით უკან გადაწეული გეჭიროთ.

მკურნალობის კურსი 20-25 დღეა. შეგიძლიათ, გაიმეოროთ წელიწადში ერთხელ.

ნუცა კუტალაძე, თბილისი


თუ პირის ღრუში წყლულები გაგიჩნდათ

ზოგჯერ პირის ღრუს ლორწოვანი წყლულდება, იფარება სითხიანი ბუშტუკებით, რაც ძლიერ ტკივილს და დისკომფორტს იწვევს. დროდადრო ბუშტუკები სკდება და ენაზე წყლულები ჩნდება, რომლებიც წყლის მიმართაც კი მგრძნობიარეა. მდგომარეობა ძალიან წააგავს სტომატიტს, მაგრამ მისგან განსხვავებულად მიმდინარეობს. მისი განვითარების ხელშემწყობი მიზეზები ჯერჯერობით დაუდგენელია.  გავრცელებული მოსაზრებით, ის ზოგიერთ დაავადებას ახლავს თან. ხალხურ მედიცინაში ამ წყლულების წამალიც მოიპოვება.

  • ჭიქაში - სასურველია, იყოს კერამიკული და სქელკედლიანი - ჩაყარეთ 2 სადილის კოვზი კრაზანა და დაასხით 1 ჭიქა მდუღარე წყალი. დადგით თავდახურული 1 საათით. როდესაც ნაყენი ლამაზ მოწითალო ფერს მიიღებს, გაწურეთ და გამოივლეთ პირის ღრუში.
  • 1 სადილის კოვზი გულყვითელა ჩაყარეთ მომინანქრებულ ჭურჭელში და დაასხით 1 ჭიქა ქაფქაფა წყალი, ადუღეთ 10 წუთი ძალიან დაბალ ცეცხლზე, გააცივეთ და გაწურეთ. ეს ნახარში გამოივლეთ პირის ღრუში.
  • პირის ღრუში დღეში რამდენჯერმე გამოისვით ნატურალური თაფლი. ეს ხერხი საკმაოდ ეფექტიანია, თუმცა მხოლოდ მაშინ, როდესაც პროცესი ეს-ესაა დაიწყო და პირის ღრუში მხოლოდ თითო-ოროლა ბუშტუკია.
  • კარგია ახალგამოწურული კომბოსტოს წვენიც. გამოწურეთ, გააზავეთ იმავე ოდენობის თბილი ანადუღარი წყლით და დროდადრო გამოივლეთ პირის ღრუში.
ნათელა წოწონავა

ოხრახუშს შარდმდენი თვისება აქვს

დიდი ხანია, გული მაწუხებს, რის გამოც ხშირად მიშუპდება ფეხები. ვსვამდი უამრავ წამალს, მათ შორის - შარდმდენებსაც. ერთხელაც გადავწყვიტე, მცენარეული საშუალებებიც მეცადა. წავიკითხე უამრავი სტატია შარდმდენი მცენარეების შესახებ, ვსინჯე ნიახურის ძირების ნახარში. თითქოს მომიხდა, მაგრამ დროდადრო ფუროსემიდის მიღება მაინც მჭირდებოდა. ერთხელ ახლობელმა ოხრახუშის ნახარში მირჩია. დავუჯერე, ეფექტის გასაძლიერებლად ოხრახუშს ნიახურიც დავუმატე და არაჩვეულებრივი შედეგი მივიღე. კარგა ხანია, შარდმდენი აბების ნაცვლად ოხრახუშისა და ნიახურის ნახარშს ვიღებ და ფეხები აღარ მიშუპდება.

  • ნახარშს ასე ვამზადებ: 1 სუფრის კოვზ გამხმარ ოხრახუშს (ფოთლებს, ღეროსა და ფესვებს) და 1 სუფრის კოვზ ნიახურის გამხმარ ძირებს ვაქუცმაცებ, ვასხამ 1,5 ჭიქა მდუღარე წყალს, წამოვადუღებ, ვაჩერებ 1/2 საათს, ვფილტრავ და ვიღებ 2 სუფრის კოვზს დღეში 3-4-ჯერ, ჭამის წინ.
  • ზოგჯერ ოხრახუშის თესლისგანაც ვამზადებ ნაყენს, ისიც შესანიშნავ შედეგს მაძლევს: 1/2 ჩაის კოვზ თესლს ვასხამ 2 ჭიქა ცივ წყალს, ვაჩერებ 8-10 საათს, ვფილტრავ და ვიღებ 2-3 სუფის კოვზს დღეში სამჯერ.
ლეილა ხაზარაძე

არაყის აბაზანები უძილობას შველის

ჩემს ცხოვრებაში იყო პერიოდი, როდესაც ნერვული სტრესის გამო ღამეებს თეთრად ვათენებდი. რა არ ვცადე, მაგრამ ამაოდ. ექიმები საავადმყოფოში დაწოლას მირჩევდნენ, მაგრამ ოჯახში ისეთი სიტუაცია მქონდა, საავადმყოფოს ვერც კი ვახსენებდი. ნერვები ისეთ დღეში ჩამივარდა, ყველაფერი მივატოვე და ერთი კვირით მშობლებთან, სოფელში წავედი. მეგონა, იქაური ჰაერი მომიხდებოდა, დავმშვიდდებოდი და მშვიდ ძილს დავიბრუნებდი, მაგრამ არც ამან მიშველა. მაშინ ჩემი მკურნალობა ბებიამ აიღო საკუთარ თავზე: ღამით, ძილის წინ, სათლს თბილი წყლით მივსებდა და მასში ერთ ჭიქა არაყს ასხამდა. მე ამ წყალში ფეხებს ვაწყობდი და ნახევარი საათი ასე ვიყავი. ერთი კვირის თავზე უძილობა დავამარცხე და მას შემდეგ აღარც არყიანი აბაზანები დამჭირვებია.

მედიკო კაკაურიძე