დავეხმაროთ ერთმანეთს
- აიღეთ 2 სადილის კოვზი ხორბლის ქატო, დაასხით 1 ჭიქა ცხელი რძე, შეფუთეთ და 30-40 წუთი გააჩერეთ. მიღებული ფაფა უნდა მიირთვათ ყოველ დილით, უზმოზე, 1 თვის განმავლობაში.
- 2 სუფრის კოვზ ბაბუაწვერას ფესვს დაასხით 1 ლიტრი წყალი. ადუღეთ 20 წუთის განმავლობაში. მიიღეთ 1/2 ჭიქა დღეში 3-4-ჯერ, ჭამის წინ.
- სტაფილოს, ისპანახისა და ჭარხლის ცოცხალი წვენების ნარევი საუკეთესო საშუალებაა ყაბზობის სამკურნალოდ. წვენები უნდა იყოს ახალგამოწურული, მიიღოთ აუცილებლად ჭამამდე 1 საათით ადრე, დღეში 2-3-ჯერ, თითო ჩაის ჭიქა. 1/2 ჭიქა სტაფილოს წვენი უნდა იყოს, ნახევარი კი დანარჩენი ბოსტნეულისა.
რამაზ აბაიძე, ლაგოდეხი
თუ ზამთრობით ცისტიტი გიტევთ
...ძალიან მოგიხდებათ ასეთი ნარევები:
- აიღეთ შვიტისა და გვირილის ყვავილი თანაბარი რაოდენობით; 1 სუფრის კოვზ ნარევს დაასხით 1 ჩაის ჭიქა წყალი, ადუღეთ 5 წუთი, 1 საათის შემდეგ გადაწურეთ და მიიღეთ 1/2 ჩაის ჭიქა დღეში 3-ჯერ, ჭამამდე. მკურნალობის კურსი 10 დღეა.
- აიღეთ 20 გრამი ოხრახუშის თესლი და 30 გრამი დათვის კენკრა. 1 სუფრის კოვზ ნარევს დაასხით 1 ჩაის ჭიქა ცივი წყალი და გააჩერეთ 6 საათი, შემდეგ ხარშეთ 7-10 წუთი, გადაწურეთ და სვით მთელი დღის განმავლობაში. მკურნალობის კურსი 1 კვირაა.
- ნიახური ფესვებიანად მოხარშეთ, გადაწურეთ და მოხარშული ფესვები მთელი დღის განმავლობაში მიირთვით, ნახარში კი სვით - დღეში, სულ მცირე, 3 ჭიქა. მკურნალობის კურსი 10 დღეა.
ნინო ლეჟავა, საჩხერე