როგორ მოვამზადოთ ვიტამინებით მდიდარი კენკრის ძმარი
. ასეთ ძმარს მაღაზიაში ვერ შეიძენთ, ამიტომ მისი მომზადება დამოუკიდებლად მოგიწევთ. მთავარია, სწორად აირჩიოთ კენკრა - მის ყოველ სახეობას ხომ განუმეორებელი თვისებები აქვს:
• შავი მოცხარის ძმარი პოლივიტამინური პროდუქტია, ახასიათებს ღვინის ძმრის მსგავსი ზოგადგანმაჯანსაღებელი მოქმედება. ხელს უწყობს ორგანიზმიდან პურინული ნივთიერებების გამოყოფას, ამიტომ გამოიყენება რევმატიზმისა და პოდაგრის სამკურნალოდ.
• მაყვლისა და ჟოლოს ძმარი უხდება გაციებას, მაღალ ტემპერატურასა და თავის ტკივილს.
• ალუბლის ძმარი დადებითად მოქმედებს ცენტრალურ ნერვულ სისტემაზე, ხსნის ნერვულ აღგზნებას.
• მარწყვის ძმარი სასარგებლოა გულისთვის, შლის თირკმლის კენჭებს და ხელს უშლის ახლების ჩამოყალიბებას.
• წითელი მოცხარის ძმარი სიცხის დამწევი და მარილების გამომტანია.
• ქაცვის ძმარი ჭრილობების შეხორცებას უწყობს ხელს.
• მოცვის ჩაი აუმჯობესებს მხედველობას.
• შტოშის ძმარს აქვს ბაქტერიოციდული მოქმედება, სასარგებლოა წინამდებარე ჯირკვლის ფუნქციობისთვის.
• წითელი მოცვის ძმარს ანტისეპტიკური მოქმედება აქვს.
• ძმრების მომზადება ნებისმიერ დიასახლისს ძალუძს.
თქვენ მიერ შერჩეული ხილის ახალგამოწურული წვენი ჩაასხით მინის ქილაში, ჩადეთ შიგ ჩვეულებრივ ძმარში დასველებული შავი პურის ნატეხი, ქილას დოლბანდით მოუკარით პირი და დადგით სითბოში 3-4 კვირით. ამის შემდეგ მზა ძმარი ჩაასხით ბოთლში და თავი დაუცეთ.
იხილეთ აგრეთვე სტატია "ძმარი - და მისი სასარგებლო თვისებები"