2 აპრილს აუტიზმის მსოფლიო დღე აღინიშნება
№A/RES/62/139 რეზოლუციის თანახმად, აუტიზმის მსოფლიო დღე (World Autism Awareness Day) აღინიშნება.
აუტისტური სპექტრის აშლილობის მქონე ბავშვთა რაოდენობა მსოფლიოს ყველა რეგიონში მაღალია. ეს მდგომარეობა მნიშვნელოვანია როგორც ბავშვებისთვის, ასევე მათი ახლობლების, მშობლების, ოჯახებისა და საზოგადოებისთვის. სპეციალიზებულმა სახელმწიფო და საზოგადოებრივმა ორგანიზაციებმა უნდა იზრუნონ აუტიზმის შესახებ ინფორმაციის გავრცელებაზე: ჩაატარონ ლექციები, გამოუშვან ბროშურები და სხვა.
2 აპრილის აღნიშნვნის მიზანია აუტისტური სპექტრის აშლილობის მქონე პირებისათვის დახმარების გაწევის აუცილებლობის ხაზგასმა და მათი ცხოვრების დონის ამაღლება.
აუტიზმი ვლინდება სიცოცხლის პირველ სამ წელიწადში. ეს მდგომარეობა დიაგნოსტირდება სამი სიმპტომის არსებობისას: სოციალური ურთიერთქმედების უკმარისობა, ურთიერთკომუნიკაციის დარღვევა, ინტერესების შეზღუდულობა და განმეორებადი ქცევის რეპერტუარი.
თავად ტერმინი "autismus" შვეიცარელმა ფსიქიატრმა ეიგენ ბლეილერმა დაამკვიდრა 1910 წელს, შიზოფრენიის სიმპტომების აღწერისას. მან ნეოლათინიზმს, რომელიც აღნიშნავს "არანორმალურ თვითტკბობას", წინსართად დაურთო ბერძნული "აუტო" (თვით), რითაც ხაზი გაუსვა "პაციენტის გასვლას საკუთარი ფანტაზიების სამყაროში, რომელზედაც ნებისმიერი გარეგანი ზემოქმედება აღიქმება მოუთმენელ მომაბეზრებელ მოვლენად".