მეცნიერებმა აღმოაჩინეს ახალი გენი, რომელიც დაკავშირებულია პარკინსონის დაავადებასთან
მკურნალობის არსებული მეთოდები სიმპტომთა შემსუბუქებისა და პაციენტთა მდგომარეობის რამდენადმე გაუმჯობესების საშუალებას იძლევა. გამომწვევ მიზეზებს ვერ აღმოფხვრის.
უახლესი კვლევებით ნანახია, რომ პარკინსონის დაავადება სხვა მრავალი ნევროლოგიური პათოლოგიის მსგავსად დაკავშირებულია ნერვული უჯრედების ენერგეტიკული ცენტრების - მიტოქონდრიების დეფექტებთან. თუმცა, ამ დეფექტების განვითარების მთავარი მექანიზმები ჯერ კიდევ უცნობია.
ლონდონის სამეფო კოლეჯის ნეირომეცნიერებმა გამოკვლევები ჩაატარეს ბუზის მატლებზე. მათ აჩვენეს, რომ მიტოქონდრიების დაზიანების გამო მატლებში ნერვული უჯრედების ფუნქციობა ირღვევა. რაც მთავარია, ყველაფერი დაკავშირებულია HIFalpha –გენთან. როდესაც მკვლევარები თრგუნავდნენ აღნიშნული გენის აქტივობას, პარკინსონით დაავადებული მატლების ნერვული სისტემა ნორმალურ ფუნქციობას იწყებდა. იგივე მეთოდით მეცნიერებმა იშვიათი გენეტიკური პათოლოგიით – "სინდრომი ლი" დაავადებულ მატლებში ნერვული სისტემის ფუნქციობა აღადგინეს.
სპეციალისტები ვარაუდობენ, რომ მათი მიგნება და ამის საფუძველზე შემუშავებული ახალი მეთოდი ბევრი ნევროლოგიური პრობლემის გადაჭრას შეძლებს.
თინათინ გოცაძე