გაფანტული სკლეროზის სამკურნალოდ კიდევ ერთი პრეპარატი შეიქმნა
პრინციპულად ახალი სამკურნალო საშუალების სტატუსი (Breakthrough Therapy) მიიღო. ასეთი დასკვნა საკვები პროდუქტებისა და სამკურნალო საშუალებათა მაკონტროლებელმა ამერიკულმა ორგანიზაციამ (FDA) მას შემდეგ გააკეთა, რაც დეტალურად შეისწავლა პრეპარატის კლინიკური კვლევის III ფაზის შედეგები. აღნიშნული კვლევა 2015 წლის სექტემბერში დასრულდა.
მონოკლონური ანტისხეულების საფუძველზე შექმნილმა ახალმა პრეპარატმა თავისი ეფექტურობა ერთდროულად სამ დამოუკიდებელ კვლევაში აჩვენა. ოკრელიზუმაბმა რეალურად შეაფერხა დაავადების პროგრესირება და თავი გაართვა ამ ამოცანას დაავადების მეტად იშვიათი ფორმის - პირველადად პროგრესირებადი გაფანტული სკლეროზის შემთხვევაშიც კი. ახალმა მედიკამენტმა თავისი უსაფრთხოებაც აჩვენა – პაციენტებს ყველაზე ხშირად აღენიშნებოდათ ანთებითი რეაქცია შეყვანის ადგილზე.
ვარაუდობენ, რომ ფარმაცევტული კომპანია ოკრელიზუმაბის დასარეგისტრირებლად დოკუმენტებს 2016 წლის პირველ ნახევარში შეიტანს.
თინათინ გოცაძე