აკუპუნქტურა დემენციის პროფილაქტიკის ეფექტურ მეთოდად აღიარეს
ბოლო პერიოდში ჩატარებული კვლევებით მეცნიერებმა აჩვენეს, რომ აკუპუნქტურას თავისთავად შესწევს უნარი დახმარება გაუწიოს ადამიანს, გარკვეული სახის კოგნიტიური დარღვევებისას, რომლებიც დემენციის განვითარების წინამორბედია. ვუხანის უნივერსიტეტის მკვლევართა აზრით, აკუპუნქტურის ეფექტურობა პრეპარატებთან კომბინაციაში კიდევ უფრო იზრდება. ამ დასკვნამდე სპეციალისტები მივიდნენ 568 პაციენტზე ჩატარებული რამდენიმე ცდის გაანალიზებით. სამი ცდის შედეგი შეადარეს ნიმოდიპინის გამოყენებასთან, ორი კი ნიმოდიპინისა და აკუპუნქტურის კომბინაციასთან. 4 ცდის შემთხვევაში აკუპუნქტურის სეანსები 8 კვირის განმავლობაში კვირაში 3-5-ჯერ ტარდებოდა, სამი ცდის შემთხვევაში კი სამი კვირის მანძილზე.
აღმოჩნდა, რომ აკუპუნქტურამ გაცილებით დიდი როლი ითამაშა, ვიდრე მხოლოდ ნიმოდიპინის გამოყენებამ. ხოლო ორივე მეთოდის კომბინაციამ (ანუ აკუპუნქტურა + პრეპარატი) კიდევ უფრო დიდი შედეგი გამოიღო.
თინათინ გოცაძე რა არის დემენცია რა არის აკუპუნქტურა