მეცნიერების მტკიცებით, პრობიოტიკური პროდუქტები პრაქტიკულად უსარგებლოა
მეცნიერები გვარწმუნებენ, რომ ისინი პრაქტიკულად უსარგებლოა. მათი აზრით, თითოეული კონკრეტული ადამიანისთვის აუცილებელია პრობიოტიკური პროფილის შედგენა. უნივერსალური გადაწყვეტილება არ არსებობს.
მეცნიერებმა შექმნეს პრობიოტიკური კოქტეილი Lactobacillus და Bifidobacteria 11 შტამისგან. მას აძლევდნენ 25 ჯანმრთელ მოხალისეს ერთი თვის განმავლობაში. დაკვირვების პერიოდის დასასრულს აიღეს ნაწლავის მიკროფლორის ნიმუშები. სპეციალისტებს აინტერესებდათ ბაქტერიები ჩასახლდებოდნენ თუ არა ნაწლავში და რამდენად ცვლიდნენ ისინი კუჭ-ნაწლავის ტრაქტის მუშაობას.
შემთხვევათა ნახევარში, ბაქტერიები საერთოდ არ რჩებოდენენ ორგანიზმში, დანარჩენ შემთხვევაში მათ სწრაფად თრგუნავდნენ სხეულში არსებული ბაქტერიები. მეცნიერებმა ასევე გადაწყვიტეს შეემოწმებინათ, როგორ მუშაობდნენ პრობიოტიკები ანტიბიოტიკების კურსის შემდეგ (46 მოხალისეს მონაწილეობით). აღმოჩნდა, რომ პრობიოტიკები ნორმალური მიკროფლორის აღდგენას ხელს უშლიდნენ. სპეციალისტების აზრით, პირადი მიკროფლორის საფუძველზე შექმნილმა პრობიოტიკურმა პროდუქტმა შეიძლება ადეკვატურად იმუშაოს.
ლალი ჩხიკვაძე