გასტროენტეროლოგებისთვის უნიკალურ სადიაგნოსტიკო მოწყობილობა შექმნეს
, რომელსაც მტკივნეული და უსიამოვნო პროცედურების გარეშე შეუძლია ნაწლავის დაავადების გამოვლენა, კრონის დაავადებისა და წყლულოვანი კოლიტის გარჩევა. მოწყობილობას ეწოდება Moosy 32 eNose. მისი საშუალებით შესაძლებელია გავიგოთ როდის შევიდა დაავადება აქტიურ სტადიაში. შეფასების სიზუსტე 90%-მდეა. ამასთან, კვლევისთვის საჭიროა მხოლოდ განავლის ნიმუში და სამი წუთი.
ავტორების აზრით, მომავალში მოწყობილობა გასტროენტეროლოგების არსენალში შევა. ის გამოავლენს გამოსაკვლევ ნიმუშში აქროლად ორგანულ ნაერთებს, რომლებიც როგორც სადიაგნოსტიკო მარკერები იმუშავებენ, ან აჩვენებენ დავადების აქტივობის დონეს. აქროლადი ნაერთები მეტაბოლიზმის პროდუქტებია. მათი კონცენტრაცია შეიძლება განსხვავდებოდეს განვითარებული დაავადების ტიპის მიხედვით.
მოწყობილობა წარმატებით გამოსცადეს 554 ნიმუშზე. ახლა მეცნიერები მუშაობენ დიაგნოსტიკური ალგორითმის სრულყოფაზე. „ელექტრო ცხვირს“ ასევე იკვლევენ როგორც ნაწლავის კიბოს დიაგნოსტიკის საშუალებას.
სხვა კვლევებმა აჩვენა, რომ სისტემის გამოყენება შესაძლებელია წყლის მიკრობული დაბინძურებისა და ხილის სიმწიფის ხარისხის განსაზღვრისთვის.
ლალი ჩხიკვაძე