რუბრიკები
ოჯახის მკურნალი
კითხვა-პასუხი
რა არის "სისხლის გათეთრება"
რა არის "სისხლის გათეთრება"

ჩვეულებრივ, ასე იხსენიებენ სისხლის ავთვისებიან სიმსივნეს - ლეიკემიას. ლეიკემიის დროს ავთვისებიანი პროცესი თავდაპირველად ძვლის ტვინშია ლოკალიზებული. სწორედ ძვლის ტვინში წარმოიქმნება სისხლის უჯრედები.


ჯანმრთელი ადამიანის ძვლის ტვინში წარმოიქმნება:

* ლეიკოციტები - სისხლის თეთრი უჯრედები, რომლებიც ინფექციათა გამომწვევებს ებრძვიან;
* ერითროციტები - სისხლის წითელი უჯრედები, რომლებიც მთელ ორგანიზმს აწვდიან ჟანგბადს;

* თრომბოციტები - სისხლის ფირფიტები, რომლებიც შედედებაში მონაწილეობენ.
ლეიკემიის დროს ძვლის ტვინი იწყებს ანომალიური თეთრი უჯრედების წარმოქმნას. სწორედ ამიტომ უწოდებენ ლეიკემიას სისხლის გათეთრებას. ამ ანომალიურ ანუ ლეიკემიურ უჯრედებს არ შესწევთ უნარი, ნორმალური ლეიკოციტების ფუნქცია შეასრულონ. ისინი ნორმალურ უჯრედებზე სწრაფად იზრდებიან. მათი ზრდა-გამრავლება უსასრულოა. დროთა განმავლობაში ლეიკემიური უჯრედები ავიწროებენ ნორმალურ უჯრედებს, ეს კი ანემიას, სისხლდენას და ინფექციურ გართულებებს იწვევს. გარდა ამისა, ლეიკემიური უჯრედები ვრცელდებიან ლიმფურ კვანძებსა და სხვა ორგანოებში და მათ გადიდებას იწვევენ.


ლეიკემიის ტიპები
არსებობს ლეიკემიის რამდენიმე ტიპი. მათ დაზიანებული ლეიკოციტების - სისხლის თეთრი უჯრედების - ტიპის მიხედვით განასხვავებენ. ლიმფოციტური ლეიკემია ლიმფოციტებს აზიანებს, ხოლო მიელოგენური - მიელოციტებს. ლეიკემია შეიძლება იყოს მწვავეც და ქრონიკულიც. მწვავე ლეიკემია ძალზე სწრაფად პროგრესირებს, პაციენტის მდგომარეობაც სწრაფად უარესდება, ქრონიკული ლეიკემია კი ნელა განიცდის პროგრესირებას და შესაძლოა, წლობით არ გამოვლინდეს.


რატომ ვითარდება ლეიკემია?
ლეიკემიის მიზეზები ჯერ კიდევ დაუდგენელია, თუმცა ცნობილია ფაქტორები, რომლებიც ზრდის ამა თუ იმ ტიპის ლეიკემიის რისკს. მათ რისკფაქტორებს უწოდებენ. მათ შორის აღსანიშნავია:

  • რადიაცია;
  • ზოგიერთ ქიმიურ ნივთიერებასთან კონტაქტი;
  • სხვა სიმსივნის გამო ჩატარებული ქიმიოთერაპია;
  • დაუნის სინდრომი ან სხვა გენეტიკური დაავადება;
  • თამბაქოს წევა.

თუმცა იმ გარემოებასაც უნდა გავუსვათ ხაზი, რომ ამ რისკფაქტორების არსებობისას დაავადება ყველას არ ემართება, ხოლო მრავალ დაავადებულს საერთოდ არ განუცდია ჩამოთვლილი რისკფაქტორების ზემოქმედება.


სიმპტომები
დაავადების კლინიკური სურათი ლეიკემიის ტიპზეა დამოკიდებული, თუმცა საერთო სიმპტომებიც არსებობს. ეს სიმპტომები არასპეციფიკურია, რაც იმას ნიშნავს, რომ მრავალი სხვა დაავადების დროსაც გვხვდება. ასეთი სიმპტომებია:

  • ცხელება და ღამის ოფლიანობა;
  • თავის ტკივილი;
  • სისხლდენისკენ მიდრეკილება;
  • ძვლებისა და სახსრების ტკივილი;
  • დისკომფორტი
    You must have Flash Player installed in order to see this player.
    მარჯვენა ფერდქვეშ ელენთის გადიდების გამო;
  • ლიმფური კვანძების გადიდება კისრის, საზარდულის არეში;
  • ხშირი ინფექცია;
  • ადვილად დაღლა და სისუსტე;
  • წონის კლება და უმადობა.


დიაგნოსტიკა
ლეიკემიის დიაგნოსტიკისთვის ტარდება:

  • პაციენტის დეტალური გამოკითხვა;
  • გულდასმით გასინჯვა;
  • სისხლის საერთო ანალიზი (ლეიკემიის დროს მომატებულია თეთრი უჯრედების ოდენობა, ხოლო სხვა უჯრედებისა - შემცირებული).

ამგვარად მიღებული მონაცემები ბადებს ეჭვს ლეიკემიის თაობაზე. დიაგნოზის დასადასტურებლად ტარდება მკერდის ძვლის პუნქცია (ჩხვლეტა ნემსით) და მიღებული მასალის გამოკვლევა. ეს აუცილებელია, რათა დადგინდეს ლეიკემიის ტიპი და დაინიშნოს სათანადო მკურნალობა.


მკურნალობის მეთოდები
მკურნალობის მეთოდის არჩევა მრავალ ფაქტორზეა დამოკიდებული, მათ შორის - ლეიკემიის სახეობაზე, დაავადების ხანგრძლივობაზე, პაციენტის ასაკზე, ჯანმრთელობის ზოგად მდგომარეობაზე. მწვავე ლეიკემიის დროს მკურნალობა დაუყოვნებლივ ინიშნება, რათა შეჩერდეს ლეიკემიური უჯრედების უკონტროლო გამრავლება. მრავალ შემთხვევაში მკურნალობის შედეგად მიიღწევა რემისია, განკურნებაც კი. ქრონიკული ლეიკემია იშვიათად იკურნება, მაგრამ მკურნალობით შესაძლებელია პროცესის კონტროლი. მკურნალობის მეთოდებია:

  • ქიმიოთერაპია – სპეციალური პრეპარატებით სიმსივნური უჯრედების განადგურება;
  • სხივური თერაპია – სიმსივნური უჯრედების განადგურება რენტგენის სხივების მეშვეობით (ამ სახის მკურნალობა შეიძლება ჩატარდეს ღეროვანი უჯრედების ტრანსპლანტაციამდე);
  • ღეროვანი უჯრედების ტრანსპლანტაცია, ბიოლოგიური თერაპია.

 

 

თარიღი : 14-05-2016
სოსო სოსო
ჩემს შვილს სახეზე და ყურს უკან აღმოაჩდა სილურჯე და რამდენად სასიშია?მადლობა წინასწარ
თარიღი : 12-05-2016
madona madona
მეგი გტხოვ დაწვრილებიტ ამიხსნა ან სჰენი ნომერი მომწერო , ახლო ნატესავს აქვს ლეფკემია 5 წლის ბავსჰვია
თარიღი : 31-03-2016
vershinavershina2@gmail.com
მე დაუკავშირდი ამ ქალს ოდნოშია სახელით და გვარით ადვილი მისაგნებია და გაესაუბრეთ
თარიღი : 23-11-2015
თამარ
მეგი ხურციძე გთხოვთ მოგვწერეთ რა რა დიეტაა და რა პროდუქტს მიირთმევს თქვენი მოხუცი
თარიღი : 07-05-2015
6995991922
მეგი ხურტსიდზე. გტხოვტ გამიგო კველაფერი დაცვრილებიტ .მადლობა ცინასცარ
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ბრაილის შრიფტით ჟურნალის დაბეჭდვა "უსინათლოთა კავშირის" მე-3 ფილიალის ხელმძღვანელის ლაშა ცაიშვილის, ჟურნალ "ოჯახის მკურნალის" რედაქციის ინიციატივით და "მედია კომუნიკატორის" ორგანიზებით განხორციელდა.
ალექსანდრია ოსტრემი ექიმი ჰაუსის მადლობელია, რომ დღეს ის ცოცხალია.
როგორც ამერიკელი მკვლევარები აცხადებენ, ქათმის კვერცხის რეგულარულად მიღება ქალებთან ძუძუს კიბოს განვითარების რისკს თითქმის ორჯერ ამცირებს. ამ განცხადებას საინტერესო კვლევის შედეგები უდევს საფუძვლად. სპეციალისტები ადრეც საუბრობდნენ იმაზე, რომ კვირაში რამდენიმე კვერცხის ჭამა ქალებს ძუძუს კიბოს განვითარებისაგან იცავს (შემთხვევათა 18%-ში). 
ამ კატეგორიის სხვა სტატიები
მეცნიერები, რომლებმაც რამდენიმე საინტერესო კვლევა უკვე ჩაატარეს, ვარაუდობენ, რომ ზღვის ჭიების ჰემოგლობინი სისხლის წითელი სხეულაკების ალტერნატივაა. ცხოველური წარმოშობის ჰემოგლობინებისაგან განსხვავებით, უბრალო ზღვის ჭიის Arenicola Marina ჰემოგლობინი არც ალერგიულ რეაქციებს იწვევს და არც ღვიძლს აზიანებს.
სინგაპურელმა მეცნიერებმა კანის უჯრედებისგან სისხლის უჯრედების შექმნა შეძლეს. მათ ექსპერიმენტები ვირთაგვებზე ჩაატარეს. აღნიშნული მეთოდით შექმნილი სისხლის უჯრედები მღრღნელების ორგანიზმში რამდენიმე თვის განმავლობაში ცირკულირებდა.
ლეიკემიის ძირითად სიმპტომთა გამოვლენა დამოკიდებულია სიმსივნური უჯრედების თავისებურებებზე, მათ რაოდენობასა და გავრცელების მასშტაბებზე. მაგალითად, ქრონიკული ლეიკოზი ადრეულ სტადიებზე სიმსივნურ უჯრედთა არცთუ დიდი რაოდენობით ხასიათდება, ამიტომაც ის შესაძლოა ხანგრძლივი დროის განმავლობაში უსიმპტომოდ მიმდინარეობდეს. მწვავე ლეიკოზის დროს კი, როგორც წესი, დაავადების სიმპტომები ადრეულ ეტაპზევე ვლინდება.

ყოველწლიურად 14 ივნისს სისხლის დონორის მსოფლიო დღე (World Blood Donor Day) აღინიშნება.
დიდი ბრიტანეთის ჯანდაცვის ნაციონალური სამსახურის Blood and Transplant  უწყების
თუ ხშირად ცივდებით და ავადმყოფობთ, ადვილად იღლებით და სუსტად გრძნობთ თავს, ხშირად გეყინებათ ხელ-ფეხი, გეყოფათ ფრჩხილები და გცვივათ თმა, შესაძლოა, ამ ყველაფრის მიზეზი დაბალი ჰემოგლობინი და, საზოგადოდ, ორგანიზმში რკინის დეფიციტი იყოს. რკინა მნიშვნელოვანი ელემენტია, რადგან ჰემოგლობინის შემადგენლობაში შედის და მას ჟანგბადის ყველა უჯრედთან მიტანაში ეხმარება.

09 თებერვალი 2017
ღვინო ცხოვრების ნაწილია. მისი გონივრულად და ზომიერად მოხმარების პროპაგანდას ჯერ კიდევ პლატონი ეწეოდა და ადამიანებს მარტივ წესს სთავაზობდა: ”ბავშვებს 18 წლამდე ღვინო არ დაალევინოთ, 30 წლამდე ადამიანებს ნება მიეცით, ზომიერად დალიონ, 40 წლის ზემოთ უფლება აქვთ, დიდი ნადიმების დროს სასურველი რაოდენობით შესვან”.
28 დეკემბერი 2016
სტენფორდის უნივერსიტეტის გენეტიკოსები აცხადებენ, რომ უახლოეს პერიოდში ბავშვის ჩასახვისათვის კაცობრიობას სექსი აღარ დასჭირდება. მეტიც, პოტენციურ მშობლებს ბავშვების შერჩევა არა მხოლოდ სქესის, არამედ სხვა ნიშნების მიხედვითაც შეეძლებათ.
უჯრედისი ცილაზე მეტად ანაყრებს. პარკოსნები (მაგალითად ლობიო) შესანიშნავად უმკლავდება შიმშილის შეტევას. უჯრედისით მდიდარი ვეგეტერიანული კერძები გვეხმარება წონის დაკლებაში. მძიმე ცილოვანი საკვები, ხორცის კერძები ამ მხრივ უფრო ნაკლებად ეფექტურია.
ძილი საიმედოდ დაგვიცავს გრიპისა და გაციებისგან. კარგი ძილი იმუნურ სისტემას აძლიერებს და ორგანიზმი ინფექციას ეფექტურად უმკლავდება.
აღმოჩნდა, რომ საშუალო ასაკის ქალები, მამაკაცებთან შედარებით უკეთ უმკლავდებოდნენ მეხსიერების ტესტებს. თუმცა, მენოპაუზის შემდეგ, მშვენიერი სქესის წარმომადგენლები გულმავიწყობასა და მეხსიერების დაქვეითებას უჩივიან.