რუბრიკები
ოჯახის მკურნალი
კითხვა-პასუხი
ანორგაზმია
ანორგაზმია

არცთუ ისე დიდი ხნის წინ ჩვენს საზოგადოებაში გაბატონებული იყო მოსაზრება, რომ ქალები მამაკაცებზე ნაკლებად სექსუალურები არიან, ამიტომ ქალების სქესობრივ დარღვევებს ფაქტობრივად არც კი განიხილავდნენ. უკანასკნელი ოცი წლის განმავლობაში დამოკიდებულება ქალთა სექსუალურობის მიმართ დიამეტრულად შეიცვალა. დღეს მანდილოსნები უფრო მეტად აქცევენ ყურადღებას სქესობრივ სფეროს და მისი მოუწესრიგებლობის შემთხვევაში ისევე განიცდიან დეპრესიას, დაუკმაყოფილებლობას, როგორც მამაკაცები.


ცნობილია, რომ ოჯახების 58% სქესობრივი დისჰარმონიის გამო იშლება, თუმცა ყველა როდი უსწორებს თვალს ოჯახური უთანხმოების რეალურ მიზეზს. ხშირად საბაბად ხასიათებს შორის შეუთავსებლობა მოჰყავთ.

რა იწვევს ანორგაზმიას
ანორგაზმია - ორგაზმის განცდის უუნარობა - ქალისთვის სქესობრივი დისჰარმონიის ძირითად მიზეზს წარმოადგენს. მრავალი ქალი ისე ცხოვრობს, რომ არ განიცდის ორგაზმს, რის საფუძველიც თავად ქალის სექსუალურობის ბუნებაშია საძიებელი.
ქალისათვის მეტად მნიშვნელოვანია სქესობრივი ურთიერთობის ფსიქოლოგიური მხარე, ამიტომ ორგაზმის უქონლობის პრობლემა ძალიან ხშირად განპირობებულია არა ფიზიოლოგიური დარღვევებით, არამედ პარტნიორებს შორის ურთიერთობათა სირთულით.
ქალებში ორგაზმის განცდას ამუხრუჭებს დაორსულების, ვენერული თუ სხვა დაავადებით დასნებოვნების, პარტნიორის მხრიდან უარყოფის შიში, ქვეცნობიერი თუ გააზრებული სიძულვილი, ზიზღი მამაკაცის მიმართ.
მკაცრად აღზრდილი ქალების ანორგაზმიას შესაძლოა საფუძვლად ედოს დანაშაულის განცდა საკუთარი სქესობრივი ლტოლვის გამო.
ოჯახური თუ გარეშე კონფლიქტი ნეგატიურ გავლენას ახდენს ფსიქოლოგიურ მდგომარეობაზე და შესაძლოა, დააკარგვინოს ქალს ორგაზმის განცდის უნარი.
ზოგი ქალი ორგაზმს პირველად მხოლოდ მშობიარობის შემდეგ განიცდის, თუმცა არის ისეთი შემთხვევებიც, როდესაც ბავშვის დაბადებამდე სქესობრივი ცხოვრება ჰარმონიულად მიმდინარეობს, ხოლო მშობიარობის შემდეგ ორგაზმის განცდის უნარი ქრება. მიზეზი შეიძლება იყოს შორისისა და მენჯის კუნთების, საშოს ლორწოვანის, ნერვული დაბოლოებების ტრავმა.

ანორგაზმიის ნაირსახეობანი
განასხვავებენ პირველად და მეორეულ ანორგაზმიას. პირველად ანორგაზმიაზე მაშინ საუბრობენ, როდესაც ქალი არავითარი სტიმულაციის შემთხვევაში არ განიცდის ორგაზმს. მეორეულად ითვლება ისეთი ანორგაზმია, როდესაც ქალს ადრე ერთხელ მაინც აქვს განცდილი ორგაზმი. ექიმები გამოყოფენ ასევე სიტუაციურ ანორგაზმიას. ეს ის შემთხვევაა, როდესაც ქალი ორგაზმს განიცდის მხოლოდ გარკვეულ პირობებში, მაგალითად, მასტურბაციის შედეგად. სპორადული ანორგაზმიის დროს ქალი ორგაზმს განიცდის სქესობრივი აქტივობის სხვადასხვა ფორმის დროს, მაგრამ არა ყოველთვის. არსებობს ასევე ნიმფომანური ანორგაზმიის რთული ვარიანტი, როდესაც მომატებულია სქესობრივი ლტოლვა, მაგრამ მოშლილია ორგაზმის განცდის უნარი, მიუხედავად ხანგრძლივი სტიმულაციისა და აგზნებისა.

ანორგაზმიის შედეგები
ორგაზმის განცდის უუნარობა უარყოფითად მოქმედებს არა მხოლოდ ნერვულ სისტემაზე, არამედ მთელ ორგანიზმზე. ასეთი სქესობრივი აქტის შემდეგ ქალი უჩივის ნერვულ აგზნებადობას, ცუდ თვითშეგრძნებას და დათრგუნულობას. სქესობრივმა დაუკმაყოფილებლობამ შეიძლება გამოიწვიოს ნევროზი, ისტერია, შაკიკი, გაღიზიანება, დეპრესია.
ფიზიოლოგიური თვალსაზრისით ორგაზმის უქონლობა იწვევს შეგუბებით მოვლენებს სასქესო ორგანოებში. შედეგად ირღვევა მენსტრუალური ციკლი, ვითარდება მტკივნეული მენსტრუაცია, საშვილოსნოდან სისხლდენა, ძლიერდება წინარემენსტრუაციული დაძაბულობის სიმპტომები. ჰორმონული ფონის ცვლილება სარძევე ჯირკვლის ქსოვილში პათოლოგიურ პროცესებს აძლევს დასაბამს.
მრავალ სექსოლოგსა და გინეკოლოგს მიაჩნია, რომ გენიტალიური ვენური შეგუბება იწვევს საშვილოსნოს ტანის ფიბრომიომას, საკვერცხეების პოლიკისტოზურ გადაგვარებას.

როგორ მკურნალობენ ქალთა ანორგაზმიას
როდესაც ქალს წინათ განცდილი აქვს ორგაზმი, მაგრამ არ აკმაყოფილებს ახლანდელი პარტნიორი, მან აუცილებლად უნდა მიმართოს სექსოპათოლოგს. ის აუხსნის პარტნიორებს მდგომარეობის არსს, მისცემს რეკომენდაციებს კერძო შემთხვევის თავისებურებათა გათვალისწინებით.
ფიზიოლოგიური დარღვევის შემთხვევაში აუცილებელია ანორგაზმიის

You must have Flash Player installed in order to see this player.
მიზეზის აღმოფხვრა. აუცილებლობისას შესაძლებელია სქესობრივი პარტნიორების ერთდროული მკურნალობაც.
ანორგაზმიის სამკურნალოდ შესაძლოა გამოყენებულ იქნეს როგორც ფსიქოთერაპია, ისე მედიკამენტური მეთოდები, ფიზიოთერაპია, ნემსორეფლექსოთერაპია, გინეკოლოგიური მასაჟი. ფსიქოთერაპიის დროს ძალიან მნიშვნელოვანია პაციენტის ურთიერთობა ექიმთან და განკურნების სურვილი. იმ ქალებს, რომლებსაც ორგაზმი არასოდეს განუცდიათ, მით უმეტეს სჭირდებათ სექსოლოგის დახმარება.
ვიდრე არ ჩატარდება გამოკვლევა და არ დამტკიცდება, რომ ანორგაზმია პირველადია და განპირობებულია რაიმე დაავადებით, მანამდე არ შეიძლება გამოირიცხოს, რომ ადეკვატური სტიმულაციისას ქალს შეუძლია ორგაზმის განცდა.
დასასრულ, არ შეიძლება ამ პრობლემის იგნორირება, რადგან იგი შესაძლოა ქალის ცხოვრების სრულფასოვნების ხელშემშლელ ფაქტორად იქცეს.

 

 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სერიალი ”გაბოროტებული” წლების წინ გამოჩნდა სატელევიზიო სივრცეში, მაგრამ ის დღესაც არ კარგავს აქტუალობას. სატელევიზიო შოუს შესახებ საუბრები და მითქმა-მოთქმა დღემდე არ ჩერდება. მრავალი კითხვა ჩნდება სერიალის გარშემო. ჩვენ გთავაზობთ www.imdb.com-ის მიხედვით, ყველაზე ხშირად დასმულ კითხვებსა და მათზე პასუხებს სერიალ ”გაბოროტებულის” შესახებ.
#ქველმოქმედებამარტივია - ჟურნალ ,,ოჯახის მკურნალის"" და ,,პალიტრა მედიის"" ერთობლივი პროექტია, რომელიც მძიმე სნეულებების მქონე ბავშვებს რამდენიმე ათასი ლარით დაეხმარა.
აშშ-ის ჯანდაცვის ნაციონალური ინსტიტუტების მეცნიერების კვლევის მიხედვით დადგინდა, რა ხდება ტვინში ცხოვრების არასწორი წესის შემთხვევაში. კერძოდ, სიმსუქნის დროს იცვლება ტვინის დოფამინის, მოტივაციაზე პასუხისმგებელი რეცეპტორები.
ამ კატეგორიის სხვა სტატიები
როგორც მეცნიერები აცხადებენ, სექსისთვის საუკეთესოა ის დრო, როდესაც ტესტოსტერონის დონე მაქსიმალურ კონცენტრაციას აღწევს სისხლში. ეს კი გამთენიას 05:48 საათზე მიიღწევა. დიდ ბრიტანეთში მკვლევარებმა ჩაატარეს საინტერესო ექსპერიმენტები, რომელთა შედეგებითაც გაირკვა, რომ
როგორც ირლანდიელმა მეცნიერებმა გაარკვიეს, რეგულარული სექსი და დაბალანსებული კვება სიცოცხლეს მნიშვნელოვნად ახანგრძლივებს. ბელფასტის სამეფო უნივერისტეტის სპეციალისტთა მიერ ჩატარებული კვლევების შედეგები ცხადყოფს, რომ აქტიური სქესობრივი ცხოვრება არა მხოლოდ ახანგრძლივებს სიცოცხლეს რამდენიმე წლით, არამედ ორგანიზმს სხვადასხვა დაავადების განვითარებისგანაც იცავს.
სპეციალისტების თქმით, სექსუალური ცხოვრების დიდი ხნით შეკავება ქალის ფიზიკური და ფსიქიკური ჯანმრთელობისთვის საშიშია. ასეთ პირობებში ის უფრო ცუდად უმკლავდება სტრესს. საქმე ისაა, რომ სექსის დროს ხდება ენდორფინების - კარგი განწყობის ჰორმონები - გამომუშავება.
პროფესორმა მაიკ უილიმ (ვიაგრას ერთ-ერთი ავტორი) ნაადრევი ეაკულაციის სამკურნალო საშუალება შეიმუშავა. Fortacin-ის სპრეის საშუალებით შესაძლებელი იქნება სქესობრივი აქტის ხანგრძლივობის 10-ჯერ გაზრდა. ის მცირე დოზით შეიცავს ანესთეტიკებს, რომელიც სასქესო ასოს მგრძნობელობას ნორმამდე აქვეითებს.
ბევრ მამაკაცს, ქალის ორგაზმზე არასწორი წარმოდგენა აქვს. 810 მამაკაცის გამოკითხვის შედეგად, მკვლევარებმა აღმოაჩინეს, რომ ძლიერი სქესის ბევრი წარმომადგენელი ქალის ორგაზმს საკუთარ დამსახურებად მიიჩნევს. შესაბამისად, ქალის ორგაზმის არარსებობა მათ თავმოყვარეობას ეხება. სავარაუდოდ, სწორედ ეს აიძულებს ზოგიერთ ქალს ორგაზმის იმიტირებას.
ბევრს მიაჩნია, რომ პარტნიორებს რაც უფრო ხშირად აქვთ სექსი, უკეთესია. თუმცა, ახალი კვლევის მონაცემების თანახმად, ეს ასე არაა. აღმოჩნდა, რომ ძალიან ხშირი სექსი უარყოფითად მოქმედებს სექსუალური დაკმაყოფილების დონეზე. მეცნიერების აზრით, კვირაში ერთხელ სქესობრივი აქტი საკმარისია.
16 თებერვალი 2017
მეცნიერების აზრით, წიგნები და მასობრივი ინფორმაციის საშუალებები მნიშვნელოვან როლს ასრულებენ ბავშვებში ამ თუ იმ პროდუქტისადმი დამოკიდებულების ჩამოყალიბებაში. ხოლო საკვებისადმი ბავშვობის დროინდელი სიყვარული, ხშირად მთელი ცხოვრების განმავლობაში ნარჩუნდება. მკვლევარებმა შეისწავლეს საჭმლის აღწერილობა 100 პოპულარულ საბავშვო წიგნში.
27 იანვარი 2017
გერმანიის ფედერალური ინსტიტუტის პროფესორი ბერნდ შეფერი აცხადებს, რომ ტოსტერში დაბრაწულ-დახრუკული პური (ე.წ "ტოსტი") ჯანმრთელობისთვის მავნებელია. რაც უფრო მეტხანს იწვება ის, მით მეტია მასში აკრილამიდის შემცველობა. ამ ნივთიერებას კი კანცეროგენების (სიმსივნის მაპროვოცირებელი ნაერთები) სიაში მოიაზრებენ.
მაიოს კლინიკის სპეციალისტები მივიდნენ დასკვნამდე, რომ ბავშვთა ასთმური შეტევის მიზეზი ხშირად მშობელთა მავნე ჩვევა - თამბაქოს მოხმარებაა. ისინი მოუწოდებენ მოზრდილებს, მოარიდონ ბავშვები თამბაქოს კვამლს. მეცნიერებმა გააანალიზეს ამ თემასთან დაკავშირებით ჩატარებული 25 კვლევის შედეგები. აღნიშნულ კვლევებში მონაწილეობდა 430 000-ზე მეტი ბავშვი, რომელთა საშუალო ასაკი 6-7 წელიწადს შეადგენდა.
როგორც კვლევებმა აჩვენა, ანანასს არა მარტო სასიამოვნო გემო აქვს, არამედ ანტიოქსიდანტების შემცველობის გამო, ჯანმრთელობისთვისაც სასარგებლოა. კერძოდ, ანტიოქსიდანტური თვისებების გამო ის წარმატებით ებრძვის ათეროსკლეროზს, გულის დაავადებებსა და სხვადასხვა ტიპის კიბოს.
კომპიუტერული თამაშები ხანდაზმულ ადამიანებს ჭკუასუსტობისგან იხსნის. კომპიუტერული თამაშების საშუალებით ტვინის ვარჯიში დემენციისკენ მიდრეკილი ადამიანების კოგნიტიური ფუნქციების გაუარესების პროცესს ამუხრუჭებს.