რუბრიკები
ოჯახის მკურნალი
კითხვა-პასუხი
როგორ მოვიშოროთ ფერიმჭამელები
როგორ მოვიშოროთ ფერიმჭამელები

ფერიმჭამელა უბრალო კოსმეტიკური დეფექტი კი არა, სერიოზული დაავადებაა, რომელსაც შეუძლია, სამუდამო კვალი დაამჩნიოს ჩვენს სხეულს. ეს არის კანის ცხიმოვანი ჯირკვლების ანთებითი დაავადება, გამოწვეული, ერთი მხრივ, ამ ჯირკვლების დაცობით, ხოლო მეორე მხრივ - ცხიმის ჭარბი პროდუ-ქციით. ფერიმჭამელა (აკნე) უმიზეზოდ არ ჩნდება - ის ორგანიზმში მომხდარ ცვლილებაზე (პათოლო-გიაზე) მიუთითებს, ამიტომ როდესაც ეს დაავადება იჩენს თავს, უნდა მიმართოთ არა მხოლოდ დერმატოლოგს ან კოსმეტოლოგს, არამედ გინეკოლოგს, ენდოკრინოლოგს, უროლოგს, თერაპევტს.

აკნე არ არის მხოლოდ მოზარდებისა და ახალგაზრდების დაავადება. ის ზრდასრულებსაც უჩნდებათ და მაშინ მით უმეტეს აუცილებელია სხვადასხვა პროფილის ექიმებთან ვიზიტი. სამწუხაროდ, წერილის ავტორი არ მიუთითებს თავის ასაკს, რაც უფრო ინფორმაციული რჩევების მიცემაში დაგვეხმარებოდა. უნდა ვივარაუდოთ, რომ საქმე ეხება მოზარდს. რჩევებსაც ამის კვალობაზე მოგცემთ.

აკნეს განვითარების მიზეზები

მემკვიდრეობითი განწყობის, ამა თუ იმ შეძენილი დაავადების ან ბავშვობისას განვითარებული ჰორმო-ნული ცვლილებების მიზეზით მამაკაცის სასქესო ჰორმონები (ანდროგენები), რომლებიც, რა თქმა უნდა, ქალებსაც აქვთ, აგრესიულ გავლენას ახდენს ცხიმის ჯირკვლებზე. შედეგად:

  • იმატებს ცხიმის პროდუქცია;
  • ჯირკვლები იზრდება;
  • ირღვევა გამომტანი არხის მკვდარი უჯრედებისგან გათავისუფლების პროცესი;
  • ყალიბდება საცობი, ჯირკვლის შიგთავსი ანთებადი ხდება და ჩნდება ტიპური მუწუკი.

ახდენს თუ არა დიეტა გავლენას აკნეზე?

უმეტესად - არა, თუმცა ბალანსირებული კვება ძალიან მნიშვნელოვანია ორგანიზმის საერთო მდგომარეობის გასაჯანსაღებლად.

შეიძლება თუ არა გამორწყვა?

თუ გამორწყვისას მუწუკის შიგთავსის ნაწილი კანში ღრმად ჩავიდა, ავადმყოფობა გამწვავდება და საბოლოოდ უხეში ნაწიბურების გაჩენით დაგვირგვინდება. ღრმა და ანთებადი აკნეს მოჭყლეტა დაუშვებელია. უმჯობესია, გამოვიყენოთ სპეციალური კოსმეტიკური კოვზი, რომელიც კანს არ აზიანებს.

როგორ ავიცილოთ თავიდან კანის დანაწიბურება?

ამისთვის მკურნალობა ადრევე უნდა დავიწყოთ. ნაწიბურის მკურნალობაც შეიძლება, თუმცა კანისთვის პირვანდელი იერის დაბრუნება ძალიან ძნელია.

შველის თუ არა აკნეს ხშირი ბანა?

მეტისმეტად ხშირი ბანა აშრობს და აღიზიანებს კანს, ასტიმულირებს ცხიმის გამოყოფას. უმჯობესია, პირი დღეში 2-ჯერ - დილა-საღამოს დავიბანოთ.

ახდენს თუ არა ოფლის გამოყოფა გავლენას აკნეზე?

ჭარბი ოფლიანობა ცხიმის ჯირკვლების სრული დაცობასა და ანთებას იწვევს.

რა ამწვავებს გამონაყარს?

კონტაქტი ცხიმებთან, ნავთობთან, ქიმიურ ნივთიერებებთან, ჰალოგენების (იოდის, ბრომის, ფტორის) მიღება, რომლებსაც შეიცავს სურსათი და მედიკამენტები.

შეიძლება თუ არა კოსმეტიკით სარგებლობა?

შეიძლება და სასურველიც არის. მაკიაჟი თვითდაჯერებას შეგმატებთ. ოღონდ უნდა შეარჩიოთ ცხიმიანი კანისთვის განკუთვნილი სპეციალური არაკომედოგენური საშუალება (კომედონს უწოდებენ კანის ცხიმით სავსე, დაცობილ ცხიმის ჯირკვალს). რეკომენდებულია პუდრი. გავრცელებული აზრის მიუხედავად, ის ფორების დაცობას კი არ იწვევს, არამედ შთანთქავს ჯირკვლებიდან გამოყოფილ ჭარბ სეკრეტს. ერიდეთ კოსმეტიკას, რომელიც შეიცავს ლანოლინს, პარაფინს, მინერალურ ზეთებს.

აკნესთნ ბრძოლის მთავარი წესები

1. პირველ რიგში, აუცილებელია დაისვას სწორი დიაგნოზი (კვლევის მიმართულებებზე წერილის დასაწყისში გესაუბრეთ).

2. შეარჩიეთ ექიმი, რომელიც ფლობს კლასიკური დერმატოლოგიისა და კოსმეტოლოგიის მეთოდებს და საჭიროების შემთხვევაში კოსმეტოლოგიურ პროცედურებს სხვა პროფილის ექიმის მეთვალყურეობაც შეუხამეთ.

3. არასოდეს დაიტოვოთ ღამით დეკორატიული კოსმეტიკა. გაიწმინდეთ სახე სპეციალური, რბილი გამწმენდი საშუალებით. ჭარბად ნუ გამოიყენებთ საპონს. ერიდეთ სპირტის, აცეტონისა და სხვა აგრესიული ნივთიერებების შემცველ ლოსიონებს.

4. შინიდან გასვლისას აუცილებლად წაისვით დღის კრემი (დამანოტივებელი, ჰიპოალერგიული,  არაკომედოგენური). მკურნალობისას სახე მზეს მოარიდეთ.

5. ხელი აიღეთ ყოველგვარი მკვებავი კრემის

You must have Flash Player installed in order to see this player.
გამოყენებაზე, გარდა იმისა, რომელსაც კოსმეტოლოგი გირჩევთ. კრემის ნაცვლად დროდადრო წაისვით სუფთა ზეთი, რომელიც შეუცვლელ ცხიმოვან მჟავებს შეიცავს.

6. არ შეწყვიტოთ მკურნალობა, ვიდრე სისხლში ჰორმონების მაღალი შემცველობა ფიქსირდება. კოსმეტოლოგთან ვიზიტი შიგადაშიგ შემდეგშიც დაგჭირდებათ.

მკურნალობა
დაავადების მსუბუქი მიმდინარეობისას საკმარისია ადგილობრივი მკურნალობა და კომედონების მექანიკურად მოცილება. საშუალო და მძიმე ხარისხის ფორმისას ადგილობრივს ემატება ზოგადი საშუალებები (ანტიბიოტიკები, ჰორმონული დარღვევების მოსაწესრიგებელი პრეპარატები და ა. შ.), რომლებსაც ექიმი დაგინიშნავთ. არსებობს ახალი თაობის დიოდური ლაზერი Smooth Beam, რომელიც რბილად, სათუთად მოქმედებს კანის ღრმა სტრუქტურებზე. შედეგად კანის ღრმა შრეებში მდებარე ცხიმის ჯირკვლები პატარავდება და ცხიმის გამოყოფის აქტიურობაც მცირდება. შედეგი, რა თქმა უნდა, უეცარი არ არის. საჭიროა 3-5 პროცედურის ერთთვიანი ინტერვალებით ჩატარება. ლაზერი, გარდა იმისა, რომ წმენდს კანს, ნაწიბურებსაც ებრძვის - 5-8 პროცედურა დეფექტებს ნაკლებად შესამჩნევს გახდის.

 

 

ამ ავტორის სხვა სტატიები
თარიღი : 13-12-2015
Mari
ვინმეს თუ აქვს ეს დიოდური ლაზერი, შეგიძლიათ რომ გვითხრათ?
თარიღი : 14-09-2014
ნია
ხათუნა ცინცაძეს არა შვილო ღამით კი არა არც დღე გააკაროღ თქვენს კანს კრემები არც დამატენიანებელია საჭირო პირიქით ტონალურსაც თუ იყიდით ისიც არ უნდა შეიცავდეს ცხიმს ზედ უნდა ეწეროს ცხიმიანი ან კომბინირებული კანისთვისო და ცხიმს არ შეიცავსო ეს უნდა ეწეროს მე სხვა ვეარავისი ვიშოვე გარდა ვიშის და გარნიეს ბბ (ინგლისურად აწერია ბბ) კრემისა.
თარიღი : 14-09-2014
ნია
ჩემს შვილს აქვს აკნე და დერმატოლოგი არ დამიტოვებია რომ არ მყოლოდა ბოლოს ჯავახიშვილის სამედიცინო ფაკულტეტის პროფესორმა(დერმატოლოგმა) ისაუბრა ერთერთ გადაცემაში და სალიცილის მჟავააო ამის წამალიო მერე წავიდა ინფოს ძიება და ..... ყველა აფთიაქში იყიდება სალიცილის მჟავა 2%-ანი( 50მლ)+ 3-4 აბი დაფხვნილი ლევომიცეტინი (0.5 გრამიანია თითო აბი) + 25 მლ ბორის სპირტი 3%-ანი და კარგად შევანჯღრიოთ, დრეში 2-3 ჯერ ბამბით წავისვათ სახეზე, არ ჩამოიბანოთ საღამოს ან დღეში 2-ჯერ სახე გაიწმინდეთ "ალკმენე"-ს ტონიკით ავსტრალიური ჩაის ხის ზეთს რომ შეიცავს ისეთით ფარმადეპოში აქვთ მხოლოდ და შედეგსაც დაინახავთ ძალიან მალე. . ასევე თუ სახეს ისეთი გელით დაიბანთ რომელშიც სალიცილის მჟავა შედის არაჩვეულებრივია , მე პირადად "ვიში"-ს სახის დასაბან გელში ვნახე მხოლოდ . არ შეგეშინდეთ კანის გამოშრობის აკნე ცხიმიანი კანის "ნაკლია" და პირიქით ეხმარება ცხიმის ნაკლებ გამომუშავებაში კანქვეშა ჯირკვლებს
თარიღი : 14-09-2014
gtxovt damakvalianot
ვარ 20წლის, მყავს სამი თვის ბავშვი, ბუნებრივ კვებაზეა, ამ დროს შეიძლება მკურნალობა? პრობლემა ხომ არ შემექმნება? სახეზე ფერიმჭამელებთან ერთად პრიშიკებიც მაქ, ორსულობაში ბაკებზე თმებიც ამომივიდა. ჩემ პოლიკლინიკაში დიდად იმედი არ მაქ რო მიშველიან კარგად და თქვენ სად მირჩევთ მისვლას? გმადლობთ ყურადგებისთვის..
თარიღი : 13-09-2014
კითხვა ექიმს
ვარ 55 წლ და დღესაც ეს პრობლმა მაწუხებს. ცხოვრების მონაკვეტზე არ მქონია მომენტი რომ ეს ან ძირმაგარა არ მქონოდა. ჩემის აზრიტ აი რა არის მიზეზი; დავიბადე ჩირქიანი(გვერდიტ) და 2 კვირისას ოპერაციაც გამიკეტეს. ექიმს ვეკიტხები, რა შეიძლება ყოფილიყო მიზეზი, ბავშვები ასე არ იბადებიან უმიზეზედ, შეიძლება ყოფილიყო მიზეზი ის რომ დედაჩემი ჩემი მოშორების მიზნიტ საშუალებებს მიმართავდა? მე ნაბოლარა ვარ და ის უკვე ასაკში იყო. დედაჩემი ცოცხალი არ არის რომ ვკიტხო. პ.ს.ვარ ჯანმრთელი, ცნობისთვის.
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სერიალი ”გაბოროტებული” წლების წინ გამოჩნდა სატელევიზიო სივრცეში, მაგრამ ის დღესაც არ კარგავს აქტუალობას. სატელევიზიო შოუს შესახებ საუბრები და მითქმა-მოთქმა დღემდე არ ჩერდება. მრავალი კითხვა ჩნდება სერიალის გარშემო. ჩვენ გთავაზობთ www.imdb.com-ის მიხედვით, ყველაზე ხშირად დასმულ კითხვებსა და მათზე პასუხებს სერიალ ”გაბოროტებულის” შესახებ.
#ქველმოქმედებამარტივია - ჟურნალ ,,ოჯახის მკურნალის"" და ,,პალიტრა მედიის"" ერთობლივი პროექტია, რომელიც მძიმე სნეულებების მქონე ბავშვებს რამდენიმე ათასი ლარით დაეხმარა.
აშშ-ის ჯანდაცვის ნაციონალური ინსტიტუტების მეცნიერების კვლევის მიხედვით დადგინდა, რა ხდება ტვინში ცხოვრების არასწორი წესის შემთხვევაში. კერძოდ, სიმსუქნის დროს იცვლება ტვინის დოფამინის, მოტივაციაზე პასუხისმგებელი რეცეპტორები.
ამ კატეგორიის სხვა სტატიები
თმის ღერების მთავარი სტრუქტურული ელემენტი და მათი ზრდის დამაჩქარებელი - ცილაა. შესაბამისად, თმის ზრდის სტიმულაციის მსურველებმა საკვები რაციონი ცილით უნდა გაამდიდრონ, რეგულარულად მიირთვან კვერცხი, თევზი, რძის პროდუქტები და ხორცი.
რედაქციაში ბევრი წერილი შემოდის, როდესაც მკითხველს აინტერესებს როგორ მოიშორონ კოჟრები. გეტყვით, რომ აფთიაქებში იყიდება კოჟრის (ე.წ. "მაზოლის") საწინააღმდეგო "პლასტირები". მის გამოყენებამდე უნდა გაიკეთოთ თბილი წყლის აბაზანა, შემდეგ კარგად გაიმშრალოთ ის ადგილი, სადაც კოჟრი გაქვთ
მკვდარი ცხენებისგან მიღებულმა კოლაგენმა შესაძლოა ბოტოქსი ჩაანაცვლოს. როგორც სპეციალისტები აღნიშნავენ, ეს მეთოდიკა მალე შესაძლოა კოსმეტოლოგიურ ჰიტად იქცეს. 60 წლის ინგლისელი ქალბატონი ბეტი ბო დათანხმდა გამაახალგაზრდავებელ ექსპერიმენტში მონაწილეობას და ბოტოქსის ნაცვლად მკვდარი ცხენებისგან მიღებული კოლაგენის ინიექციები გაიკეთა. 
კოპენჰანგენის და ბრედფორდის უნივერსიტეტების თანამშრომლებს მიაჩნიათ, რომ ტატუირება მავნებელია. საშიშროების შემცველია ტატუირების დროს გამოყენებული საღებავები. ისინი კანცეროგენებს წარმოადგენს და არა მარტო კიბოს, არამედ სხვა დაავადების პროვოცირებაც შეუძლია.
მიახლოებითი შეფასებით, ადამიანების 80%-ს, 11-დან 30 წლამდე ასაკში, ცხოვრების რომელიმე მომენტში ჰქონდა აკნე. ძირითადად ეს პრობლემა ყმაწვილობისას აღინიშნება, თუმცა ზოგჯერ ის მოზრდილ ასაკშიც ნარჩუნდება ან პირველად ვლინდება.
ლუნდის უნივერსიტეტის (შვედეთი) მეცნიერებმა დაადგინეს, რომ ერთ-ერთ ბაქტერიას, რომელიც ყველაზე ხშირად გვხვდება ადამიანის კანზე, მისი პატრონის კანის სხვადასხვა პათოლოგიისგან დაცვა შეუძლია. კვლევის ავტორი როლფ ლუდი აღნიშნავს, რომ მიკროორგანიზმი Propionibacterium Acnes-ს
05 აპრილი 2016
კოცნა ბევრს უყვარს და ხშირად ჩუქნის კიდეც მას საყვარელ ადამიანებს, ზოგიერთები კი უზოგავენ ამბორს სხვებსაც და საკუთარ თავსაც, რადგან არ უყვართ “ხვევნა-კოცნა, მტლაშა-მტლუში”. ამ კატეგორიას შევახსენებ, რომ კოცნა საოცარი ფენომენია, რაც მთავარია, მეტად სასარგებლო ორგანიზმისათვის.

19 მაისი 2017
ჭარბი წონის მქონე ადამიანების უმრავლესობა ახლობლებისგან მუდმივად განიცდის ზეწოლას და მათი დიდი ნაწილი, რომლებიც გახდომას ვერ ახერხებს, მიუთითებს გარშემომყოფების უარყოფით როლზე. თუ ნამდვილად გსურთ დახმარება, შეეცადეთ დაარწმუნოთ ადამიანი, რომ მიმართოს ექიმს, რადგანაც სიმსუქნე სერიოზული დაავადებაა.
როგორც ამერიკელი მკვლევარები აცხადებენ, ქათმის კვერცხის რეგულარულად მიღება ქალებთან ძუძუს კიბოს განვითარების რისკს თითქმის ორჯერ ამცირებს. ამ განცხადებას საინტერესო კვლევის შედეგები უდევს საფუძვლად. სპეციალისტები ადრეც საუბრობდნენ იმაზე, რომ კვირაში რამდენიმე კვერცხის ჭამა ქალებს ძუძუს კიბოს განვითარებისაგან იცავს (შემთხვევათა 18%-ში). 
სასქესო ასოს ზომისა და ფორმის შეცვლის რამდენიმე მეთოდი არსებობს:

1. სასქესო ასოს თავის გადიდება ჰიალურონის მჟავას გელით.

სასქესო ასოს თავის გადიდება კეთდება მოცულობის, ფორმის კორექციისა და სასქესო ასოს თავის მგრძნობელობის დაქვეითების მიზნით. ჰიალურონის მჟავას გელის საშუალებით სასქესო ასოს თავის გადიდებისა და ნაადრევი ეაკულაციის მკურნალობის მსოფლიო გამოცდილება 12 წელს მოიცავს. ეს მეთოდიკა უსაფრთხო და ეფექტურია სქესობრივი ცხოვრების ხარისხის გასაუმჯობესებლად არა მარტო მამაკაცებისთვის, არამედ მათი პარტნიორებისთვისაც, იმდენად რამდენადაც სასექსო ასოს თავის მოცულობის გაზრდა მნიშვნელოვნად ახანგრძლივებს სქესობრივ აქტს.

როგორც კვლევამ აჩვენა, ცხიმებითა და ნახშირწყლებით მდიდარი საკვები დამოკიდებულებას იწვევს. ამიტომ ყველაზე ხშირად დამოკიდებულება შოკოლადზე, პიცაზე, ნაყინსა და ჰამბურგერებზე ვითარდება. მეცნიერების აზრით, ენდორფინულ დონეზე ნარკოტიკული დამოკიდებულება აღმოცენდება ცხიმიანისა და ტკბილის ერთობლიობისას.