რუბრიკები
ოჯახის მკურნალი
კითხვა-პასუხი
რა ყვავილი ვაჩუქოთ რჩეულს?

რჩეულისთვის თაიგულის მირთმევის სურვილი არც ერთ სეზონზე არ ქრება, თუმცა გაზაფხული მას განსაკუთრებით ამძაფრებს, ამიტომ, ვფიქრობთ, ჩვენი რჩევები სწორედ დროულია.

როგორ შევარჩიოთ ყვავილი

გადაწყვიტეთ, საყვარელ ადამიანს ვარდების თაიგული მიუძღვნათ? პირველ რიგში, კოკორი მოსინჯეთ. თუ ის მკვრივი და მაგარია, მაშინ ყვავილი ახალია. განსაკუთრებული გულისყურით შეამოწმეთ ტიტები - მათი გვირგვინი სიცივეში იხურება, სითბოში კი იშლება, ხოლო 1-2 დღის შემდეგ ფურცლები სცვივა, ამიტომ ტიტების ყიდვისას უპრიანია, ყვავილის კოკრები ოდნავ შეარხიოთ.

თუ ამჯობინებთ, შეყვარებულს შროშანი მიართვათ, იყიდეთ დახურული კოკრები. ისინი სამ დღეში გაიშლება, შემდეგ კი ორი კვირა გაგვილამაზებს ოთახს. უყურადღებოდ ნურც ყვავილის ღეროს დატოვებთ. თუ ვარდის გადანაჭერი მუქია, ყვავილი 1-2 დღეს კიდევ იცოცხლებს.
რაც უფრო მსხვილი ღერო აქვს ვარდს, მით მეტხანს იცოცხლებს იგი.

 

ყვავილების ენა ვარდი

რასაკვირველია, ვარდი ყველაზე ლამაზი და ნაზი ყვავილია, მაგრამ, ამასთანავე, დიდი მნიშვნელობა აქვს მის ფერს. წითელი ვარდები სიყვარულისა და ვნების სიმბოლოა. თეთრ ვარდებს ახალგაზრდა გოგონებს უძღვნიან უმანკოების ნიშნად. ვადისფერ ვარდებს მსუბუქი გატაცების ნიშნად ჩუქნიან.
ყვითელ ვარდებს ადრე გრძნობების ჩაცხრობის ნიშნად მიართმევდნენ ხოლმე, დღეს კი ისინი კეთილდღეობისა და ბედნიერების ნიშნად მიიჩნევა. ბურგუნდიული ღვინისფერი ვარდები იმაზე მეტყველებს, რომ ვინც თაიგული მოგიძღვნათ, ყურადღება თქვენს გარეგნობას მიაქცია.
ერთად შეკრული წითელი და ყვითელი ვარდები იმის ნიშანია, რომ ბედნიერებასა და სიხარულს უსურვებთ. ჩაის ვარდი მარადიული სიყვარულის სიმბოლოა.

 

მიხაკი

წითელი მიხაკი, მართალია, მგზნებარე სიყვარულზე მეტყველებს, მაგრამ უმჯობესია, იგი მამაკაცებს მიართვათ და არა ქალებს. თეთრი მიხაკი სევდის სიმბოლოა, ხოლო ყვითელი - სიძულვილისა. ჭრელი მიხაკი გაციებულ გრძნობებზე მეტყველებს.

 

სხვა ყვავილები

მიმოზა სიმორცხვისა და მოკრძალების სიმბოლოა. ის მაშინ შეგიძლიათ მიართვათ, როდესაც არ იცით, როგორ გამოხატოთ თქვენი გრძნობები. ასტრა სევდის სიმბოლოა. ამ ყვავილის თაიგულით სჯობს გარდაცვლილები გააცილოთ უკანასკნელ გზაზე. ამ სეზონზე მოდურია მწვანე ქრიზანთემები. მართალია, ისინი საკმაოდ ეგზოტიკურად

გამოიყურება, მაგრამ ასეთი ორიგინალური თაიგული ყველა ქალს როდი მოეწონება. წითელი ტიტა წარმატების სიმბოლოა, ხოლო ყვითელი - სიყვარულისა.  ია ერთგულებასა და სათნოებაზე მეტყველებს.

 

ყვავილებმა დიდხანს რომ გაძლოს

ყვავილები უფრო მეტხანს შეინახება, თუ წყალში ჩააგდებთ ხის ნახშირს ან ჩაყრით ნახშირის ფხვნილს. ონკანის წყალში შეგიძლიათ ასპირინის აბი ჩააგდოთ. ძალიან კარგი იქნება, თუ წყალში გახსნით საჭმელ მარილს (1 ჩაის კოვზი 1 ლიტრ წყალზე). ვარდები და მიხაკები კარგად ინახება დაშაქრულ წყალში. ვარდებისთვის საჭიროა 10%-იანი ხსნარი, ხოლო მიხაკისთვის - 15%-იანი. ყვავილის ფოთლები წყალში არ უნდა მოხვდეს - ლპობას დაიწყებს. წყალი გამოცვალეთ რეგულარულად. არ დადგათ ლარკანი გამათბობლის ახლოს ან ისეთ ადგილას, სადაც მზის პირდაპირი სხივები მოხვდება. არც ხილთან ახლოს მოათავსოთ - ხილი გამოყოფს ეთილენის აირს, რომელიც ძლიერ ამცირებს ყვავილების სიცოცხლისუნა-რიანობას. ძვირფასო მამაკაცებო, მიუძღვენით თაიგულები მეუღლეებს, დედებს, დებს, შეყვარებულებს. ნუ დაიზარებთ, გამოხატოთ თქვენი გრძნობები, ნუ შეგრცხვებათ მგზნებარე სიყვარულის გამომჟღავნე-ბის და თქვენც იმავეთი გიპასუხებენ.

 

 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
"ოჯახის მკურნალი" ახალ ინოვაციურ პროდუქტს სთავაზობს მომხმარებელს. ვებგვერდზე www.mkurnali.ge კითხვა-პასუხის უფასო სერვისი წლებია არსებობს. მასზე სტაბილურად მზარდი მოთხოვნიდან გამომდინარე მომსახურების დახვეწა და განვითარება გადაწყდა.
შაქრის გადაჭარებეული მოხმარება თანამედროვე კვების რეჟიმის ერთ-ერთი ძირითადი პრობლემაა. ტკბილი საკვების სიყვარული აჩქარებს დაბერების პროცესს,
ალბათ, ბევრს აინტერესებს - რა ხდება ორგანიზმში შიმშილობისას, მაშინ, როდესაც ორგანიზმში არ ხვდება არავითარი საკვები, არც ცილები, არც ცხიმები, არც ნახშირწყლები. მეტიც, ე.წ. მშრალი შიმშილობისას ორგანიზმი წყლის მიღებასაც კი მოკლებულია. ეს ნიშნავს იმას, რომ ორგანიზმმა გარკვეული პერიოდის განმავლობაში (რადგან, საბედნიეროდ, სამკურნალო შიმშილობა გარკვეული ვადით გრძელდება) შინაგანი მოთხოვნილებები საკუთარი სარეზერვო ენერგეტიკული წყაროებიდან უნდა დაიკმაყოფილოს, რადგან მათ სხვა წყაროებით ვერ მიიღებს.

08 აგვისტო 2016
· ოჯახის ყველა წევრს უნდა ჰქონდეს საკუთარი პირსახოცი და საწოლი;
26 სექტემბერი 2016
ელექტრონულ ფოსტაზე დამოკიდებულება ზრდის სტრესის დონეს, რამაც შეიძლება სხვადასხვა დაავადება გამოიწვიოს.
ქალის ტირილი არავის უკვირს, კაცის თვალზე კი ცრემლს იშვიათად შენიშნავთ. მშრალი, მაგრამ სასტიკი სტატისტიკით, მამაკაცები დიდხანს ვერ ცოცხლობენ. მიზეზი შესაძლოა ისიც იყოს, რომ მათ ტირილის მორალური უფლება არ აქვთ, დარდსა და სევდას გარეგანი გამოვლინების საშუალება არ ეძლევა.

თუმცა მამაკაცებიც ტირიან, მაგრამ გაცილებით იშვიათად და ახლობელთაგან ფარულადაც კი.

ნათხემშიდა სისხლჩაქცევები

ნათხემში სისხლჩაქცევების მიზეზი ვადაზე დაბადებულ ბავშვებში მასიური სუპრატენტორიალური პარკუჭშიდა ჩაქცევაა, დღენაკლულ ბავშვებში კი - გერმინული მატრიქსის ჰემორაგია (სისხლჩაქცევა). ყოველივეს კი იწვევს სამშობიარო ტრავმისა და ასფიქსიის თანხვედრა.

ნათხემში სისხლჩაქცევების კლინიკა სწრაფად პროგრესირებს. ქალას უკანა ფოსოს სუბდურალური სისხლჩაქცევის მსგავსად ამ დროსაც სწრაფად ძლიერდება სუნთქვითი დარღვევები, ქვეითდება ჰემატოკრიტი და ჩქარდება ლეტალური გამოსავალი (ბავშვი იღუპება).

ეს ნივთიერებები საკვებს არც აგემრიელებს და არც სასარგებლოა, სამაგიეროდ, საგრძნობლად აიაფებს მის წარმოებას.