რუბრიკები
ოჯახის მკურნალი
შეშუპება

 შეშუპება ორგანიზმის ქსოვილებსა და ღრუებში სითხის ჭარბი დაგროვებაა. სითხე უმეტესად კანში, კანქვეშა ცხიმოვან ქსოვილში, მუცლის, პლევრისა და პერიკარდიუმის (გულის პერანგის) ღრუებში, წვივებისა და ტერფის ზურგის მიდამოში გროვდება. ორგანიზმის კაპილარული ქსელიდან სისხლის თხიერი ნაწილი განუწყვეტლივ გაიჟონება ქსოვილებისკენ და უკუშეიწოვება. თუ ამ ორი პროცესის წონასწორობა დაირღვა, - კაპილარული ქსელიდან ქსოვილებისკენ დიდი ოდენობის სითხემ გადაინაცვლა, უკუშეწოვა დაქვეითდა ან შეწყდა, - შეშუპება განვითარდება.

ერთი შეხედვით მარტივ მექანიზმს მრავალი ფაქტორი უდევს საფუძვლად. კერძოდ, შეშუპებას იწვევს ორგანიზმში ნატრიუმის შეკავება, რომლის გამოც ძლიერდება თირკმლის მიერ წყლის უკუშეწოვა, ყოველივე ეს კი თირკმლის მიერ ჰორმონ ალდოსტერონის გაძლიერებულ სინთეზს ან ღვიძლში მისი ინაქტივაციის დაქვეითებას უკავშირდება.
ალდოსტერონის სინთეზი შესაძლოა ჰიპოვოლემიის (ორგანიზმში მოცირკულირე სითხის ოდენობის შემცირების), გულის ან თირკმლის დაავადების, თირკმლის სისხლმიმოქცევის დაქვეითების შედეგი იყოს.
შეშუპების გამომწვევი მნიშვნელოვანი ფაქტორებია სისხლში ცილა ალბუმინის შემცველობის დაქვეითება განსაზღვრულ დონეზე (კერძოდ, 55გ/ლ-ზე) მეტად, რაშიც შესაძლოა ბრალი მიუძღოდეს ღვიძლის ან თირკმლის რომელიმე დაავადებას, ცილების მნიშვნელოვანი კარგვით (ხანგრძლივი ფაღარათით) მიმდინარე ნაწლავთა სნეულებას, კახექსიას საკვები ნივთიერებების დეფიციტით გამოწვეულ ძლიერ სიგამხდრეს, რომელიც არცთუ იშვიათად სიმსივნით არის განპირობებული. შეშუპებას საფუძვლად ასევე შეიძლება დაედოს კაპილართა კედლების დაზიანება, მათი განვლადობის ზრდა, სისხლის მიმოქცევის სისტემაში წნევის მატება და ვენური ან ლიმფური ნაკადის ბლოკირება ზეწოლის გამო.
შეშუპება ადგილობრივიც შეიძლება იყოს და ზოგადიც. სახის შეშუპება ზოგჯერ ადგილობრივი ფაქტორებით არის გამოწვეული, ზოგჯერ კი ზოგადი დაავადებების გამოვლინებას წარმოადგენს.

 ალერგიული შეშუპება
სახის არეში ლოკალიზებული შეშუპება შესაძლოა ალერგიული ხასიათისა იყოს. ასეთია, მაგალითად, ანგიონევროზული ანუ კვინკეს შეშუპება, მწერის ნაკბენით გამოწვეულიDშეშუპება, შეშუპება ტრიქინელოზის დროს.
ალერგიული შეშუპება სწრაფად ვითარდება. ის ალერგიის გამომწვევი ფაქტორის - ალერგენის ზემოქმედებას მოსდევს. ხშირად თან ახლავს ქავილი.
კვინკეს შეშუპება დაუყოვნებელი ალერგიული რეაქციაა მედიკამენტური, კვებითი თუ სხვა ტიპის ალერგენების ზემოქმედებაზე. ის ერთბაშად და სწრაფად ვითარდება. სახის ცალკეული ნაწილები (ტუჩები, ქუთუთოები) ან ყურები ასიმეტრიულად არის შეშუპებული. შეშუპებამ შეიძლება მოიცვას კისერი, ხორხი, ენა, ზოგჯერ - ზედა კიდურები. შეშუპებული ქსოვილი მკვრივი და ელასტიკურია. კანის ფერი შესაძლოა არ შეიცვალოს.
კვინკეს შეშუპება რამდენიმე საათიდან რამდენიმე დღემდე, ზოგჯერ რამდენიმე კვირამდე გრძელდება.
სახის შეშუპება ვითარდება პარაზიტული დაავადების - ტრიქინელოზის დროსაც. შეშუპებასთან ერთად ყურადღებას იპყრობს კუნთების ტკივილი, ცხელება, კუჭ-ნაწლავის ტრაქტის მხრივი ჩივილები.
როდესაც მწერის ნაკბენი სახეზე მდებარეობს, აღმოცენდება შეშუპება, რომელიც კვინკეს შეშუპებას მოგვაგონებს, თუმცა ამ შემთხვევაში აშკარაა კავშირი შეშუპებასა და კბენას შორის.

თირკმლის დაავადებები
სახის შეშუპების ზოგად მიზეზთაგან, უპირველეს ყოვლისა, თირკმლის დაავადებები უნდა დავასახელოთ. ამ დროს შეშუპება უპირატესად სახეზე, ზემოთა ქუთუთოების არეში აღინიშნება, დილაობით მკვეთრია, საღამო ხანს კი ცხრება, თუმცა ამ დროისთვის თავს იჩენს წვივების არეში ლოკალიზებული შეშუპება. შეშუპებასთან ერთად ყურადღებას იპყრობს თირკმლის დაავადებისთვის დამახასიათებელი სხვა მნიშვნელოვანი სიმპტომები: არტერიული წნევის მომატება, შარდში ცილის, ერითროციტების არსებობა. უკანასკნელი სიმპტომი ზოგჯერ იმდენად ძლიერია, რომ შარდის ფერის ცვლილება - ხორცის ნარეცხისმაგვარი შეფერილობა - შეუიარაღებელი თვალითაც იოლი შესამჩნევია.



თარიღი : 02-02-2017
ია
თვალის ზევითა ქუთუთოები დაუმძიმდა და დაუსივდა თვალს ვერ ახალს,მითხრეს მეძუძური დედის რძე ბამბაზე დაასხი და თვალზე დაადეო, მაგრამ არ უშველა. კიდევ ერთი მირჩიეს უზნაძის მალამო წაისვასო არ ვიცი რა ვუშველო.
თარიღი : 30-06-2016
ანი
მზეზე იდი ხნით ყოფნის შედეგად მიივიგე მცირე დამწვრობა, და ასევე შეშუპებული მაქვს შუბლი , მისით გაიწოვს თუ რაიმე ალერგიული წამლები მივიღო ?
თარიღი : 14-04-2016
პასუხი მკურნალს
თქვენს დას ესაჭიროება პათოლოგი რომელიც იკვლევს მაგდაგვარ რამეებს. დინარა კასრაძე მოიძიეთ თუ ვერ შეძლებთ შემატყობინეთ და დაგეხმარწბით მის მოძებნაში
თარიღი : 06-04-2016
Mkurnali.ge
ჩემს დას წლების განმავლობაში გასივებული ქონდა მარჯვენა ხელი,ჩემი მშობლების ბევრი მცდელლობის მიუხედავასდ ხელი ვერაფრით შეუნარვუნეს და საბოლოოდ მოკვეთეს,რამოდენიმე თვის შემმდეგ კი გაუსოვდა მარცხენა ხელი ამჯერადაც გასივებული აქვს გთხოვთ გვირჩიეთ რამე,იქნებ კარგი სპეციალისტს ივნობდეთ ვონმეს როგორ მოვიქცეთ?ჩემი დაიკო 19 წლისაადა არის საშიშროება მარცხენა ხელის დაკარგვის,იქნებ გაგვიწიოთ კონსულტაცია
თარიღი : 18-05-2014
sofia
მასაჟორით საკმაოდ დიდი ხნით გავიკეთე მასაჟი სახეზე და შემიშუპდა, ძალიან შემისივდა და რავქნა ? როგორ მოვიქცე ? გვირილის საფენებს ვიკეთებ მაგრამ შედეგი არ მაქვს
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ალკოჰოლის ხშირი მოხმარება ჯანმრთლობისთვის მავნებელია, თუმცა დღესასწაულებზე სასმელზე უარის თქმა ზოგჯერ შეუძლებელია. დღესასწაულებისთვის მომზადებაა საჭირო. რამდენიმე დღით ადრე, იოდშემცველი პროდუქტების მიღებაა რეკომენდებული (ზღვის კომბოსტო, ზღვის თევზი, ზღვის პროდუქტები, ფეიხოა).
ექიმი გრეგორი ჰაუსი ყველაზე პოპულარული ექიმია მსოფლიოში მიუხედავად იმისა, რომ ის სატელევიზიო სერიალის გმირია. ყველაზე პოპულარულ გამოგონილ პერსონაჟებს შორის ის ერთ-ერთ მოწინავე პოზიციას იკავებს.
ექსპერიმენტი ჩატარდა მღრღნელებზე. მეცნიერები საცდელ ცხოველებს წონის დასაკლებად ფიზიკურ ვარჯიშს აიძულებდნენ. აღმოჩნდა, რომ მამრები, მდედრებთან შედარებით, ფიზიკური ვარჯიშის დახმარებით, უფრო ადვილად იკლებდნენ წონაში. აღსანიშნავია, რომ დატვირთვის დონე და კვება იდენტური იყო.
09 თებერვალი 2017
ბევრი ფიქრობს, რომ ადამიანები, რომლებიც ხშირად იღებენ სელფს, ნარცისიზმით არიან შეპყრობილები. თუმცა, ტეხასის უნივერსიტეტის მეცნიერების მიერ ჩატარებულმა კვლევებმა აჩვენა, რომ ეს ყოველთვის ასე არ არის. ამ ადამიანებს სხვა მოტივიც შეიძლება ამოძრავებდეთ.
28 დეკემბერი 2016
სტენფორდის უნივერსიტეტის გენეტიკოსები აცხადებენ, რომ უახლოეს პერიოდში ბავშვის ჩასახვისათვის კაცობრიობას სექსი აღარ დასჭირდება. მეტიც, პოტენციურ მშობლებს ბავშვების შერჩევა არა მხოლოდ სქესის, არამედ სხვა ნიშნების მიხედვითაც შეეძლებათ.
ადამიანის ტვინი მიდრეკილია სწრაფი დასკვნების გაკეთებისკენ, მაშინაც კი, თუ ეს უსაფუძვლო ნეგატიურ შეფასებას ნიშნავს. სპეციალისტებმა გაარკვიეს, რომ როდესაც ადამიანს აძლევენ ადამიანების მითიურ ჯგუფზე ნეგატიურ ინფორმაციას
საშინაო საქმეები სპორტდარბაზში ვარჯიშის შემცვლელია. სპეციალისტებმა დათვალეს რამდენი კალორიის დაწვაა შესაძლებელი ჩვეული საშინაო საქმიანობის დროს. ასე მაგალითად, საწოლის გასწორებისას ადამიანი წვავს 70 კალორიას, რაც ერთი ორცხობილას ეკვივალენტია.
ეჭვიანობა აქვეითებს ყურადღებას, ხელს უშლის მნიშვნელოვან საკითხებზე ყურადღების კონცენტრირებას. გარდა ამისა, ეჭვიანობის გრძნობა იწვევს სტრესის, შფოთისა და დეპრესიის სიმპტომების გამოვლენას