რუბრიკები
ოჯახის მკურნალი
კითხვა-პასუხი
დაფნა

სასიამოვნო სურნელის მქონე, ეთერზეთოვანი დეკორატიული მცენარე, რომელსაც ძვირფასი საგემოვნო თვისებებიც აქვს, ხმელთაშუა ზღვის სანაპიროდან და მცირე აზიიდან გავრცელდა. დაფნა ჩვენს ცნობიერებაში უწინარესად წარმატებასთან ასოცირდება. ის ხომ, ძველი ბერძნული მითოლოგიის თანახმად, ხელოვნების მფარველი ღმერთის აპოლონის აუცილებელი ატრიბუტია, დაფნის ტოტი კი უკვდავების, ტრიუმფის, ბრძოლაში, ათლეტურ თუ პოეტურ პაექრობაში გამარჯვების სიმბოლოა. მატიანე მოგვითხრობს, რომ იულიუს კეისარი ოფიციალურ შეხვედრებზე დაფნის გვირგვინს ატარებდა, რადგან მას მუდმივი ძალაუფლების სიმბოლოდ მიიჩნევდა. ბრიტანეთში ლითონის მონეტებზე მონარქთა გამოსახულებებს დაფნის გვირგვინი ამშვენებს. სიმბოლური მნიშვნელობა ამ მცენარეს დღესაც არ დაუკარგავს, რაც "ფიატისა" და "მერსედეს-ბენცის" ემბლემებზეც აისახა.

თქვენ წარმოიდგინეთ, ეს საოცარი მცენარე ოჯახის წევრადაც შეიძლება ვაქციოთ. ოთახის დაფნა პატარა მარადმწვანე ხე ან ბუჩქია, რომელსაც ლამაზი გვირგვინი ამკობს. მისი მკვრივი, ტყავისებრი, მუქი მწვანე ფერის მოგრძო ფოთლები სასიამოვნო სუნს გამოსცემენ. დაფნას წვრილი თეთრი ყვავილები აქვს, თუმცა ოთახის პირობებში იშვიათად ყვავილობს.

 

სად დავაბინაოთ დაფნა?

მცენარეს ნათელი ადგილი უყვარს. მისთვის სასურველია მზის პირდაპირი სხივების გარკვეული დოზა. პერიოდულად ქოთანი უნდა შევაბრუნ-შემოვაბრუნოთ, რათა ბუჩქის რომელიმე მხარეს მზის სხივები არ მოაკლდეს.

დაფნას" target="_blank" href="/index.php?option=com_encyclopedia&task=search&term=%E1%83%93%E1%83%90%E1%83%A4%E1%83%9C%E1%83%90%E1%83%A1&Itemid=351" >დაფნას ორპირი ქარის არ ეშინია და ზაფხულში შესანიშნავად გრძნობს თავს ღია აივანზე. რაც შეეხება ზამთარს, პრობლემები არც წლის ამ დროს გვემუქრება - 0-60C ტემპერატურა მისთვის ოპტიმალურია. თუ დაფნა ოთახში, ფანჯრისგან მოშორებით გვინდა გამოვაზამთროთ, სასურველია, ოთახის ტემპერატურა 8-120C-ს არ აღემატებოდეს. თუ შინ ამაზე მეტად თბილა, მცენარე ხშირად უნდა დავნამოთ.

 

მოვლის თავისებურებები

ზაფხულში საჭიროა ხშირი დანამვა და ყოველ საღამოს მორწყვა, ცხელ დღეებში - ორჯერაც კი. უკეთესად რომ გაიზარდოს, რეკომენდებულია თხევადი სასუქი, ოღონდ ძლიერ განზავებული. ზრდასრულ მცენარეს გადარგვაც სჭირდება, თუმცა მხოლოდ 3-4 წელიწადში ერთხელ. დაფნის ბუჩქი შუა აგვისტოში უნდა გაიკრიჭოს, ვინაიდან ამ დროისთვის ის ზრდას წყვეტს. დარჩენილი ტოტები გაზაფხულზე საკმაოდ სწრაფად იზრდებიან.
      
 

ყურადღების სანაცვლოდ

ჩვენი ყურადღების სანაცვლოდ ოთახში ლამაზი და სურნელოვანი ბუჩქი დაიდებს ბინას, რომელსაც კულინარიასთან ერთად მედიცინაშიც გამოვიყენებთ – დაფნის ზეთი ტკივილგამაყუჩებელი მალამოების კომპონენტია, ფიტოთერაპევტები კი მიიჩნევენ, რომ იგი დადებითად მოქმედებს ამენორეის, კოლიტის, მეტეორიზმის, ისტერიის, შეშუპების დროს. ამ მიზნით მცენარის ყველა ნაწილის გამოყენება შეიძლება.

 

 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მარადიული ახალგაზრდობის საიდუმლო არა მარტო გენებშია. იმ ქალების მესამედი, რომლებიც ასაკთან შედარებით 10 წლით ახალგაზრდულად გამოიყურებიან, უბრალოდ ცხოვრების სწორ წესს მისდევს. კვლევამ აჩვენა, რომ იმ ქალების 2/3, რომლებიც ხანდაზმულ ასაკში კარგად გამოიყურებიან,
ძილი საიმედოდ დაგვიცავს გრიპისა და გაციებისგან. კარგი ძილი იმუნურ სისტემას აძლიერებს და ორგანიზმი ინფექციას ეფექტურად უმკლავდება.
კომპანიის წამყვანი თანამშრომელი სამსახურში არ გამოცხადდა, თანაც არავისთვის დაურეკავს, რომ გაეფრთხილებინა კომპანიის ხელმძღვანელი.
22 ნოემბერი 2016
ცნობილია, რომ სტრესმა შეიძლება წონის მატება გამოიწვიოს. მიზეზი მხოლოდ ამ მდგომარეობისთვის დამახასიათებელ გაძლიერებულ მადაში არ არის. იცვლება თავად სხეულის მუშაობის მექანიზმი.
11 ნოემბერი 2016
საშინაო საქმეები სპორტდარბაზში ვარჯიშის შემცვლელია. სპეციალისტებმა დათვალეს რამდენი კალორიის დაწვაა შესაძლებელი ჩვეული საშინაო საქმიანობის დროს. ასე მაგალითად, საწოლის გასწორებისას ადამიანი წვავს 70 კალორიას, რაც ერთი ორცხობილას ეკვივალენტია.
ადამიანთა უმრავლესობას, გამოსასვლელ დღეებში სადილობამდე უყვარს ლოგინში კოტრიალი, რის შემდეგაც თავს დამძიმებულად და მოდუნებულად გრძნობს.
სტაფორდშირის უნივერსიტეტის მეცნიერების მიერ ჩატარებულ ექსპერიმენტში 3 წლამდე ასაკის 60 ბავშვი მონაწილეობდა.
1. შვრია - რეგულარული მიღებისას, ასუფთავებს ნაწლავებსა და ღვიძლს.