რუბრიკები
ოჯახის მკურნალი
კითხვა-პასუხი
ადგილობრივი კორტიკოსტეროიდები

ადგილობრივ კორტიკოსტეროიდებს დიდი როლი აკისრიათ კანის სხვადასხვა დაავადების მკურნალო-ბაში. მათი ეფექტი განპირობებულია ანთების საწინააღმდეგო და იმუნოსუპრესორული მოქმედებით. გარდა ამისა, ადგილობრივი კორტიკოსტეროიდები თრგუნავენ ფიბრობლასტების მიერ კოლაგენების სინთეზს, რაც მეტად მნიშვნელოვანია რიგი ქრონიკული დერმატოზის მკურნალობისას. აუცილებლად უნდა აღინიშნოს კორტიკოსტეროიდების ქავილის საწინააღმდეგო მოქმედებაც, რომელიც ასევე მთავარ როლს ასრულებს მქავანა დერმატოზების მკურნალობაში.


ადგილობრივი გამოყენების კორტიკოსტეროიდები
დაბალი აქტიურობის კორტიკოსტეროიდები (I ჯგუფი)

  • ჰიდროკორტიზონის კრემი;
  • ჰიდროკორტიზონის მალამო;
  • პრედნიზოლონი;

ზომიერი აქტიურობის კორტიკოსტეროიდები (II ჯგუფი)

  • ლოკოიდი;
  • ლატიკორტი;
  • ფტიროკორტი;
  • პოლკორტოლონი;

აქტიური კორტიკოსტეროიდები (III ჯგუფი)

  • მეზოდერმი;
  • ცელესტოდერმი-V;
  • ფლუცინარი სინოფლანი;
  • სინოფლან-ფიტოფარმი;
  • ფლუცინარ-N;
  • ფლუციდერმი;
  • ადვანტანი;
  • ელოკომი;

მაღალი აქტიურობის კორტიკოსტეროიდები (IV ჯგუფი)

  • კლოვეიტი დელორი;
  • დერმოვეიტი;
  • აბისტანი.

ადგილობრივი ეფექტის განსახორციელებლად კორტიკოსტეროიდებმა ეპიდერმასა და დერმაში უნდა შეაღწიონ. შეღწევის დრო დამოკიდებულია გამოყენებული წამლის ფორმაზე (მალამო, კრემი, ლოსიონი) და თავად კორტიკოსტეროიდის მოლეკულების ლიპოფილურობაზე. რაც უფრო ლიპოფილურია ნივთიერება, მით უფრო მეტი კონცენტრაციით შეაღწევს კანის უჯრედებში და მით უფრო ნაკლებად გადავა იქიდან სისხლში. მალამოს ფორმის კორტიკოსტეროიდებს აქვთ უფრო მაღალი თერაპევტული პოტენციალი და საგრძნობლად ზრდიან კანის შეღწევადობას. მალამოებს იყენებენ მშრალი, დანაოჭებული და ლიქენიზებული კანის სამკურნალოდ.

კრემი, მალამოსგან განსხვავებით, ადგილობრივი გამოყენებისას ავლენს გამაშრობელ ეფექტს, ამიტომ უფრო მეტად გამოდგება კანის ისეთი მწვავე და ქვემწვავე დაზიანების დროს, რომელსაც თან ახლავს სისველე. ამ დროს ეფექტს აძლიერებს სისხლძარღვების შემავიწროებელი ადგილობრივი მოქმედება. ასეთი ფორმის კორტიკოსტეროიდები უფრო მეტად მისაღებია კანის ნამიან უბნებში (ტუჩები, იღლიები), დიდ ნაოჭებში (სარძევე ჯირკვლების ქვეშ, ჩამოკიდებული მუცლის ქვეშ), ასევე - სახსრის (იდაყვის, მუხლის) სახრელებში წასასმელად. თავის თმიანი ნაწილის სამკურნალოდ ხშირად გამოიყენება გელის ფორმის ადგილობრივი კორტიკოსტეროიდები.


ადგილობრივი კორტიკოსტეროიდების გვერდითი ეფექტები
I ჯგუფი

  • კანისა და კანქვეშა უჯრედების ატროფია;
  • კანზე სტრიები, ატროფიული ხაზები;
  • სტეროიდული პურპურა და სისხლდენა;
  • ტელეანგიექტაზია;
  • ჰიპო ან ჰიპერპიგმენტაცია;
  • პერიორალური, პერიოკულარული დერმატიტი;
  • ფოლიკულიტი;
  • გამონაყარი;
  • ალოპეცია;
  • მეორეული ინფექცია და ბაქტერიული ინფექციის გართულება;
  • სოკოვანი ინფექციის გენერალიზაცია;
  • კანის შეხორცების შეფერხება;
  • კატარაქტა და გლაუკომა;

II ჯგუფი

  • კონტაქტური დერმატიტი;

III ჯგუფი
კანის დიდ ფართობზე ხანგრძლივი გამოყენების დროს იმატებს შემდეგი გვერდითი ეფექტების რისკი:

  • შეშუპება;
  • არტერიული ჰიპერტენზია;
  • ჰიპერგლიკემია;
  • ორგანიზმის რეზისტენტობის დაქვეითება.

გვერდითი ეფექტების გამოვლენის შემთხვევაში

ადგილობრივი კორტიკოსტეროიდების გამოყენება უნდა შეწყდეს.

რა უნდა გვახსოვდეს:
1. ადგილობრივი კორტიკოსტეროიდებით მკურნალობა უნდა შეწყდეს კანის დაავადების სიმპტომების გაქრობისთანავე. დაუშვებელია ამ ჯგუფის პრეპარატების გამოყენება პროფილაქტიკის მიზნით.
2. ეს სამკურნალო საშუალებები არ გამოიყენება ფერიმჭამელების, მათი გართულებული ფორმებისა და კანის ინფექციური ნიშნების მქონე დაზიანების სამკურნალოდ.
3. განსაკუთრებით უნდა ვერიდოთ ადგილობრივი კორტიკოსტეროიდების ხანგრძლივ გამოყენებას სახესა და კანის მგრძნობიარე უბნებზე.

 

 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სერიალი ”გაბოროტებული” წლების წინ გამოჩნდა სატელევიზიო სივრცეში, მაგრამ ის დღესაც არ კარგავს აქტუალობას. სატელევიზიო შოუს შესახებ საუბრები და მითქმა-მოთქმა დღემდე არ ჩერდება. მრავალი კითხვა ჩნდება სერიალის გარშემო. ჩვენ გთავაზობთ www.imdb.com-ის მიხედვით, ყველაზე ხშირად დასმულ კითხვებსა და მათზე პასუხებს სერიალ ”გაბოროტებულის” შესახებ.
#ქველმოქმედებამარტივია - ჟურნალ ,,ოჯახის მკურნალის"" და ,,პალიტრა მედიის"" ერთობლივი პროექტია, რომელიც მძიმე სნეულებების მქონე ბავშვებს რამდენიმე ათასი ლარით დაეხმარა.
აშშ-ის ჯანდაცვის ნაციონალური ინსტიტუტების მეცნიერების კვლევის მიხედვით დადგინდა, რა ხდება ტვინში ცხოვრების არასწორი წესის შემთხვევაში. კერძოდ, სიმსუქნის დროს იცვლება ტვინის დოფამინის, მოტივაციაზე პასუხისმგებელი რეცეპტორები.
05 აპრილი 2016
კოცნა ბევრს უყვარს და ხშირად ჩუქნის კიდეც მას საყვარელ ადამიანებს, ზოგიერთები კი უზოგავენ ამბორს სხვებსაც და საკუთარ თავსაც, რადგან არ უყვართ “ხვევნა-კოცნა, მტლაშა-მტლუში”. ამ კატეგორიას შევახსენებ, რომ კოცნა საოცარი ფენომენია, რაც მთავარია, მეტად სასარგებლო ორგანიზმისათვის.

19 მაისი 2017
ჭარბი წონის მქონე ადამიანების უმრავლესობა ახლობლებისგან მუდმივად განიცდის ზეწოლას და მათი დიდი ნაწილი, რომლებიც გახდომას ვერ ახერხებს, მიუთითებს გარშემომყოფების უარყოფით როლზე. თუ ნამდვილად გსურთ დახმარება, შეეცადეთ დაარწმუნოთ ადამიანი, რომ მიმართოს ექიმს, რადგანაც სიმსუქნე სერიოზული დაავადებაა.
როგორც ამერიკელი მკვლევარები აცხადებენ, ქათმის კვერცხის რეგულარულად მიღება ქალებთან ძუძუს კიბოს განვითარების რისკს თითქმის ორჯერ ამცირებს. ამ განცხადებას საინტერესო კვლევის შედეგები უდევს საფუძვლად. სპეციალისტები ადრეც საუბრობდნენ იმაზე, რომ კვირაში რამდენიმე კვერცხის ჭამა ქალებს ძუძუს კიბოს განვითარებისაგან იცავს (შემთხვევათა 18%-ში). 
სასქესო ასოს ზომისა და ფორმის შეცვლის რამდენიმე მეთოდი არსებობს:

1. სასქესო ასოს თავის გადიდება ჰიალურონის მჟავას გელით.

სასქესო ასოს თავის გადიდება კეთდება მოცულობის, ფორმის კორექციისა და სასქესო ასოს თავის მგრძნობელობის დაქვეითების მიზნით. ჰიალურონის მჟავას გელის საშუალებით სასქესო ასოს თავის გადიდებისა და ნაადრევი ეაკულაციის მკურნალობის მსოფლიო გამოცდილება 12 წელს მოიცავს. ეს მეთოდიკა უსაფრთხო და ეფექტურია სქესობრივი ცხოვრების ხარისხის გასაუმჯობესებლად არა მარტო მამაკაცებისთვის, არამედ მათი პარტნიორებისთვისაც, იმდენად რამდენადაც სასექსო ასოს თავის მოცულობის გაზრდა მნიშვნელოვნად ახანგრძლივებს სქესობრივ აქტს.

როგორც კვლევამ აჩვენა, ცხიმებითა და ნახშირწყლებით მდიდარი საკვები დამოკიდებულებას იწვევს. ამიტომ ყველაზე ხშირად დამოკიდებულება შოკოლადზე, პიცაზე, ნაყინსა და ჰამბურგერებზე ვითარდება. მეცნიერების აზრით, ენდორფინულ დონეზე ნარკოტიკული დამოკიდებულება აღმოცენდება ცხიმიანისა და ტკბილის ერთობლიობისას.