რუბრიკები
ოჯახის მკურნალი
კითხვა-პასუხი
ასტიგმატიზმი და კატარაქტა
ასტიგმატიზმი და კატარაქტა

ასტიგმატიზმი რეფრაქციის (თვალის შუქმტეხი უნარის) ანომალიაა: სინათლის სხივები ბადურაზე ერთ წერტილში ვერ იყრის თავს, ამიტომ ადამიანი გარკვევით ვერ ხედავს საგანს. ასტიგმატიზმი შეიძლება იყოს თანდაყოლილიც, რომელიც ზოგჯერ მემკვიდრეობით გადაეცემა და შეძენილიც, რომელიც ვითარდება თვალის ოპერაციის, ტრავმის ან ანთების შედეგად.
ასტიგმატიზმის ძირითადი მიზეზი რქოვანას სფერულობის დარღვევაა. ის ასევე შეიძლება გამოიწვიოს ბროლის ზედაპირის სფერულობის დარღვევამ ან მისმა ირიბმა მდებარეობამ თვალის ოპტიკური ღერძის მიმართ.
ზოგჯერ რქოვანასა და ბროლის ასტიგმატიზმი ჯამდება და ამ შემთხვევაში თვალის საერთო ასტიგმატიზმის ხარისხი იმატებს,

მაგრამ არის ისეთი შემთხვევებიც, როდესაც ისინი ერთმანეთს აბათილებენ და რეფრაქცია ნორმალური (სფერული) რჩება. ასტიგმატური თვალის მხედველობა ისეთი მახვილი და მკაფიო არ არის, როგორიც ნორმალური თვალისა. რაც უფრო მაღალია ასტიგმატიზმის ხარისხი, მით უფრო ნაკლებია მხედველობის სიმახვილე. ახალგაზრდა და საშუალო ასაკში დაბალი ხარისხის ასტიგმატიზმის დროს მხედველობის სიმახვილე შესაძლოა სავსებით დამაკმაყოფილებელი იყოს, საშუალო და მაღალი ხარისხის ასტიგმატიზმის დროს კი ხშირად გამოხატულია მხედველობის სისუსტე, თვალის სწრაფი დაღლა, თვალის ტკივილი და ქრონიკული ბლეფაროკონიუნქტივიტი (ქუთუთოებისა და თვალის შემაერთებელი ქსოვილის ანთება).

ასტიგმატიზმის მკურნალობა გულისხმობს სათვალეების სწორად შერჩევას და თუ ეს დაავადების ადრეულ სტადიაზე მოხდა, მაშინ პრობლემა მთლიანად მოიხსნება. ასტიგმატიზმის დროს ინიშნება სათვალეები, რომლებსაც აქვს სპეციალური ცილინდრული ლინზები დადებითი ან უარყოფითი ეფექტით - ეს ასტიგმატიზმის კონკრეტულ ფორმაზეა დამოკიდებული. სათვალე 100%-ით ვერ კურნავს ასტიგმატიზმს, ის მხოლოდ კორექციით  შემოიფარგლება. უნდა ითქვას, რომ სათვალის ტარებას თან სდევს მუდმივი დისკომფორტი. ვისაც ამ დისკომფორტის გადალახვა უჭირს, მას კონტაქტურ ლინზებს სთავაზობენ, თუმცა განსაკუთრებული ეფექტურობით მკურნალობის არც ეს მეთოდი გამოირჩევა. უბრალოდ, ლინზები სათვალის გაუმჯობესებული ვერსიაა. ამასთანავე, იწვევს გვერდით მოვლენებს - თვალის შეწითლებას, მუდმივ ცრემლდენას ან, პირიქით, თვალის გამოშრობას, ალერგიას, ქავილს. დიდია თვალში ინფექციის შეჭრის საშიშროებაც.

აუცილებლად უნდა შევეხოთ ასტიგმატიზმის დროს ლაზერული თერაპიის მნიშვნელობას. იგი წარმოადგენს ლაზერული სხივებით მკურნალობის მეტად ეფექტურ მეთოდს, რომელიც ასტიგმატიზმით დაავადებულ ზრდასრულ ადამიანს სრული განკურნების საშუალებას აძლევს, თუმცა, ნებისმიერი ოპერაციის მსგავსად, უკუჩვენებები მასაც აქვს. კატარაქტა ბროლის შემღვრევაა. მის არსებობას გვაეჭვებინებს შემდეგი ნიშნები:

  • მხედველობის მოულოდნელი დაქვეითება - თვალწინ თითქოს ნისლი აგეფარაო;
  • მხედველობის დაქვეითება არ უკავშირდება თვალის დატვირთვის მატებას;
  • მსხვილი შრიფტით დაწერილი წიგნის კითხვა ჭირს, ხოლო სათვალე მხედველობას არ აუმჯობესებს;
  • ჭირს შორს მდებარე საგნების გარჩევა;
  • ნელ-ნელა ირგვლივ მდებარე საგნები კარგავენ მოხაზულობას და ორდებიან;
  • თვალები სინათლისადმი მეტისმეტად მგრძნობიარე ხდება;
  • გუგები, რომლებიც, ჩვეულებრივ, შავია, შესაძლოა გაბაცდეს.

მინდა, ხაზგასმით გითხრათ, რომ ოპერაცია კატარაქტისგან განკურნების ერთადერთი გზაა. დაავადების საწყის ეტაპზე, მუდმივი და უწყვეტი მედიკამენტური მკურნალობის დროული დაწყების შემთხვევაში, შესაძლებელია პროცესის შეფერხება, მაგრამ არა უკუქცევა. კატარაქტის საწინააღმდეგო მედიკამენტები ძირითადად ბროლში მიმდინარე ნივთიერებათა ცვლის პროცესზე ახდენს გავლენას. წვეთებთან ერთად რეკომენდებულია თვალისთვის განკუთვნილი ვიტამინებისა და მოცვის შემცველი მედიკამენტების მიღება. არსებობს კატარაქტის ოპერაციული მკურნალობის რამდენიმე მეთოდი: ინტრაკაფსულური ექსტრაქცია, ექსტრაკაფსულური ექსტრაქცია, ულტრაბგერითი ფაკოემულსიფიკაცია, ლაზერული ფაკოემულსიფიკაცია. ოპერაციის დროს ხდება ხელოვნური ბროლის ჩანერგვა. ორი უკანასკნელი მეთოდი არის ე. წ. უნაკერო ოპერაცია - ბროლს სპეციალური

ულტრაბგერითი ან ლაზერული აპარატის გამოყენებით ანაწევრებენ, იღებენ და მის ადგილას ხელოვნურ კუმშვად ბროლს ნერგავენ. ყოველ ცალკეულ შემთხვევაში ექიმი პაციენტის მდგომარეობის გათვალისწინებით არჩევს ოპერაციის მეთოდს. თუ საჭიროა ორივე თვალის ოპერაცია, ქირურგიული ჩარევა ჯერ უფრო ნაკლებად მხედველ თვალზე ტარდება. ორივე თვალზე ერთდროულად ოპერაცია არ კეთდება. კატარაქტის გაღრმავების თავიდან ასაცილებლად საჭიროა დაავადების ადრეული გამოვლენა, მართებული მკურნალობა და ექიმის დანიშნულების ზედმიწევნით შესრულება.

 


 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სერიალი ”გაბოროტებული” წლების წინ გამოჩნდა სატელევიზიო სივრცეში, მაგრამ ის დღესაც არ კარგავს აქტუალობას. სატელევიზიო შოუს შესახებ საუბრები და მითქმა-მოთქმა დღემდე არ ჩერდება. მრავალი კითხვა ჩნდება სერიალის გარშემო. ჩვენ გთავაზობთ www.imdb.com-ის მიხედვით, ყველაზე ხშირად დასმულ კითხვებსა და მათზე პასუხებს სერიალ ”გაბოროტებულის” შესახებ.
#ქველმოქმედებამარტივია - ჟურნალ ,,ოჯახის მკურნალის"" და ,,პალიტრა მედიის"" ერთობლივი პროექტია, რომელიც მძიმე სნეულებების მქონე ბავშვებს რამდენიმე ათასი ლარით დაეხმარა.
აშშ-ის ჯანდაცვის ნაციონალური ინსტიტუტების მეცნიერების კვლევის მიხედვით დადგინდა, რა ხდება ტვინში ცხოვრების არასწორი წესის შემთხვევაში. კერძოდ, სიმსუქნის დროს იცვლება ტვინის დოფამინის, მოტივაციაზე პასუხისმგებელი რეცეპტორები.
16 თებერვალი 2017
მეცნიერების აზრით, წიგნები და მასობრივი ინფორმაციის საშუალებები მნიშვნელოვან როლს ასრულებენ ბავშვებში ამ თუ იმ პროდუქტისადმი დამოკიდებულების ჩამოყალიბებაში. ხოლო საკვებისადმი ბავშვობის დროინდელი სიყვარული, ხშირად მთელი ცხოვრების განმავლობაში ნარჩუნდება. მკვლევარებმა შეისწავლეს საჭმლის აღწერილობა 100 პოპულარულ საბავშვო წიგნში.
27 იანვარი 2017
გერმანიის ფედერალური ინსტიტუტის პროფესორი ბერნდ შეფერი აცხადებს, რომ ტოსტერში დაბრაწულ-დახრუკული პური (ე.წ "ტოსტი") ჯანმრთელობისთვის მავნებელია. რაც უფრო მეტხანს იწვება ის, მით მეტია მასში აკრილამიდის შემცველობა. ამ ნივთიერებას კი კანცეროგენების (სიმსივნის მაპროვოცირებელი ნაერთები) სიაში მოიაზრებენ.
მაიოს კლინიკის სპეციალისტები მივიდნენ დასკვნამდე, რომ ბავშვთა ასთმური შეტევის მიზეზი ხშირად მშობელთა მავნე ჩვევა - თამბაქოს მოხმარებაა. ისინი მოუწოდებენ მოზრდილებს, მოარიდონ ბავშვები თამბაქოს კვამლს. მეცნიერებმა გააანალიზეს ამ თემასთან დაკავშირებით ჩატარებული 25 კვლევის შედეგები. აღნიშნულ კვლევებში მონაწილეობდა 430 000-ზე მეტი ბავშვი, რომელთა საშუალო ასაკი 6-7 წელიწადს შეადგენდა.
როგორც კვლევებმა აჩვენა, ანანასს არა მარტო სასიამოვნო გემო აქვს, არამედ ანტიოქსიდანტების შემცველობის გამო, ჯანმრთელობისთვისაც სასარგებლოა. კერძოდ, ანტიოქსიდანტური თვისებების გამო ის წარმატებით ებრძვის ათეროსკლეროზს, გულის დაავადებებსა და სხვადასხვა ტიპის კიბოს.
კომპიუტერული თამაშები ხანდაზმულ ადამიანებს ჭკუასუსტობისგან იხსნის. კომპიუტერული თამაშების საშუალებით ტვინის ვარჯიში დემენციისკენ მიდრეკილი ადამიანების კოგნიტიური ფუნქციების გაუარესების პროცესს ამუხრუჭებს.