რუბრიკები
ოჯახის მკურნალი
კითხვა-პასუხი
ძვლის სიმსივნეები
ძვლის სიმსივნეები

 


- რა იწვევს ძვლის ავთვისებიან სიმსივნეს? პაციენტებს ხშირად ჰგონიათ, რომ როგორც ძვლის, ასევე სხვა ლოკალიზაციის სიმსივნეების აღმოცენებას მნიშვნელოვანწილად განაპირობებს ხშირი ტრავმირება. აქვს თუ არა საფუძველი მსგავს შეხედულებას?
- რიგი სიმსივნისგან განსხვავებით, ძვლის ავთვისებიან სიმსივნეთა განვითარებაში ტრავმას მართლაც მნიშვნელოვანი წვლილი მიუძღვის. აქვე უნდა აღვნიშნოთ, რომ ზოგჯერ პაციენტებს სიმსივნის პირველი ნიშნები ტრავმით გამოწვეულ სიმპტომებად მიაჩნიათ და ექიმს არც კი მიმართავენ. მსგავს შემთხვევებში გასათვალისწინებელია ერთი რამ: თუ ტკივილი ან კიდურის ფუნქციის დარღვევა ტრავმით არის განპირობებული, ის ტრავმირებისთანავე გამოვლინდება; თუ ჩამოთვლილი მოვლენები განახლდება ან თავს იჩენს ტრავმიდან გარკვეული ხნის შემდეგ, აუცილებელია ექიმის კონსულტაცია ძვლის სიმსივნური დაზიანების გამორიცხვის მიზნით. გარდა ამისა, ძვლის სიმსივნის წარმოშობის რისკფაქტორებია გენეტიკური დატვირთვა, რადიაცია და სხვა. მიუხედავად იმისა, რომ ცნობილია ზემოთ დასახელებული ფაქტორების როლი ძვლის სიმსივნის აღმოცენებაში, მისი გამომწვევი მიზეზები სრულყოფილად შესწავლილი და დადგენილი არ არის.


- პაციენტებზე განსაკუთრებით დამთრგუნველად მოქმედებს ძვლის ავთვისებიანი სიმსივნის დიაგნოზი, რადგან მათ მიაჩნიათ, რომ ძვლის სიმსივნეები განსაკუთრებული ავთვისებიანობით გამოირჩევა...
- ამ შეხედულებასაც აქვს გარკვეული საფუძველი. ძვლის პირველადი სიმსივნეების უმრავლესობა აგრესიული მიმდინარეობით გამოირჩევა. ამ თვალსაზრისით განსაკუთრებით საყურადღებოა ოსტეოგენური სარკომა, რომელსაც ახასიათებს ჰემატოგენურად (სისხლის საშუალებით) მეტასტაზირება ორგანოებში და ძალიან აგრესიულად მიმდინარეობს. თუმცა არსებობს სიმსივნეებიც, რომლებიც ნაკლებად აგრესიულია. ასე რომ, ამ შეკითხვაზე ერთმნიშვნელოვანი პასუხი არ არსებობს, ვინაიდან პროგნოზს მრავალი ფაქტორი განსაზღვრავს. მათ შორის აღსანიშნავია სიმსივნის ადრეული თუ შორეული გართულებები, ჰისტომორფოლოგიური შენება, ლოკალიზაცია და სხვა.


- რომელ ორგანოებში შეიძლება მეტასტაზირებდეს ძვლის სიმსივნე?
- სხვა სიმსივნეების მსგავსად, ძვლის სიმსივნეთა მეტასტაზირება შესაძლოა მოხდეს ფილტვში, ტვინში, ღვიძლსა და სხვა ორგანოებში.


- უქმნის თუ არა საფრთხეს ადამიანის სიცოცხლეს ძვლის კეთილთვისებიანი სიმსივნე?
- ძვლის კეთილთვისებიანი სიმსივნე სიცოცხლეს განსაკუთრებულ საფრთხეს არ უქმნის, მისთვის არ არის ტიპობრივი ძვლის ლიზისი და სპონტანური მოტეხილობების განვითარება, თუმცა რიგ შემთხვევაში კლინიკური გამოვლინება შესაძლოა ისეთივე იყოს, როგორიც ავთვისებიანი სიმსივნისა: ტკივილი, ფუნქციური შეზღუდვა, ძვლის დეფორმაცია...


- რომელი კვლევები ტარდება ძვლების სიმსივნეთა დიაგნოსტიკის მიზნით?
- პაციენტის კვლევა იწყება გასინჯვით - მისი კლინიკური მონაცემების დადგენითა და ფიზიკალური გამოკვლევით. ძვლის სიმსივნეთა დიაგნოსტიკაში უდიდესი როლი აკისრია რენტგენოგრაფიას, რომელიც ამ შემთხვევაში საკმაოდ ინფორმაციულია. როცა რენტგენოგრაფიით მიღებული ინფორმაცია საკმარისი არ არის, ტარდება კომპიუტერული ტომოგრაფია, სადაც დეტალურად, მილიმეტრის დონეზე ხდება ინფორმაციის მიღება სიმსივნის გავრცელებასა და სტრუქტურაზე. კომპიუტერული ტომოგრაფია განსაკუთრებით მნიშვნელოვანია ხერხემლის პირველადი და მეტასტაზური დაზიანების დროს. კომპიუტერულ ტომოგრაფიასთან ერთად დიაგნოსტიკის მიზნით ტარდება ძვლების სკანირება, პოზიტრონულ-ემისიური ტომოგრაფიული სკანირება. მიუხედავად ასეთი თანამედროვე კვლევების არსებობისა, დიაგნოზის დასადასტურებლად საჭიროა ტრეპანობიოფსია, რაც საშუალებას გვაძლევს, სპეციალური ნემსის მეშვეობით მივიღოთ ძვლის მცირე ნაწილი და მიკროსკოპიულად შევისწავლოთ მისი უჯრედოვანი და ქსოვილოვანი შენება. სადღეისოდ დადგენილია, რომ ძვლის სიმსივნით დაავადებულ პაციენტთა გამოსაკვლევად ყველაზე ეფექტურია კომპლექსური კვლევა, რაც გულისხმობს კლინიკური კვლევის, სხივური დიაგნოსტიკის (რენტგენოგრაფია, კომპიუტერული ტომოგრაფია და სხვა) და მორფოლოგიური გამოკვლევის შერწყმას. ამ მეთოდების კომბინირებული გამოყენება საშუალებას გვაძლევს, შემთხვევათა უმრავლესობაში სწორი დიაგნოზი დავსვათ.


- უკანასკნელ ხანს საკმაო პოპულარობით სარგებლობს სახსრების ექოსკოპიური კვლევა. ინფორმაციულია თუ არა ის ძვლის სიმსივნეების სადიაგნოზოდ?
- სახსრების ექოსკოპიური კვლევა ინფორმაციულია სახსრების, რბილი ქსოვილების პათოლოგიის დასადგენად. ძვლის სიმსივნეების დიაგნოსტიკისთვის ის არ არის მიზანშეწონილი. კვლევის ხელმისაწვდომ და იაფ მეთოდთაგან ძვლის სიმსივნეების დიაგნოსტიკის თვალსაზრისით ინფორმაციულია ჩვეულებრივი რენტგენოგრაფიული კვლევა, რომელიც თითქმის ყველა სამედიცინო დაწესებულებაში შეიძლება ჩატარდეს. ზემოხსენებული მეთოდები (რენტგენოგრაფია, კომპიუტერული ტომოგრაფია და სხვა) გვიჩვენებს სიმსივნის ლოკალიზაციასა და გავრცელებას, ხოლო კვლევის ინვაზიური მეთოდები - პუნქციური ასპირაციული მასალის და ტრეპანობიოპტატის მიკროსკოპიული შესწავლა - საშუალებას გვაძლევს დავადგინოთ სიმსივნის უჯრედოვანი და ქსოვილოვანი შენება, განვსაზღვროთ მკურნალობის მეთოდი, რიგ შემთხვევაში - ქირურგიული, რიგ შემთხვევაში - სხივური ან მათი კომბინირებული გამოყენება.



თარიღი : 11-04-2016
levani
მარი რამდენის იყო შენი დედამთილი და ამიღწერე რა სიმპტომები გთხოვ რა :(
თარიღი : 08-10-2015
mari
ჩემ დედამთილს დაეწყო ფეხის ტკივილი,რაიონში მივიდა ექიმებთან და ნერვის ანთებააო,მკურნალობდა კარგა ხანს მაგრამ შედეგი რო არ ჰქონდა წამოვიყვანეთ თბილისში,მივიყვანეთ რევმატოლოგიურ სამკურნალო ცენტრში,რენტგენზე და ეხოსკოპიური კვლევით თქვეს რომ ოსტეოქონდროზიაო და დაუნიშნეს მკურნალობა,ისიც უშედეგოდ,პირიქით მატულობდა ტკივილი.ბოლოს კომპიუტერულ კვლევაზე გამოჩნდა რომ ძვლის სიმსივნე ჰქონდა.ოპერაცია გვირჩია ექიმმა მაგრამ ოდნავი შველაც ვერ იგრძნო ქალმა,ტკივილი დროებითაც არ შეუჩერდა.ტყუილა გვაყრევინეს ფული უაზრო წამლებში და ოპერაციებში(ნეტა შველოდა და ვინ ჩიოდა)ვერაფერი ვერ უშველეს სამწუხაროდ დაიღუპა.იცოდნენ ოპერაციაც არ უშველიდა მაგრამ ტყუილა აწვალეს,თვითონ ფული ჩაიდეს ჯიბეში(5ათასი დაჯდა ოპერაცია),ხალხი რაში ედარდებათ.. :( რა საშინელებაა ეს სიმსივნე,ღმერთმა ყველას აშოროს..
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
გარგარი შეიცავს ადვილად ასათვისებელ ნახშირწყლებს (გლუკოზას, ფრუქტოზას, საქაროზას), ორგანულ მჟავებს, მინერალურ (კალიუმის, კალციუმის, რკინის, ფოსფორის) მარილებს, A, B ჯგუფის, C, PP და სხვა ვიტამინებს,
სპეციალისტების თქმით, სექსუალური ცხოვრების დიდი ხნით შეკავება ქალის ფიზიკური და ფსიქიკური ჯანმრთელობისთვის საშიშია. ასეთ პირობებში ის უფრო ცუდად უმკლავდება სტრესს. საქმე ისაა, რომ სექსის დროს ხდება ენდორფინების - კარგი განწყობის ჰორმონები - გამომუშავება.
"გაბოროტებული" (Breaking Bad) ამერიკული კრიმინალური დრამაა, რომელიც 2008-2013 წლებში გადიოდა AMC-ზე. იგი დღემდე ითვლება ერთ-ერთ ყველაზე პოპულარულ და მაღალრეიტინგულ სერიალად. გთავაზობთ საინტერესო ეპიზოდებს სერიალიდან:
ამ კატეგორიის სხვა სტატიები
საქართველოს ონკოლოგთა ასოციაციის პრეზიდენტი, ონკოლოგიის ნაციონალური ცენტრის გენერალური დირექტორი რეზო გაგუა გარდაიცვალა. არსებული ინფორმაციით, პროფესორიი კლინიკაში გარდაცვლილი იპოვეს. 71 წლის პროფესორის გარდაცვალების მიზეზი ჯერჯერობით უცნობია.
მეცნიერებმა კიბოს მკურნალობის ახალი მეთოდი შემოგვთავაზეს. მათ, სხეულის ტემპერატურის 13-15 გრადუსამდე დაქვეითებით, პაციენტების მოთავსება სურთ ერთგვარ ჰიბერნაციაში (ძილი). მიჩნეულია, რომ ამ მდგომარეობაში სხეულში ყველა პროცესი ჩერდება, ხოლო ვიდრე ორგანიზმი ძილის მდგომარეობაში იქნება, ექიმებს მშვიდად შეეძლებათ კიბოსთან გამკლავება.
თურმე მკერდის სიმსივნით მამაკაცებიც იღუპებიან. საქმე ის არის, რომ ძლიერი სქესის წარმომადგენლებს ეს დაავადება მეტისმეტად იშვიათად ემართებათ. დიდ ბრიტანეთში, მაგალითად, ამ სიმსივნით 38 000 ქალი და მხოლოდ 200 მამაკაცია დაავადებული.
С ვიტამინი გაციების პროფილაქტიკურ საშუალებად ითვლება. თუმცა ეს ვიტამინი ასევე ეფექტური, იაფი და უსაფრთხო საშუალება აღმოჩნდა ნებისმიერი ლოკალიზაციისა და განვითარების სტადიის კიბოსთვის. კიბოსსაწინააღმდეგო სტანდარტული პრეპარატებისგან განსხვავებით, რომლებიც არასასიამოვნო გვერდით ეფექტებს იწვევენ (იმუნური, საჭმლის მომნელებელი სისტემის მოშლა, ალერგიული რეაქციები, სისხლდენა, ლეტალური გამოსავალი), С ვიტამინი უსაფრთხოა.
მეცნიერებმა დაადგინეს, რომ ძვლის ტვინისა და სისხლის ავთვისებიანი სიმსივნეების (მიელოპროლიფერაციული მიელოპლაზიების) დროს ადგილი აქვს ერთ-ერთი ფერემენტის - იანუს -კინაზა 2-ის გენეტიკურ მუტაციას. ამასთან, ღეროვან უჯრედებში მუდმივად ჩართულია ბრძანება სისხლწარმოქმნაზე.
კორეელი მკვლევარების გუნდი მუშაობდა ბაქტერიული ინფექციის ვაქცინაზე, რომელიც მოლუსკებს აზიანებდა. აღმოჩნდა, რომ ბაქტერიები, რომლებიც მოლუსკებს უტევენ, გამოიმუშავებენ ცილას FlaB, რომელიც იმუნურ პასუხს იწვევს.
15 დეკემბერი 2016
კომპიუტერული თამაშები ხანდაზმულ ადამიანებს ჭკუასუსტობისგან იხსნის. კომპიუტერული თამაშების საშუალებით ტვინის ვარჯიში დემენციისკენ მიდრეკილი ადამიანების კოგნიტიური ფუნქციების გაუარესების პროცესს ამუხრუჭებს.
08 თებერვალი 2017
აშშ-ის ჯანდაცვის ნაციონალური ინსტიტუტების მეცნიერების კვლევის მიხედვით დადგინდა, რა ხდება ტვინში ცხოვრების არასწორი წესის შემთხვევაში. კერძოდ, სიმსუქნის დროს იცვლება ტვინის დოფამინის, მოტივაციაზე პასუხისმგებელი რეცეპტორები.
ჰოლივუდის ასაკოვანმა ვარსკვლავებმა ერთ მშვენიერ დღეს ახალგაზრდობის გახანგრძლივებისა და ნაოჭების საწინააღმდეგო საშუალებების ძიება დაიწყეს. საუკეთესო ექიმებმა კი მიაგნეს „სასწაულმოქმედ საშუალებას“ - „სილამაზის ჩხვლეტას“. პირველი წარმატებული ჩხვლეტის შემდეგ ბოტოქსის ინექცია ჰოლივუდის გასართობადაც კი იქცა. სადღეისოდ ეს პროცედურა უბრალო მოკვდავთათვისაც ხელმისაწვდომია.

მძღოლები ხშირად ბრმად ენდობიან ნავიგატორებს, რასაც ზოგჯერ არასასიამოვნო ინციდენტი ახლავს თან. ლონდონის უნივერსიტეტის მკვლევრებმა დაადგინეს, რომ მსგავსი მოწყობილობა თრგუნავს ტვინის იმ ზონის აქტიურობას, რომელსაც ჩვენ ჩვეულებრივ, ნავიგაციისთვის ვიყენებთ. საჭიროა შევეცადოთ რუკაში დამოუკიდებლად გარკვევას.
კვლევებით დამტკიცებულია, რომ სმარტფონები უარყოფითად მოქმედებს ჯანმრთელობაზე, სოციალურ ურთიერთობებსა და განათლებაზე. თუმცა, ბუდაპეშტის უნივერსიტეტის სპეციალისტებმა გამოარკვიეს, რომ მობილური ტელეფონის გარეშე ბევრ ახალგაზრდას პოსტტრავმული სტრესული მოშლილობის მსგავსი სიმპტომები აღენიშნება.