ცელულიტს ქალური ჰორმონები იწვევს
. ქალის ორგანიზმში ესტროგენების რაოდენობა სქესობრივი მომწიფების დაწყებისთანავე იმატებს. მაშასადამე, ეს მოვლენა გარკვეულ ზღვრამდე ბუნებრივიცაა.
ამ ფენომენის პროგრესირებასა და მახინჯი ფორმების მიღებას მრავალი მიზეზი უწყობს ხელს: ჰორმონული კონტრაცეპტივები, ლუდი, არარაციონალური კვება და სხვ. მართალია, სუფიქსი "-იტი" ანთებას ნიშნავს, მაგრამ ცელულიტის დროს ის არ დასტურდება, ამიტომ დღესდღეობით უფრო ზუსტ ტერმინებად მიიჩნევა ლიპოსკლეროზი, ლოკალიზებული ჰიდროლიპოდისტროფია.
ცელულიტსა და სიმსუქნეს ერთმანეთთან კავშირი არ აქვს. ცელულიტური არხების დახშობა ჰორმონული ბალანსისა და წყალმარილოვანი ცვლის დარღვევისას ხდება, მაშინაც კი, თუ გახდომას გადაწყვეტთ და მკაცრ დიეტას დაიცავთ. წონის კლება მისგან ვერ გიხსნით.
ცელულიტის საწინააღმდეგო კრემები გარკვეულწილად ჭიმავენ კანს, მაგრამ საკუთრივ ცელულიტურ უჯრედებზე არ მოქმედებენ. მათ არ შეუძლიათ მიზეზის აღმოფხვრა - უჯრედების გამომტანი არხების გახსნა.
სამწუხაროდ ცელულიტის დამარცხება არც მასაჟსა და ტრენაჟორებს სეუძლიათ. ეფექტი შესაძლოა უარყოფითიც კი იყოს. შესაძლოა, ცხიმოვანი შრე მართლაც შემცირდეს, მაგრამ ეფექტი ხანმოკლე იქნება და ამ გზით ცელულიტის პროგრესირებას ვერ შევანელებთ.
რაც შეეხება ლიპოსაქციას, ის აცილებს კანქვეშ არსებულ ცხიმგროვებს, საკუთრივ ცელულიტს კი ვერ კურნავს.
იხილეთ აგრეთვე სტატია "კიდევ ერთხელ ცელულიტის შესახებ"