ხერხემალი და სახსრები - როგორ შევუშალოთ ხელი დაბერებას - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ხერხემალი და სახსრები - როგორ შევუშალოთ ხელი დაბერებას

როგორ დავიცვათ ხერხემალი დაბერებისგან?

ცნობილი ქირურგის, აკადემიკოს ნ. ამოსოვის ვარჯიშების კომპლექსი მეტად მარტივია, მაგრამ, ამასთანავე, სასიცოცხლოდ აუცილებელიც მათთვის, ვისი ხერხემალიც გაძვალებას განიცდის. გაძვალება იმას ნიშნავს, რომ ხერხემალმა დაკარგა ადრინდელი მოქნილობა, მალებს შორის არსებული ანატომიური წარმონაქმნები გამკვრივდა, ხოლო ნერვული დაბოლოებები დაწვრილდა და ხშირად ზეწოლასაც განიცდის. სწორედ ამით იწყება გულის, ფილტვების, კუჭისა და სხვა ორგანოების პრობლემები. ექიმების კონსულტაციით ვიწყებთ მკურნალობას, ვსვამთ აუარება წამალს. ერთხანს შვებასაც ვგრძნობთ, მერე კი ყველა დაავადება ახალი ძალით გვიტევს. და თითქმის ვერავინ ხვდება, რომ ხერხემალს უნდა მიხედოს - სწორედ ის არის ყველაფრის თავიდათავი!

შეგიძლიათ, დაეხმაროთ საკუთარ თავს. ეს სულაც არ არის ძნელი. ჩვევად აქციეთ ეს ვარჯიშები, ისევე როგორც დილაობით კბილების გამოხეხვა, და მცირე ხნის შემდეგ აუცილებლად იგრძნობთ მათ უდიდეს მნიშვნელობას.

ფეხშიშველი დადექით ხალიჩაზე ან იატაკზე. მოძრაობათა რაოდენობა თვითშეგრძნებით განსაზღვრეთ. დაწყება შეიძლება მოძრაობის 5-10-ჯერ გამეორებით. ყოველდღიურად ან ყოველკვირეულად მიამატეთ 2-3 მოძრაობა, როგორც თქვენთვის იქნება კომფორტული, და თანდათან 100-მდე ადით.

1. ასწიეთ ხელები - ჩაისუნთქეთ. ხელებაწეული მობრუნდით მარცხნივ - ამოისუნთქეთ. დაუბრუნდით საწყის მდგომარეობას - ჩაისუნთქეთ. სუნთქავთ ცხვირით. ყოველი მომდევნო მოტრიალება უფრო მკვეთრი უნდა იყოს.

2. ხელები მხრებამდე ასწიეთ და განზე გაშალეთ. ერთ თვლაზე ტანს აბრუნებთ მარჯვნივ-მარცხნივ. ორზეც იმავეს აკეთებთ. ხელებს არ იქნევთ, ერთ დონეზე გიკავიათ. სუნთქავთ თავისუფლად, სუნთქვის შეკავება არ შეიძლება.

3. მთელი ტანით იხრებით წინ. ხელები იმავე მდგომარეობაში გაქვთ, როგორშიც მეორე სავარჯიშოს დროს. დახრისას მუხლებში არ იხრებით. სუნთქვას არ იკავებთ.

ვარჯიშის პირველ კვირას ტკივილის თავიდან ასაცილებლად მეტისმეტად ნუ დაიხრებით. მომდევნო დღეებში თავადაც გაგიკვირდებათ, რა ადვილად მოახერხებთ უფრო და უფრო დაბლა დახრას. თუ ამ უბრალო, მაგრამ ძალზე სასარგებლო ვარჯიშებს მთელი სიცოცხლის განმავლობაში შეასრულებთ, ხერხემალსაც გაიახალგაზრდავებთ და ჯანმრთელობასაც გაიხანგრძლივებთ.

არანაკლებ დადებით გავლენას ახდენს ხერხემალზე ცურვაც. კვირაში ორ-სამჯერ აუზზე ვიზიტი მრავალ პრობლემას აგაცილებთ თავიდან, ხოლო თუ ცურვის დაწყებას პროფილაქტიკის მიზნით კი არა, არამედ უკვე არსებული პრობლემების აღმოსაფხვრელად გადაწყვეტთ, აუზის არჩევისას ყურადღება მიაქციეთ არა მარტო წყლის სისუფთავეს, არამედ ტემპერატურასაც. ძვალსახსროვანი და კუნთმყესოვანი სინდრომების დროს ოპტიმალურად მიიჩნევა საკმაოდ თბილი (27-300ც) წყალი. ასეთი ტემპერატურა საკმარისია იმისთვის, რომ უზრუნველყოს კუნთების მოდუნება და, ამასთანავე, არ მოახდინოს გადაცივების პროვოცირება.

წყალი იდეალური გარემოა მათთვის, ვისაც ხერხემლის ან ზურგის ტკივილი ტანჯავს: ის ხსნის ზეწოლას და დაძაბულობას და ხელს უწყობს მალათაშორისი დისკოების მეტ-ნაკლებად გასწორებას. ხერხემლის პრობლემების ფონზე ცურვის დაწყებამდე აუცილებლად უნდა მიიღოთ ექიმის კონსულტაცია, რათა მან შეგირჩიოთ თქვენთვის საჭირო ცურვის სტილი. ფიზიოლოგები ამტკიცებენ, რომ ადამიანი ზუსტად იმდენადაა მოხუცი, რამდენადაც მისი ხერხემალი. ამ დროს საპასპორტო ასაკს მნიშვნელობა არ აქვს. მოძრაობითი სიბერე ცხოვრების ნაკლებად მოძრავი წესის გამო 30-40 წლიდან იჩენს თავს.


კვება

მოძრაობა და წყალი ხერხემალთან ერთად სახსრებსაც უხდება, მაგრამ მათთან ერთად დიდი მნიშვნელობა აქვს კვებასაც. სახსრები, ისევე როგორც სხვა ქსოვილები, საშენ მასალად იმ ნივთიერებებს იყენებს, რომლებსაც საკვები შეიცავს. დღესდღეობით უმეტესობა ისე იკვებება, რომ ხერხემალი და სახსრები სწრაფად კარგავენ ელასტიკურობას და რღვევას იწყებენ: მჟავე გარემო, რომელიც რაფინირებული მაღალკალორიული პროდუქტებისგან იქმნება, სახსრებს ასუსტებს და ადვილად მოწყვლადს ხდის.

ადამიანი ისაა, რასაც მიირთმევს. ამრიგად, ჩვენი უჯრედები არა ხარისხიანი მასალისგან, არამედ იმ შემცვლელებისგან შედგება, რომლებსაც უხვად შეიცავს ძეხვეული, სპეციფიკური ტექნოლოგიით დამზადებული ყველი, კონსერვები, ნახევარფაბრიკატები და სხვა ის მზა პროდუქტები, რომლებიც ხანგრძლივი შენახვისა და სწრაფი მომზადებისთვისაა განკუთვნილი. მათში არც ვიტამინებია და არც მიკროელემენტები. იმასაც აქვს მნიშვნელობა, როგორ ვამზადებთ შინ ნატურალურ სურსათს - დიდხანს ხარშვა, დიდი რაოდენობით მაიონეზის, ძმრისა და მარილის დამატება რომ ცუდია, ყველამ იცის, მაგრამ უმეტესობა ამას არად დაგიდევთ - მთავარია, “გემრიელი იყოს”.

გაგაცნობთ პროდუქტებს, რომლებზეც უმჯობესია უარი თქვათ - სიმსუბუქე და მოძრაობა უფრო ძვირი ღირს, ვიდრე შებოლილი ძეხვი და ტკბილი კრემით გამოტენილი ნამცხვარი.

შემწვარ-მოხრაკულის ნაცვლად მიირთვით მოშუშული და მოხარშული ხორცი და ბოსტნეული, ხოლო მსუყე ტკბილეულისა და გაზიანი სასმელების ნაცვლად ხილის მუსი, ახალგამოწურული წვენი, კომპოტი და კისელი სვით.

მრავალი პროდუქტი შეიცავს ფოსფატებს, რომლებიც რეგულარული გამოყენებისას ოსტეოპოროზს იწვევს. თუ მათზე უარს არ იტყვით, წამლების შესაძენად მოგიწევთ ფულის ხარჯვა. ფოსფატებით მდიდარია: უალკოჰოლო ხელოვნურად მინერალიზებული სასმელები, მაღალი ხარისხის ხორბლის გაუმჯობესებული ფქვილისგან გამომცხვარი პური, კონსერვის ქილებში ჩამოსხმული კონცენტრირებული და შესქელებული რძე, ლიქიორები, კიბორჩხალას ჩხირები, თითქმის ყოველგვარი სახეობის ძეხვი, მდნარი ყველი, თითქმის ყოველგვარი სახეობის ნაყინი, გარდა რძისა და ნაღების ნაყინებისა.

ბუნებრივი ფოსფორის მისაღებად მიირთვით თევზი და ზღვის სხვა პროდუქტები, კალციუმი მიიღეთ ნაკლებადცხიმიანი რძით და რძემჟავა პროდუქტებით, ასევე - ნატურალური ყველით, რომელსაც არა უმეტეს 30%-იანი ცხიმიანობა აქვს.

სასარგებლოა ბოსტნეული, გარგარი, ალუბალი, ლეღვი, ფინიკი, შავი ქლიავი, ქიშმიში, ლობიო, სოია, თაფლი, თხილი, კაკალი, მწარე შოკოლადი, კაკაო, ხორბლის საღი მარცვლებისგან დამზადებული პური და სხვა. ამ პროდუქტებს ნუ დააყოლებთ მაგარ ჩაის და ყავას და მომჟავო მწვანილეულს - ისპანახსა და მჟაუნას.

სახსრებისთვის სასარგებლოა მუკოპოლისაქარიდები, რომელებსაც დიდი რაოდენობით შეიცავს ლაბა (ხალადეცი), ზღვის მცენარეები, მიდიები, კრევეტები, თევზებისა და ფრინველების მყესები, ძვლები და ხრტილები.

ვიტამინი, რა თქმა უნდა, ყველა საჭიროა, მაგრამ არის ისეთებიც, რომლებიც ხერხემალსა და სახსრებს ყველაზე მეტად და დიდი რაოდენობით სჭირდება. მაგალითად, დ ვიტამინი, რომელსაც შეიცავს თევზის ღვიძლი, ნაღების კარაქი, ხაჭო, ყველი, კვერცხის გული და რძემჟავა ნაწარმი.

B, C, E, A, K ჯგუფის ვიტამინები და მიკროელემენტები აუცილებელია სახსრების აღსადგენად. ისინი უხვადაა ცოცხალ ბოსტნეულში.

სახსრებისთვის აუცილებელი პოლიუჯერი ცხიმოვანი მჟავებით მდიდარია თევზეული, ზეითუნისა და სხვა მცენარეული ზეთები.

აუცილებელია C ვიტამინის შენარჩუნებაც, ამიტომ ხილი და ბოსტნეული უშუალოდ გამოყენების წინ უნდა დაარჩიოთ და დაჭრათ, ხოლო ქურაზე რაც შეიძლება ნაკლებ ხანს დატოვოთ.

თუ ამ მარტივ წესებს დაიცავთ, თქვენი ხერხემალი და სახსრები გვიან დაბერდება და დიდხანს შეინარჩუნებს მოქნილობას.